လံာ်ပှၤစံၣ်ညီၣ်ကွီၢ် 14:5 - Sgaw Karen Common Bible

⁵ မၤသးဒ်န့ၣ်ဒီး, စီၤၡံၣ်ၡိၣ်လဲၤလီၤဆူဝ့ၢ်တံးမနးဃုာ်ဒီးအပၢ်ဒီးအမိၢ်လီၤ. ဖဲအဝဲသ့ၣ်လဲၤခီဖျိစပံးလီၢ်န့ၣ်အဝဲနၢ်ဟူခ့ယုၢ်ဖိတဒုကညီၤထီၣ်အကလုၢ်လီၤ.

လံာ်ပှၤစံၣ်ညီၣ်ကွီၢ် 14:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:20

ပှၤကၤဘစ့လးဖိစီၤယဟိၤယဒါအဖိခွါစီၤဘနါယၤမ့ၢ်ပှၤသုး ဖိအမံၤဟူသၣ်ဖျါအဂၤတဂၤန့ၣ်လီၤ. အဝဲမၤတ့ၢ်တၢ်မၤအဒူအဃိအါမး, အိၣ်ဃုာ်ဒီးတၢ်မၤသံကွံာ်ပှၤမိၤအးဖိအသုးဖိအဂ့ၤကတၢၢ်ခံဂၤန့ၣ်လီၤ. တဘျီဖဲမူခိၣ်ဖီလီၤဝဲတနံၤန့ၣ်, အဝဲလဲၤလီၤဝဲဆူတၢ်ပူၤ တပူၤဒီးမၤသံကွံာ်ခ့ယုၢ်တဒုန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 11:22

ပှၤကၤဘစ့လးဖိစီၤယဟိၤယဒါအဖိခွါစီၤဘနါယၤန့ၣ်မ့ၢ်ပှၤ သုးဖိလၢအမံၤဟူသၣ်ဖျါတဂၤန့ၣ်လီၤ. အဝဲမၤတ့ၢ်တၢ်မၤအဒူအါမံၤ, လၢအအိၣ်ဃုာ်ဝဲဒီးတၢ်မၤသံပှၤမိၤအးသုးဖိဖးဒိၣ်ခံဂၤန့ၣ်လီၤ. တဘျီအဝဲလဲၤလီၤဆူတၢ်ပူၤတပူၤဖဲမူခိၣ်ဖီလီၤဝဲအနံၤတနံၤ ဒီးမၤသံကွံာ်ခ့ယုၢ်တဒုန့ၣ်လီၤ.

စံးထီၣ်ပတြၢၤ 91:13

နကယီၢ်တံၢ်ခ့ယုၢ်တဖၣ်ဒီးဂုၢ်သီတဖၣ်, ခ့ယုၢ်ဖိဒီးဂုၢ်လၢအစုၣ်အၢန့ၣ်နကယီၢ်တံၢ်အီၤလၢ နခီၣ်အဖီလာ်လီၤ.

လံာ်ယံးရမံယၤ 2:15

အဝဲသ့ၣ်ကညီၤတ့ၢ်လၢအလိၤဒ်ခ့ယုၢ်တဖၣ်အသိးလီၤ. အဝဲသ့ၣ်ဒုးကဲထီၣ်အကီၢ်လၢမဲးမုၢ်ခိၣ်တတီၤ, ဒီးအဝ့ၢ်တဖၣ်ဟးဂီၤကွံာ်ဒီးဘၣ်တၢ်ပာ်လီၤတဲာ်ကွံာ်အီၤ လၢာ်လၢာ်ဆ့ဆ့န့ၣ်လီၤ.

ဧ့ၤဘြံၤ 11:33

လၢတၢ်စူၢ်တၢ်နာ်န့ၣ်အဝဲသ့ၣ်မၤနၢၤဘီမုၢ်တဖၣ်, မၤတၢ်တီတၢ်လိၤ, ဒိးန့ၢ်တၢ်လၢအဘၣ်တၢ်စံးပာ်အီၤတဖၣ်, ပအၢဃာ်ခ့ယုၢ် အထးခိၣ်,

လံာ်စီၤယိၤၡူ 15:10

ဒီးဖဲန့ၣ်လဲၤတရံးတၢ်လၢဘဧၤလၤအမုၢ်နုာ် ဆူကီၢ်အဒိၣ်အကစၢၢ်ကလိ, ဒီးလဲၤဆူကစၢၢ်ယဧၤရံၣ်အကလံၤစိး (မ့တမ့ၢ်ကစ့လိၣ်), ဒီးလီၤဆူဝ့ၢ်ဘ့ၤသၡ့မ့ၣ်ဒီးလဲၤပူၤကွံာ်ဝ့ၢ်တံးမနၤလီၤ.

၁ ပ့းတရူး 5:8

အိၣ်စီၣ်မဲာ်စီၣ်နါဒီးဆိးသီတက့ၢ်. သုဒုၣ်သုဒါမုၣ်ကီၤလံၢ်ဟးဝ့ၤဝီၤဒ်ခ့ယုၢ်ကညီၤရုၢ်ရုၢ် အသိးဒီးဃုပှၤလၢအကယူၢ်လီၤဝဲလီၤ.

လံာ်ပှၤစံၣ်ညီၣ်ကွီၢ် 14:4

အမိၢ်အပၢ်တဖၣ်တသ့ၣ်ညါလၢတၢ်န့ၣ်မ့ၢ်ယွၤအတၢ်ဆှၢစီၤၡံၣ်ၡိၣ် လၢအကမၤတၢ်န့ၢ်အဂ့ၢ်ဘၣ်န့ၣ်လီၤ. အဂ့ၢ်ဒ်အံၤ, ယွၤဃုတၢ်အခွဲးအယာ်လၢကဒုးပှၤဖလ့ၡသးဖိတဖၣ်န့ၣ်လီၤ. အကတီၢ်ဖဲအံၤပှၤဖလ့ၡသးဖိတဖၣ်ပၢကီၢ်အံၣ်စရ့လးန့ၣ်လီၤ.

လံာ်ပှၤစံၣ်ညီၣ်ကွီၢ် 14:6

သတူၢ်ကလာ်န့ၣ်ယွၤအစိကမီၤမၤဆူၣ်ထီၣ်စီၤၡံၣ်ၡိၣ် ဒီးအဝဲဖှီကွံာ်ခ့ယုၢ်တဒုန့ၣ်ထဲလၢအစုယၢ်ခီဧိၤန့ၣ် မၤသးဒ်မဲာ်တဲးလဲးအစၢ်ဖိတဒုအသိးလီၤ. ဘၣ်ဆၣ်ဒီးတတဲဘၣ်အမိၢ်အပၢ်လၢတၢ်လၢအမၤတ့ၢ်ဝဲအဂ့ၢ်န့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 17:35

ယလူၤထွဲအခံ, ဒုးအီၤ, ဒီးမၤပူၤဖျဲးသိဖိန့ၣ်လီၤ. ဒီးခ့ယုၢ်မ့ၢ်ဂ့ၤတၤသူမ့ၢ်ဂ့ၤမ့ၢ်ဃၣ်အသးလၢကမၤဒၢၣ်ယၤဒီး, ယစှီၤအီၤလၢအကိာ်ယူၢ်ဒီးတီၢ်အီၤတုၤအသံလီၤ.