လံာ်ပှၤစံၣ်ညီၣ်ကွီၢ် 15:5 - Sgaw Karen Common Bible

⁵ တုၤနုၤတစု, အဝဲဒွဲၣ်ထီၣ်ဆှိကဒိၣ်တဖၣ်န့ၣ်လၢမ့ၣ်အူဒီး ပျၢ်လီၤကွံာ်ထွံၣ်မံၤတဖၣ်န့ၣ်ဆူပှၤဖလ့ၡသးဖိအဘုခ့စံာ် ပျီပူၤန့ၣ်လီၤ. လၢကျဲဒ်သိးအံၤန့ၣ်အဝဲဆူးကဲၤကွံာ်ဘုခ့လၢတၢ်ကူးက့ၤဝံၤ တဖၣ်တကးဘၣ်ဘုခ့လၢအအိၣ်ဒံးလၢစံာ်ပျီပူၤတဖၣ်ဒီးသ့ၣ်စၤ ယံးအတၤသၣ်လီၢ်တဖၣ်ဒၣ်လဲာ်န့ၣ်လီၤ.

လံာ်ပှၤစံၣ်ညီၣ်ကွီၢ် 15:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:30

လၢတၢ်န့ၣ်အဃိစီၤအးဘၡါလိၣ်စံးဘၣ်အခ့အပှၤတဖၣ်ဒ်အံၤ, “ကွၢ်, စီၤယိၤအာ်အစံာ်ပျီန့ၣ်အိၣ်ဖဲယစံာ်ပျီအကပၤ, ဒီးဘုမုယီၤဘၣ်တၢ်သူၣ်အီၤလၢအပူၤန့ၣ်လီၤ. လဲၤဒီးဆူးကဲၤထီၣ်ကွံာ်အီၤလၢမ့ၣ်အူတက့ၢ်.” မၤသးဒ်န့ၣ်ဒီး, အဝဲသ့ၣ်လဲၤဒီးဆူးကဲၤထီၣ်စံာ်ပျီလၢမ့ၣ်အူန့ၣ်လီၤ.”

လံာ်တၢ်ဟးထီၣ်ကွံာ် 22:6

ပှၤတဂၤမ့ၢ်စးထီၣ်ဒွဲၣ်တၢ်လၢအပျီပူၤဒီးမ့ၣ်အူမ့ၢ်ခီဂာ် ဆူပှၤအဂၤတဂၤအပျီပူၤဒီး, အီၣ်ကွံာ်ဘုဧိၤဟုဧိၤလၢအမဲထီၣ်, မ့တမ့ၢ်ဘုလၢတၢ်ကူးအီၤဝံၤဝဲဒီးတၢ်ပာ်ဖှိၣ်အီၤန့ၣ်, ပှၤလၢအစးထီၣ်ဒွဲၣ်မ့ၣ်အူတဂၤ, ကဘၣ်လိးက့ၤတၢ်လၢတၢ်ဟးဂီၤ အဂီၢ်လီၤ.

လံာ်တၢ်ဟးထီၣ်ကွံာ် 23:11

မ့မ့ၢ်လၢနွံနံၣ်တနံၣ်အပူၤန့ၣ်ပာ်အိၣ်ဘှံးအီၤတက့ၢ်. ကူးက့ၤတၢ်လၢအမဲထီၣ်န့ၣ်နီတမံၤတဂ့ၤ. မ်ပှၤဖှီၣ်ပှၤယာ်တဖၣ်အီၣ်တၢ်လၢအမဲထီၣ်ဖဲန့ၣ်ဒီးဆၣ်ဖိကီၢ် ဖိအမံၤတဖၣ်ကအီၣ်တၢ်အီၣ်လီၤတဲာ်ဖဲန့ၣ်ကသ့ဝဲလီၤ. မၤသုစပံးအလီၢ်ဒီးသ့ၣ်စၤယံးအထံးတဖၣ်ဒ်န့ၣ်အသိးတက့ၢ်.

လံာ်ပှၤစံၣ်ညီၣ်ကွီၢ် 15:4

မၤသးဒ်န့ၣ်ဒီးအဝဲလဲၤဒီးဖီၣ်န့ၢ်ထွံၣ်မံၤအဒုသၢကယၤန့ၣ်လီၤ. အဝဲစၢဃာ်ထွံၣ်မံၤခံဒုအမဲၣ်ဃုာ်ဒီးဆှိတကဒိၣ်စုာ်စုာ်န့ၣ်လီၤ.

လံာ်ပှၤစံၣ်ညီၣ်ကွီၢ် 15:6

ဖဲပှၤဖလ့ၡသးဖိတဖၣ်သံကွၢ်ဝဲ, မ့ၢ်မတၤမၤတၢ်အံၤလဲၣ်ဒီး သ့ၣ်ညါဝဲလၢစီၤၡံၣ်ၡိၣ်မၤတၢ်အံၤလီၤ. အဂ့ၢ်ဒ်အံၤ, အမံၤပှၢ်ပှၤတံးမနးဖိတဂၤန့ၣ်ဟ့ၣ်လီၤကွံာ်စီၤၡံၣ်ၡိၣ်အမါ ဆူစီၤၡံၣ်ၡိၣ်အတံၤသကိးတဂၤအအိၣ်အဃိန့ၣ်လီၤ. မၤသးဒ်န့ၣ်ဒီး, ပှၤဖလ့ၡသးဖိတဖၣ်လဲၤဒွဲၣ်သံကွံာ်ပိာ်မုၣ် န့ၣ်ဒီးဆူးကဲၤထီၣ်ကွံာ်အပၢ်အဟံၣ်စ့ၢ်ကီးလီၤ.