လံာ်ပှၤစံၣ်ညီၣ်ကွီၢ် 15:19 - Sgaw Karen Common Bible

¹⁹ တုၤနုၤတစု, ယွၤအိးထီၣ်တၢ်လီၤကအိတတီၤလၢဟီၣ်ခိၣ်လာ်ဖဲ ဝ့ၢ်လ့ၤဃံ, ဒီးထံဟဲထီၣ်လၢအပူၤလီၤ. စီၤၡံၣ်ၡိၣ်အီထံ ဒီးအိၣ်မုာ်ထီၣ်က့ၤဝဲလီၤ. မၤသးဒ်န့ၣ်ဒီး, ထံထီၣ်ပၢၢ်အံၤဘၣ်တၢ်ကိးအမံၤလၢဧ့ၣ်ဟးကိ ရ့ၤဒီးအိၣ်ဒံးဖဲဝ့ၢ်လ့ၤဃံန့ၣ်လီၤ.

လံာ်ပှၤစံၣ်ညီၣ်ကွီၢ် 15:19 Iomraidhean Croise

လံာ်တၢ်ကဲထီၣ်အခီၣ်ထံး 16:13

ဒီးနီၢ်ဟၤကၢ်သံကွၢ်လီၤက့ၤအသး, “မ့ၢ်ယထံၣ်နီၢ်နီၢ်လံ ယွၤဒီးအိၣ်မူဘၣ်ဒံးလၢကတဲတၢ်ဂ့ၢ်အံၤန့ၣ်ဧါ.” မၤသးဒ်န့ၣ်ဒီးအဝဲကိးယွၤလၢအကတိၤတၢ်ဒီးအီၤလၢ, “ကစၢ်ယွၤတဂၤလၢအထံၣ်တၢ်” န့ၣ်လီၤ.

လံာ်တၢ်ကဲထီၣ်အခီၣ်ထံး 28:19

ဒီးကိးဝဲတၢ်လီၢ်အံၤလၢဝ့ၢ်ဘ့ၤသ့လးန့ၣ်လီၤ. (ဝ့ၢ်လၢအအိၣ်ဖဲအံၤန့ၣ်တဘျီဘၣ်တၢ်သ့ၣ်ညါတ့ၢ်အီၤဒ်ဝ့ၢ်လူး စးအသိးန့ၣ်လီၤ.)

လံာ်တၢ်ကဲထီၣ်အခီၣ်ထံး 30:30

တၢ်ဆံးကိာ်ဖိလၢအအိၣ်ဒီးနၤဖဲတချုးယဟဲန့ၣ်, ဒိၣ်ထီၣ်အါထီၣ်ဒိၣ်ဒိၣ်ကလဲာ်လီၤ. ဒီးကစၢ်ယွၤဆိၣ်ဂ့ၤတ့ၢ်နၤ ဖဲယလဲၤတၢ်တပူၤလၢ်လၢ်န့ၣ်လီၤ. ဒီးခဲကနံၣ်အံၤတၢ်ဆၢကတီၢ်တုၤဝဲလၢယဂီၢ်လၢယကဃုယတၢ်ဘၣ် ဘျုးဘၣ်ဖှိၣ်ဒၣ်ယဲအဂီၢ်န့ၣ်လီၤ.”

လံာ်တၢ်ကဲထီၣ်အခီၣ်ထံး 45:27

ဘၣ်ဆၣ်တုၤအဝဲသ့ၣ်တဲဘၣ်အီၤတၢ်ခဲလၢာ်လၢစီၤယိၤသးစံးဘၣ် အဝဲသ့ၣ်, ဒီးဖဲအဝဲထံၣ်ဘၣ်လ့ၣ်ကဟၣ်တဖၣ်လၢစီၤယိၤသးဆှၢလီၤဒ်သိးတၢ် ကလဲၤကိးအီၤဆူကီၢ်အဲၤကူပတူးန့ၣ်, အဝဲသ့ၣ်နီၣ်ထီၣ်က့ၤအသးလၢတၢ်သးလီၤကတုၤန့ၣ်လီၤ.

စံးထီၣ်ပတြၢၤ 110:7

စီၤပၤကအိတၢ်လၢထံကျိလၢကျဲကပၤ ဒီးအဂံၢ်အဘါကဆူၣ်ထီၣ်က့ၤဝဲ, ဒီးအဝဲကဂဲၤဆၢထၢၣ်လၢတၢ်မၤနၢၤန့ၣ်လီၤ.

