လံာ်ပှၤစံၣ်ညီၣ်ကွီၢ် 14:6 - Sgaw Karen Common Bible

⁶ သတူၢ်ကလာ်န့ၣ်ယွၤအစိကမီၤမၤဆူၣ်ထီၣ်စီၤၡံၣ်ၡိၣ် ဒီးအဝဲဖှီကွံာ်ခ့ယုၢ်တဒုန့ၣ်ထဲလၢအစုယၢ်ခီဧိၤန့ၣ် မၤသးဒ်မဲာ်တဲးလဲးအစၢ်ဖိတဒုအသိးလီၤ. ဘၣ်ဆၣ်ဒီးတတဲဘၣ်အမိၢ်အပၢ်လၢတၢ်လၢအမၤတ့ၢ်ဝဲအဂ့ၢ်န့ၣ်ဘၣ်.

လံာ်ပှၤစံၣ်ညီၣ်ကွီၢ် 14:6 Iomraidhean Croise

စံးထီၣ်ပတြၢၤ 91:13

နကယီၢ်တံၢ်ခ့ယုၢ်တဖၣ်ဒီးဂုၢ်သီတဖၣ်, ခ့ယုၢ်ဖိဒီးဂုၢ်လၢအစုၣ်အၢန့ၣ်နကယီၢ်တံၢ်အီၤလၢ နခီၣ်အဖီလာ်လီၤ.

လံာ်ယၡါယၤ 42:2

အဝဲတကိးပသူထီၣ်မ့ၢ်ဂ့ၤ, မၤသီၣ်ဒိၣ်ထီၣ်အကလုၢ်မ့ၢ်ဂ့ၤ, ကတိၤတၢ်ဒိၣ်ဒိၣ်သွါသွါမ့ၢ်ဂ့ၤလၢကျဲတဖၣ်အပူၤဘၣ်.

လံာ်စကၤရယၤ 4:6

ကလူးမၢယတဲဘၣ်စီၤစရူၤဘၤဘ့လးလၢယွၤ အတၢ်ကစီၣ်ဒ်အံၤ, “နကမၤနၢၤတၢ်, ဘၣ်ဆၣ်ဒီးတမ့ၢ်ဘၣ်လၢသုးမုၢ်သံၣ်ဘိအစိ ကမီၤဒီးနဂံၢ်နဘါဒၣ်နဲဘၣ်. မ့မ့ၢ်တခီမ့ၢ်လၢယသးလီၤ.

လံာ်မးသဲ 11:29

ဟံးထီၣ်ယနီၣ်ယိးဘိလၢသုလိၤဒီးမၤလိတၢ်လၢယၤတက့ၢ်. အဂ့ၢ်ဒ်အံၤ, ယသးစူၤဒီးယဆီၣ်လီၤယသးလီၤ. ဒီးသုကထံၣ်န့ၢ်တၢ်အိၣ်ဘှံးလၢသုသးအဂီၢ်လီၤ.

ဧ့ၤဘြံၤ 11:33

လၢတၢ်စူၢ်တၢ်နာ်န့ၣ်အဝဲသ့ၣ်မၤနၢၤဘီမုၢ်တဖၣ်, မၤတၢ်တီတၢ်လိၤ, ဒိးန့ၢ်တၢ်လၢအဘၣ်တၢ်စံးပာ်အီၤတဖၣ်, ပအၢဃာ်ခ့ယုၢ် အထးခိၣ်,

၁ ယိၤဟၣ် 3:8

မတၤတဂၤဂ့ၤတဂၤဂ့ၤလၢအမၤဒံးတၢ်ဒဲးဘးန့ၣ်, ဘၣ်ဃးဒီးမုၣ်ကီၤလံၢ်, မ့ၢ်လၢမုၣ်ကီၤလံၢ်မၤတ့ၢ်တၢ်ဒဲးဘးလၢအခီၣ်ထံးလံၤလံၤ အဃိန့ၣ်လီၤ. ကစၢ်ယွၤအဖိခွါလီၣ်ဖျါထီၣ်အသးလၢ တၢ်ဂ့ၢ်အဝဲအံၤအဂီၢ်, ဒ်သိးအကမၤဟးဂီၤကွံာ်တၢ်လၢ မုၣ်ကီၤလံၢ်မၤတ့ၢ်ဝဲတဖၣ်အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:29

