လံာ်ပှၤစံၣ်ညီၣ်ကွီၢ် 15:18 - Sgaw Karen Common Bible

¹⁸ တုၤနုၤတစု, စီၤၡံၣ်ၡိၣ်အသးသူထံနးမးအဃိအဝဲကိးထီၣ်ယွၤ ဒီးစံး, “နဟ့ၣ်ယၤလၢတၢ်မၤနၢၤဖးဒိၣ်အံၤ, ဒီးခဲအံၤမ့ၢ်ယကဘၣ်သံ လၢယသးသူထံအဃိဒီးဘၣ်တၢ်ဖီၣ်န့ၢ်ယၤလၢပှၤဖလ့ၡသးဖိ လၢတစူၢ်တနာ်ယွၤတဖၣ်န့ၣ်ဧါ.”

လံာ်ပှၤစံၣ်ညီၣ်ကွီၢ် 15:18 Iomraidhean Croise

လံာ်တၢ်ကဲထီၣ်အခီၣ်ထံး 20:11

စီၤအၤဘြၤဟၣ်စံးဆၢဝဲ, “ယဆိကမိၣ်တ့ၢ်လၢပှၤလၢအယူးယီၣ် ယွၤတအိၣ်ဘၣ်နီတဂၤလၢတၢ်လီၢ်ဖဲအံၤ, ဒီးကမၤသံကွံာ်ယၤဒီးဟံးန့ၢ်ယမါဘၣ်ဖုးန့ၣ်လီၤ.

လံာ်တၢ်ကဲထီၣ်အခီၣ်ထံး 32:31

မုၢ်ဟဲထီၣ်တ့ၢ်လံဖဲစီၤယၤကိာ်ဟးထီၣ်လၢပနံၤအ့လးလီၤ. ဒီးအဝဲဟးတကျဲၢ်တကျဲၢ်လၢအကံၣ်ဒုၣ်အဆၢလီၤတလံာ်အဃိလီၤ.

လံာ်စီၤၡမူၤအ့လးခံဘ့ၣ်တဘ့ၣ် 1:20

ဘိးဘၣ်သ့ၣ်ညါအီၤလၢဝ့ၢ်ကၤသးအပူၤ မ့တမ့ၢ်လၢဝ့ၢ်အၤၡးကလိၣ်အကျဲဘိတဖၣ်အပူၤ န့ၣ်တဂ့ၤ. ဒုးသးခုပှၤပိာ်မုၣ်တဖၣ်လၢကီၢ်ဖလ့ၡသးတဂ့ၤ. ပျဲပှၤတစူၢ်တနာ်ယွၤအဖိမုၣ်တဖၣ်သူၣ်ဖှံသးညီတဂ့ၤ.

လံာ်ယိၤဟၣ် 19:28

ယ့ၣ်ၡူးသ့ၣ်ညါဝဲလၢတၢ်ခဲလၢာ်လၢအဝဲကဘၣ် မၤန့ၣ်မၤဝဲဝံၤလံသတးဒီး, ဒ်သိးတၢ်ကွဲးအသးကလၢ ထီၣ်ပှဲၤထီၣ်ဝဲအဂီၢ်န့ၣ်အဝဲစံးဝဲဒၣ်, “တၢ်သူယသး လၢထံလီၤ.”

ဧ့ၤဘြံၤ 11:32

ယကဘၣ်စံးအါထီၣ်ဒံးတၢ်မနုၤလဲၣ်. အဂ့ၢ်ဒ်အံၤယမ့ၢ်စံး ကတိၤလၢစီၤကံးဒဧိၣ်, စီၤဘါရး, စီၤၡံၣ်ၡိၣ်, စီၤယံးဖသၤ, စီၤဒၤဝံး, စီၤၡမူၤအ့လးဒီးဝံတဖၣ်အဂ့ၢ်န့ၣ်တၢ်ဆၢကတီၢ် တမ့ၢ်ကလၢလၢယဂီၢ်ဘၣ်.

