လံာ်ပှၤစံၣ်ညီၣ်ကွီၢ် 15:11 - Sgaw Karen Common Bible

¹¹ မၤသးဒ်န့ၣ်ဒီးယူဒၤအပှၤသၢကထိဂၤလဲၤဆူလ့ကအိဖဲဧ့ၤတၣ် ဒီးစံးဘၣ်စီၤၡံၣ်ၡိၣ်, “မ့ၢ်နတသ့ၣ်ညါဘၣ်ပှၤဖလ့ၡသးဖိတဖၣ်န့ၣ်မ့ၢ်ပှၤပၢဆှၢဘၣ်ပှၤဧါ. မ့ၢ်နမၤပှၤဒ်လဲၣ်.” အဝဲစံးဆၢဝဲဒၣ်, “ယမၤအဝဲသ့ၣ်ဒ်အမၤယၤအသိးလီၤ.”

လံာ်ပှၤစံၣ်ညီၣ်ကွီၢ် 15:11 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 4:3

စီၤဃူၢ်မ့ၢ်စီၤကၤလ့းဒီးအမါနီၢ်အ့ဖရးသးအဖိခွါဝဲၢ်ကိ, ဒီးအဝဲအစၢၤအသွဲၣ်တဖၣ်သူၣ်ထီၣ်ဝ့ၢ်ဘ့ၤသလ့ဃ့ၣ်န့ၣ်လီၤ. စီၤဃူၢ်အိၣ်ဒီးအဖိခွါသၢဂၤလၢအမ့ၢ်ဝဲစီၤဧ့ၤတၣ်, စီၤပနူၤအ့လးဒီးစီၤဧ့စ့ၢ်န့ၣ်လီၤ. စီၤဧ့ၤတၣ်အိၣ်ဒီး အဖိခွါသၢဂၤလၢအမ့ၢ်ဝဲစီၤယံးစရ့လး, စီၤယံၡမၤ, ဒီးစီၤယံးဒဘၣ်ဒီးအိၣ်ဒီးအဖိမုၣ်တဂၤလၢအမ့ၢ် ဝဲနီၢ်ဟးစ့လလ့ပိနံၤလီၤ.

လံာ်တၢ်ဘူၣ်ထီၣ်ဘါထီၣ် 26:25

ဒီးယကဟဲစိာ်တၢ်ဒုးတၢ်ယၤလၢအမ့ၢ်တၢ်စံၣ်ညီၣ်သုလၢသု လုၢ်သ့ၣ်ခါပတာ်ယတၢ်အၢၣ်လီၤအီလီၤအဃိန့ၣ်လီၤ. ဒီးသုမ့ၢ်ပာ်ဖှိၣ်ထီၣ်သုသးလၢသုဝ့ၢ်တဖၣ်အပူၤလၢ တၢ်ပူၤဖျဲးအဂီၢ်ဒီးယကဆှၢလီၤတၢ်ဆါသံသတြိာ်လၢသုကျါဒီး သုကဘၣ်တၢ်မၤဆူၣ်သုဒီးဟ့ၣ်လီၤကွံာ်သုဆူသုဒုၣ်သုဒါအစုပူၤန့ၣ်လီၤ.

လံာ်သိၣ်လီၤသီလီၤတၢ် 28:13

ယွၤ, သုကစၢ်ယွၤကဒုးကဲထီၣ်သုလၢပှၤခိၣ်ပှၤနၢ်လၢပှၤကလုာ် တဖၣ်အဖီခိၣ်ဒီးတမ့ၢ်ဘၣ်ပှၤတဖုလၢအပိာ်ပှၤအခံဘၣ်န့ၣ်လီၤ. သုမ့ၢ်စူၢ်ကယဲၢ်အဝဲအတၢ်မၤလိာ်တဖၣ်လၢယဟ့ၣ်လီၤသုတနံၤအံၤ လၢတၢ်သးတီန့ၣ်, ထီဘိသုကဘီၣ်ထီၣ်ညီထီၣ်ဒီးတဆံးလီၤစှၤလီၤနီတစုဘၣ်န့ၣ် လီၤ.

လံာ်သိၣ်လီၤသီလီၤတၢ် 28:43

ပှၤထံဂၤကီၢ်ဂၤဖိတဖၣ်လၢအအိၣ်ဆိးလၢသုထံလီၢ်ကီၢ်ပူၤကမၤ န့ၢ်တၢ်စိတၢ်ကမီၤဒံးယံာ်ဒံးဒိၣ်ထီၣ်, ဖဲသုဝဲတခီသုတၢ်စိတၢ်ကမီၤကစှၤလီၤကွံာ်ပှီၢ်ပှီၢ်အခါန့ၣ်လီၤ.

လံာ်ပှၤစံၣ်ညီၣ်ကွီၢ် 13:1

ပှၤအံၣ်စရ့လးဖိသ့ၣ်တဖၣ်မၤကဒီးတၢ်ဒဲးဘးထီဒါယွၤဒီး ယွၤပျဲပှၤဖလ့ၡသးဖိတဖၣ်ပၢအဝဲသ့ၣ်အနံၣ်လွံၢ်ဆံန့ၣ်လီၤ.

လံာ်ပှၤစံၣ်ညီၣ်ကွီၢ် 14:4

အမိၢ်အပၢ်တဖၣ်တသ့ၣ်ညါလၢတၢ်န့ၣ်မ့ၢ်ယွၤအတၢ်ဆှၢစီၤၡံၣ်ၡိၣ် လၢအကမၤတၢ်န့ၢ်အဂ့ၢ်ဘၣ်န့ၣ်လီၤ. အဂ့ၢ်ဒ်အံၤ, ယွၤဃုတၢ်အခွဲးအယာ်လၢကဒုးပှၤဖလ့ၡသးဖိတဖၣ်န့ၣ်လီၤ. အကတီၢ်ဖဲအံၤပှၤဖလ့ၡသးဖိတဖၣ်ပၢကီၢ်အံၣ်စရ့လးန့ၣ်လီၤ.

လံာ်ပှၤစံၣ်ညီၣ်ကွီၢ် 15:10

ယူဒၤအပှၤတဖၣ်သံကွၢ်အဝဲသ့ၣ်, “ဘၣ်မနုၤသုဟဲဒုးပှၤလဲၣ်.” ဒီးအဝဲသ့ၣ်စံးဆၢဝဲ, “ပဟဲဒ်သိးပကဖီၣ်စီၤၡံၣ်ၡိၣ်ဒီးမၤ အီၤဒ်အမၤပှၤအသိးန့ၣ်လီၤ.”

လံာ်ပှၤစံၣ်ညီၣ်ကွီၢ် 15:12

ဒီးအဝဲသ့ၣ်စံးဘၣ်အီၤ, “ပဟဲဒ်သိးပကစၢဃာ်နၤဒီးဟ့ၣ်လီၤ နၤဆူအဝဲသ့ၣ်အစုပူၤလီၤ.” ဒီးစီၤၡံၣ်ၡိၣ်စံးဆၢ, “အၢၣ်လီၤယၤလၢသုတမၤသံယၤလၢ သုနီၣ်ကစၢ်ဒၣ်သုဝဲဘၣ်န့ၣ်တက့ၢ်.”