တုၤနုၤတစု, ယွၤအသးလီၤဘၣ်လၢစီၤယံးဖသၤအလိၤလီၤ. အဝဲလဲၤခီဂာ်ကီၢ်ကံးလဧး, ကီၢ်မနၤၡ့ၤ, ဒီးဟဲက့ၤဆူဝ့ၢ် မံးစပၤလၢကီၢ်ကံးလဧးအပူၤဒီးလဲၤဆူကီၢ်ဧၣ်မိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 13:25

ဒီးယွၤအစိကမီၤစးထီၣ်မၤဆူၣ်ထီၣ်အဂံၢ်အဘါဖဲအဝဲအိၣ်လၢ ဝ့ၢ်စိးရၤဒီးဝ့ၢ်အ့ၤၡတိလးအဘၢၣ်စၢၤဖဲပှၤဒၣ်ဖိအသူၣ်ဒဲအလီၢ်ပူၤအခါန့ၣ်လီၤ.

လံာ်ပှၤစံၣ်ညီၣ်ကွီၢ် 14:19

သတူၢ်ကလာ်န့ၣ်ယွၤအစိကမီၤမၤဆူၣ်ထီၣ်အဂံၢ်အဘါဒီးအဝဲဒၣ်လဲၤ လီၤဝဲဆူဝ့ၢ်အၤၡကလိၣ်ဒီးမၤသံကွံာ်ပှၤအဂၤသၢဆံ, ဘ့ၣ်ကွံာ်အကူအသိး, ဒီးဟ့ၣ်လီၤကွံာ်အတၢ်ကူတၢ်သိးတဖၣ်န့ၣ် ဆူပှၤလၢအစံးဆၢတၢ်ပှိၤပှံပှိၤပှီၢ်တဖၣ်အအိၣ်န့ၣ်လီၤ. အန့ၣ်ဝံၤဒီးက့ၤဝဲဒၣ်ဆူအဟံၣ်လၢတၢ်သူၣ်ဒိၣ်သးဖျိးအပူၤလၢ တၢ်မၤတ့ၢ်အသးတဖၣ်အဃိလီၤ.

လံာ်ပှၤစံၣ်ညီၣ်ကွီၢ် 14:5

မၤသးဒ်န့ၣ်ဒီး, စီၤၡံၣ်ၡိၣ်လဲၤလီၤဆူဝ့ၢ်တံးမနးဃုာ်ဒီးအပၢ်ဒီးအမိၢ်လီၤ. ဖဲအဝဲသ့ၣ်လဲၤခီဖျိစပံးလီၢ်န့ၣ်အဝဲနၢ်ဟူခ့ယုၢ်ဖိတဒုကညီၤထီၣ်အကလုၢ်လီၤ.

လံာ်ပှၤစံၣ်ညီၣ်ကွီၢ် 14:7

အန့ၣ်ဝံၤဒီး, အဝဲလဲၤကတိၤတၢ်ဒီးပိာ်မုၣ်ဖိတဂၤန့ၣ်ဒီးဘၣ်အသးလၢပိာ်မုၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 15:15

တုၤနုၤတစု, အဝဲထံၣ်န့ၢ်ကသ့ၣ်ယီၤသံတယံာ်ဒံးဘၣ်အခၣ်ဃံတဘိ န့ၣ်လီၤ. အဝဲထၢထီၣ်ဝဲဒီးမၤသံကွံာ်ပှၤတကထိဂၤန့ၣ်လီၤ.

