လံာ်ပှၤစံၣ်ညီၣ်ကွီၢ် 15:20 - Sgaw Karen Common Bible

²⁰ ဒီးစီၤၡံၣ်ၡိၣ်ဆှၢပှၤအံၣ်စရ့လးဖိအနံၣ်ခံဆံဖဲပှၤဖလ့ၡသးဖိပၢဘၣ်ကီၢ်အခါန့ၣ်လီၤ.

လံာ်ပှၤစံၣ်ညီၣ်ကွီၢ် 15:20 Iomraidhean Croise

လံာ်တၢ်ကဲထီၣ်အခီၣ်ထံး 49:16

စီၤဒၣ်ကမ့ၢ်ပှၤပၢတၢ်တဂၤလၢအပှၤဂီၢ်မုၢ်အဂီၢ်လီၤ. အဝဲသ့ၣ်ကလီၤဂာ်ဒ်ကီၢ်အံၣ်စရ့လးအဒူၣ်အဂၤတဖၣ်အသိးန့ၣ်လီၤ.

ဧ့ၤဘြံၤ 11:32

ယကဘၣ်စံးအါထီၣ်ဒံးတၢ်မနုၤလဲၣ်. အဂ့ၢ်ဒ်အံၤယမ့ၢ်စံး ကတိၤလၢစီၤကံးဒဧိၣ်, စီၤဘါရး, စီၤၡံၣ်ၡိၣ်, စီၤယံးဖသၤ, စီၤဒၤဝံး, စီၤၡမူၤအ့လးဒီးဝံတဖၣ်အဂ့ၢ်န့ၣ်တၢ်ဆၢကတီၢ် တမ့ၢ်ကလၢလၢယဂီၢ်ဘၣ်.

လံာ်ပှၤစံၣ်ညီၣ်ကွီၢ် 13:1

ပှၤအံၣ်စရ့လးဖိသ့ၣ်တဖၣ်မၤကဒီးတၢ်ဒဲးဘးထီဒါယွၤဒီး ယွၤပျဲပှၤဖလ့ၡသးဖိတဖၣ်ပၢအဝဲသ့ၣ်အနံၣ်လွံၢ်ဆံန့ၣ်လီၤ.

လံာ်ပှၤစံၣ်ညီၣ်ကွီၢ် 13:5

ဒီးဖဲနဖိခွါအိၣ်ဖျဲၣ်ထီၣ်လံန့ၣ်နတဘၣ်တံာ်တဲာ်အခိၣ်သူနီတစုဘၣ်. အဂ့ၢ်ဒ်အံၤ, စးထီၣ်လၢအအိၣ်ဖျဲၣ်ထီၣ်မုၢ်တနံၤန့ၣ် အဝဲကဘၣ်တၢ်ပာ်စီဆှံအီၤဆူယွၤအအိၣ်ဒ်ပှၤနစၤရံဖိတဂၤအသိးန့ၣ်လီၤ. အဝဲကစးထီၣ်တၢ်ဖံးတၢ်မၤလၢတၢ်အုၣ်က့ၤခီၣ်က့ၤကီၢ်အံၣ်စရ့လးလၢပှၤဖလ့ၡသးဖိ အစုပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 16:31

ဒီးအဒီပုၢ်ဝဲၢ်ခွါတဖၣ်ဒီးအဒူၣ်ဖိထၢဖိအဂၤတဖၣ်ဟဲဟံးန့ၢ်က့ၤအစိၣ်လီၤ. အဝဲသ့ၣ်က့ၤစိာ်အီၤဒီးခူၣ်လီၤအီၤလၢဝ့ၢ်စိးရၤဒီးအ့ၤ ၡကိလးအဘၢၣ်စၢၤလၢအပၢ်စီၤမၤနိအသွၣ်ခိၣ်လီၤ. အဝဲကဲတ့ၢ်ပှၤအံၣ်စရ့လးဖိအခိၣ်အနံၣ်ခံဆံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:18

တုၤပှၤတဂၤန့ၣ်ယၢၤထီၣ်ယွၤအတၢ်အၢၣ်လီၤအီလီၤအတလါစီဆှံအဂ့ၢ်န့ၣ် စီၤဧ့လံၤလီၤကဒါဆူလီၢ်ခံလၢအလီၢ်ဆ့ၣ်နီၤဖီခိၣ်ဘူးဒီး ကျဲစၢၤန့ၣ်လီၤ. အဝဲအသးပှၢ်ဒိၣ်မးဒီးဘီၣ်ဒိၣ်မးတုၤဒၣ်လဲာ် အတၢ်လီၤဃံၤန့ၣ်မၤကၢ်ကွံာ်အကိာ်ဒီးသံဝဲဒၣ်လီၤ. အဝဲမ့ၢ်တ့ၢ်ကီၢ်အံၣ်စရ့လးအခိၣ်အနၢ်တဂၤလၢအနံၣ်လွံၢ်ဆံ အပူၤန့ၣ်လီၤ.