လံာ်ပှၤစံၣ်ညီၣ်ကွီၢ် 14:3

မ့မ့ၢ်အပၢ်ဒီးအမိၢ်တခီသံကွၢ်အီၤ, “ဘၣ်မနုၤလၢနကဘၣ်လဲၤဆူပှၤဖလ့ၡသးဖိတစူၢ်တနာ်ယွၤအအိၣ်လၢနကမၤန့ၢ်နမါတဂၤအဂီၢ်လဲၣ်. မ့ၢ်နဃုန့ၢ်ပိာ်မုၣ်ဖိတဂၤလၢပဒူၣ်ဖိထၢဖိအကျါ, လၢပပှၤကလုာ်အကျါတသ့ဘၣ်ဧါ.” ဘၣ်ဆၣ်ဒီးစီၤၡံၣ်ၡိၣ်တဲအပၢ်, “ပိာ်မုၣ်တဂၤန့ၣ်မ့ၢ်ပှၤလၢယအဲၣ်ဒိးနမၤန့ၢ်အီၤလၢယဂီၢ်လီၤ. ယအဲၣ်အီၤလီၤ.”

လံာ်ပှၤစံၣ်ညီၣ်ကွီၢ် 15:17

တၢ်န့ၣ်အလီၢ်ခံဒီး, အဝဲစူးကွံာ်တၢ်အခၣ်ဃံန့ၣ်လီၤ. ဒီးတၢ်လီၢ်ဖဲတၢ်မၤတ့ၢ်အသးန့ၣ်တၢ်ကိးအီၤလၢရၤမးလ့ၤဃံန့ၣ်လီၤ.

လံာ်ပှၤစံၣ်ညီၣ်ကွီၢ် 16:28

တုၤနုၤတစု, စီၤၡံၣ်ၡိၣ်ဘါထုကဖၣ်, “တၢ်ဒိၣ်ကစၢ်ဧၢ, သ့ၣ်နီၣ်ထီၣ်က့ၤလၢ်ယၤတက့ၢ်. ကစၢ်ယွၤဧၢ, ဟ့ၣ်ယၤတၢ်ဂံၢ်တၢ်ဘါထဲအအံၤတစု ဒ်သိးယကဟ့ၣ်ကၣ်ပှၤဖလ့ၡသးဖိတဖၣ်လၢယမဲာ်ချံခံဖျၢၣ်အဂီၢ်န့ၣ်တက့ၢ်.”

လံာ်ပှၤစံၣ်ညီၣ်ကွီၢ် 8:4

ဖဲအကတီၢ်အံၤန့ၣ်, စီၤကံးဒဧိၣ်ဒီးအပှၤသၢကယၤဂၤဟဲတုၤဆူ ထံကျိယၢ်ဒ့ၣ်ဒီးခီဂာ်အီၤလီၤ. အဝဲသ့ၣ်လီၤဘှံးလီၤတီၤဘၣ်ဆၣ်ဒီးလူၤဒံးဝဲအဒုၣ်အဒါတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:26

စီၤဒၤဝံးသံကွၢ်ပှၤတဖၣ်လၢအအိၣ်ဘူးဒီးအီၤ, “ပှၤတဂၤလၢအမၤသံပှၤဖလ့ၡသးဖိတဂၤန့ၣ်ဒီးမၤသဘျ့ထီၣ် ပှၤအံၣ်စရ့လးဖိလၢတၢ်ဒုၣ်ဒွဲၣ်အံၤန့ၣ်ကမၤန့ၢ်တၢ်မနုၤ လဲၣ်. ဝံၤဒီးပှၤဖလ့ၡသးဖိလၢအတစူၢ်တနာ်ယွၤဒီးထီဒါကစၢ်ယွၤလၢ အမူဝဲတဂၤအသုးမုၢ်န့ၣ်မ့ၢ်မတၤတဂၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:36

ယမၤသံတ့ၢ်ခ့ယုၢ်တဖၣ်, တၤသူတဖၣ်ဒီးယကမၤတၢ်တမံၤဃီလၢပှၤ တစူၢ်တနာ်တၢ်ပှၤဖလ့ၡသးဖိတဂၤအံၤလၢအခီၣ်ဆၢ ကစၢ်ယွၤလၢအမူဝဲတဂၤအသုးမုၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 27:1

စီၤဒၤဝံးစံးလီၤအသး, “လၢမုၢ်နံၤတဖၣ်အံၤအပူၤတနံၤနံၤ န့ၣ်စီၤစီလူးကမၤသံယၤလီၤ. တၢ်အဂ့ၤကတၢၢ်လၢယကြၢးမၤန့ၣ်, မ့ၢ်တၢ်ဃ့ၢ်ပူၤဖျဲးဆူကီၢ်ဖလ့ၡသးအပူၤလီၤ. အန့ၣ်တစု, စီၤစီလူးကဆိကတီၢ်အတၢ်လူၤဃုယၤလၢကီၢ်အံၣ်စရ့လးအပူၤဒီးယကပူၤဖျဲးလီၤ.”