လံာ်ပှၤစံၣ်ညီၣ်ကွီၢ် 15:8

ဒီးအဝဲမၤဒၢၣ်ကွံာ်ပှၤဖလ့ၡသးဖိနးနးကလဲာ်ဒီးမၤသံကွံာ်အီၤအါဂၤလီၤ. တုၤနုၤတစု, အဝဲလဲၤအိၣ်လၢလ့ကအိပူၤဖဲ ဧ့ၤတၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 16:30

ဒီးကိးထီၣ်ဝဲ, “မ်ယသံဃုာ်ဒီးပှၤဖလ့ၡသးဖိတဖၣ်တက့ၢ်.” ဒီးအဝဲဆီၣ်ဝဲလၢအဂံၢ်အဘါခဲလၢာ်ဒီး တၢ်သူၣ်ထီၣ်လီၤပှီၢ်လၢစီၤပၤယဲၢ်ဂၤဒီးပှၤခဲလၢာ်အလိၤလီၤ. စီၤၡံၣ်ၡိၣ်မၤသံပှၤဖဲအသံအခါအံၤအါန့ၢ်ဒံးအမၤသံတ့ၢ်ဝဲ ဖဲအမူဒံးအဖၢမုၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:10

ယွၤအသးလီၤဘၣ်လၢအဝဲအလိၤဒီးအဝဲကဲထီၣ်ပှၤအံၣ်စရ့လးဖိ အခိၣ်န့ၣ်လီၤ. စီၤဧီၤသန့လးလဲၤဒုးတၢ်ယၤတၢ်ဒီး ယွၤဟ့ၣ်အီၤတၢ်မၤနၢၤလၢကီၢ်မံးစပတၤမံအစီၤပၤအဖီခိၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:16

စီၤစီလူးစံးဆၢဝဲ, “အဝဲတဲပှၤလၢဆၣ်ဖိကီၢ်ဖိတဖၣ်န့ၣ် ဘၣ်တၢ်ထံၣ်က့ၤအီၤလံန့ၣ်လီၤ.” ဘၣ်ဆၣ်ဒီးအဝဲတတဲဘၣ်အဖါတံၢ်လၢစီၤၡမူၤအ့လးတဲ တၢ်ဘၣ်ဃးအဝဲကကဲထီၣ်စီၤပၤအဂ့ၢ်န့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 10:6

သတူၢ်ကလာ်န့ၣ်ယွၤအသးကဟဲလီၤလၢနလိၤဒီးပၢၤနၤဒီးနကဂဲၤ ကလံာ်ဃုာ်လၢအဝဲသ့ၣ်အတၢ်ဘူၣ်တၢ်ဘါအတၢ်ဂဲၤကလံာ်အပူၤဒီးကိး ပသူထီၣ်ဒီးနကကဲထီၣ်ပှၤလီၤဆီတဂၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:6

ဖဲစီၤစီလူးနၢ်ဟူတၢ်အံၤဒီးကစၢ်ယွၤအသးလီၤဘၣ်လၢအလိၤ ဒီးအဝဲအသးဒိၣ်ထီၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:1

ဘၣ်တနံၤန့ၣ်, စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤလၢ အစိာ်အစုကဝဲၤတဖၣ်န့ၣ်, “မ်ပကလဲၤခီသကိးဆူပှၤဖလ့ၡသးဖိ တဖၣ်အသူၣ်ဒဲလီၢ်တက့ၢ်.” ဘၣ်ဆၣ်ဒီးစီၤယိနသၣ်တတဲဘၣ်တ့ၢ်အပၢ်စီၤစီလူး,

လံာ်စီၤၡမူၤအ့လးအခီၣ်ထံးတဘ့ၣ် 17:46

တနံၤဃီအံၤန့ၣ်ယွၤကပာ်နၤလၢယစိကမီၤအဖီလာ်လီၤ. ယကမၤနၢၤကွံာ်နၤဒီးကျီတဲာ်နခိၣ်လီၤ. ဒီးယကဟ့ၣ်လီၤပှၤဖလ့ၡသးဖိအသုးမုၢ်တဖၣ်အနီၢ်ခိဆူ ထိၣ်ဖိလံာ်ဖိဒီးဆၣ်ဖိကီၢ်ဖိတဖၣ်ကအီၣ်တၢ်အဂီၢ်လီၤ. တုၤနုၤတစု, ဟီၣ်ခိၣ်ဒီဘ့ၣ်ညါကသ့ၣ်ညါလၢကီၢ်အံၣ်စရ့လး အိၣ်ဒီးကစၢ်ယွၤတဂၤလီၤ.