စံးထီၣ်ပတြၢၤ 120:1

လၢယဘၣ်တၢ်ကီတၢ်ခဲအပူၤန့ၣ် ယကိးထီၣ်ယွၤ ဒ်သိးကစံးဆၢယၤလီၤ.

စံးထီၣ်ပတြၢၤ 34:6

ပှၤဖှီၣ်ယာ်တဂၤအံၤကိးထီၣ်ဝဲ, ဒီးယွၤနၢ်ဟူအီၤ, ဒီးမၤပူၤဖျဲးအီၤလၢ အတၢ်ကိၢ်တၢ်ဂီၤခဲလၢာ်န့ၣ်လီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

လံာ်တၢ်ဟးထီၣ်ကွံာ် 17:15

စီၤမိၤၡ့ဘှီထီၣ်တၢ်လုၢ်တၢ်ပာ်အလီၢ်တခါဒီးကိးဝဲအမံၤလၢ, “ယွၤစံးနံး” အခီပညီ, “ယွၤမ့ၢ်ယနီၣ်တယၢ်” န့ၣ်လီၤ.

လံာ်ယၡါယၤ 40:26

ကွၢ်ထီၣ်တၢ်ဆူမူခိၣ်တက့ၢ်. ဆၣ်လၢနထံၣ်တဖၣ်န့ၣ်မတၤတ့လီၤပာ်လီၤအီၤလဲၣ်. မ့ၢ်ဒၣ်ပှၤတဂၤလၢအဆှၢထီၣ်အဝဲသ့ၣ်ဒ်သုးမုၢ်တဖုအသိးန့ၣ် လီၤ. ဆၣ်အိၣ်ပှဲၤဖျၢၣ်န့ၣ်အဝဲသ့ၣ်ညါဝဲ ဒီးကိးအီၤလၢအမံၤစုာ်စုာ်လီၤ. အစိအကမီၤဒိၣ်ဝဲတုၤဒၣ်လဲာ် လၢအကျါထဲတဖျၢၣ်ဧိၤန့ၣ်လီၤမၢ်တစုစုဧါ.

လံာ်ယၡါယၤ 40:29

ပှၤလၢအဂံၢ်စၢ်ဘါစၢ်တဖၣ်ဒီးပှၤလၢတၢ်ဘှံးအသးတဖၣ်န့ၣ်အဝဲ ဟ့ၣ်ဆူၣ်ထီၣ်အဂံၢ်အဘါလီၤ.

လံာ်ယၡါယၤ 44:3

ယကဟ့ၣ်လီၤထံဆူကီၢ်လၢအသးသူထံ, ဒီးဒုးယွၤလီၤထံကျိတဖၣ်လၢဟီၣ်ခိၣ်လၢအဃ့ထီအလိၤန့ၣ် လီၤ. ယကလူလီၤဂၢ်လီၤယသးလၢသုဖိတဖၣ်အဖီခိၣ်, ဒီးယတၢ်ဆိၣ်ဂ့ၤလၢသုစၢၤသုသွဲၣ်တဖၣ်အလိၤလီၤ.

လံာ်တၢ်ဂံၢ် 20:11

အန့ၣ်ဝံၤဒီးစီၤမိၤၡ့ယူာ်ဃီၤအစုဒီးတီၢ်လ့န့ၣ်လၢနီၣ် ထိးဘိခံဘျီဒီးထံကျိၤဖးဒိၣ်တကျိၤပုာ်ထီၣ်ယွၤလီၤဒီး ထံဒီးကယဲၢ်ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်အီဝဲလီၤ.

လံာ်ပှၤစံၣ်ညီၣ်ကွီၢ် 15:9

ဒီးပှၤဖလ့ၡသးဖိတဖၣ်ဟဲဒီးသူၣ်အဒဲဖဲကီၢ်ယူဒၤဒီးဒုးဝဲ ဝ့ၢ်လ့ၤဃံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:12

ဒီးချၢၣ်ဒၢသၣ်အဃ့တနီၤ, ဒီးစပံးသၣ်အခ့ခံကဒိၣ်န့ၣ်လီၤ. ဖဲအဝဲအီၣ်တၢ်ဝံၤန့ၣ်အဂံၢ်ဟဲက့ၤထီၣ်က့ၤဝဲလီၤ. အဝဲတအီၣ်တအီတ့ၢ်တၢ်သၢသီညါလီၤ.