လံာ်ပှၤစံၣ်ညီၣ်ကွီၢ် 14:4 - Sgaw Karen Common Bible

⁴ အမိၢ်အပၢ်တဖၣ်တသ့ၣ်ညါလၢတၢ်န့ၣ်မ့ၢ်ယွၤအတၢ်ဆှၢစီၤၡံၣ်ၡိၣ် လၢအကမၤတၢ်န့ၢ်အဂ့ၢ်ဘၣ်န့ၣ်လီၤ. အဂ့ၢ်ဒ်အံၤ, ယွၤဃုတၢ်အခွဲးအယာ်လၢကဒုးပှၤဖလ့ၡသးဖိတဖၣ်န့ၣ်လီၤ. အကတီၢ်ဖဲအံၤပှၤဖလ့ၡသးဖိတဖၣ်ပၢကီၢ်အံၣ်စရ့လးန့ၣ်လီၤ.

လံာ်ပှၤစံၣ်ညီၣ်ကွီၢ် 14:4 Iomraidhean Croise

လံာ်စီၤပၤအခီၣ်ထံးတဘ့ၣ် 12:15

တၢ်အံၤမ့ၢ်ယွၤအတၢ်ဘၣ်အသးလၢကမၤလၢထီၣ်ပှဲၤထီၣ်တၢ်လၢအဝဲ စံးဘၣ်တ့ၢ်စီၤနဘးအဖိခွါစီၤယၤရၤဘၣ်ခီဖျိ ဝံအဃံယၤလၢဝ့ၢ်ၡံလိၤန့ၣ်လီၤ. လၢတၢ်န့ၣ်အဃိစီၤပၤတကနၣ်ဃုာ်ဘၣ်ပှၤဂီၢ်မုၢ်နီတစဲးဘၣ်.

လံာ်စီၤပၤအခီၣ်ထံးတဘ့ၣ် 12:24

“ကီၢ်အံၣ်စရ့လးအပှၤဂီၢ်မုၢ်ဧၢ, ဒုးတၢ်ဒီးသုဒီပုၢ်ဝဲၢ် ကဒဲကဒဲတဖၣ်တဂ့ၤ. သုဝဲခဲလၢာ်က့ၤဆူသုဟံၣ်တက့ၢ်. တၢ်လၢအမၤတ့ၢ်အသးအံၤမ့ၢ်ဒၣ်ယတၢ်ဘၣ်ယသးန့ၣ်လီၤ.” အဝဲသ့ၣ်ခဲလၢာ်စူၢ်ယွၤအတၢ်မၤလိာ်ဒီးက့ၤကဒါက့ၤဆူအဟံၣ်ဒၣ် ဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:33

တချုးလၢအဝဲစံးတၢ်အံၤဝံၤဒၣ်လဲာ်န့ၣ်, စီၤပၤအပှၤစိာ်တၢ် ကစီၣ်ဟဲတုၤဝဲလီၤ. စီၤပၤဟဲတုၤစ့ၢ်ကီးဒီးစံးဝဲ, “တၢ်ကီတၢ်ခဲလၢအလီၤဘၣ်လၢပလိၤအံၤမ့ၢ်ယွၤဟဲစိာ်အီၤန့ၣ်လီၤ. ဘၣ်မနုၤအဃိယကြၢးခိးဒံးအီၤလၢအဝဲကမၤတၢ်တမံၤမံၤအဂီၢ်လဲၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 10:15

တၢ်အံၤ, မ့ၢ်ယွၤ, ကစၢ်ယွၤအတၢ်ဘၣ်သးလၢကမၤလၢပှဲၤထီၣ်တၢ်လၢ အဝဲစံးဘၣ်တ့ၢ်စီၤနဘးအဖိခွါစီၤယၤရၤဘၣ်ခီဖျိ, ဝံအဃံယၤလၢဝ့ၢ်ၡံလိၤန့ၣ်လီၤ. လၢတၢ်အံၤအဃိစီၤပၤတကနၣ်ဃုာ်ဘၣ်ပှၤဂီၢ်မုၢ်နီတစဲးဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 22:7

ကစၢ်ယွၤသူတၢ်လဲၤအိၣ်သကိးစီၤယဟိရၣ်အံၤဒ်ကျဲလၢကကဲထီၣ် စီၤအဃၤစယၤအတၢ်ဟးဂီၤအဂီၢ်န့ၣ်လီၤ. ဖဲစီၤအဃၤစယၤအိၣ်ဝဲဖဲန့ၣ်အခါန့ၣ်, အဝဲဒီးစီၤယဟိရၣ်ဘၣ် ကွၢ်ဆၢၣ်မဲာ်လိာ်အသးဒီးပှၤတဂၤလၢအမံၤမ့ၢ်ဝဲစီၤယ့ၤဟူ, လၢအမ့ၢ်စီၤနံၣ်ၡံၤအဖိခွါ, ပှၤတဂၤလၢယွၤဃုထၢတ့ၢ်အီၤလၢ ကမၤဟးဂီၤကွံာ်စီၤအၤဃာ်အစၢၤအသွဲၣ်အတၢ်ပၢအစိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:20

ဘၣ်ဆၣ်စီၤအမၤစယါဂ့ၢ်လိာ်လၢကဒိကနၣ်ဝဲန့ၣ်လီၤ. တၢ်န့ၣ်မ့ၢ်ကစၢ်ယွၤအတၢ်ဘၣ်အသးလၢစီၤအမၤစယါကဘၣ်တၢ်မၤနၢၤ ကွံာ်အီၤ, မ့ၢ်လၢအဝဲဘူၣ်ထီၣ်ဘါထီၣ်ပှၤအဒိၣ်ဖိအတၢ်ဂီၤတၢ်ဖီၣ်တဖၣ် အဃိန့ၣ်လီၤ.

စံးထီၣ်ပတြၢၤ 115:3

ပကစၢ်အိၣ်လၢမူခိၣ်န့ၣ်လီၤ. ဒီးဖဲဒၣ်အသးန့ၣ်မၤဝဲဒၣ်လီၤ.

လံာ်ဒၤနံးယ့လး 6:4

တုၤနုၤတစု, ပှၤပၢဆှၢအံးထွဲကွၢ်ထွဲတၢ်အဂၤတဖၣ်ဒီးပဒိၣ်ဖးဒိၣ် တဖၣ်ကျဲးစၢးဝဲဒ်သိးကထံၣ်န့ၢ်တၢ်ကမၣ်လၢစီၤဒၤနံးယ့လးအတၢ်ပၢ ဆှၢဘီမုၢ်အကျိၤအကျဲအပူၤန့ၣ်လီၤ. ဘၣ်ဆၣ်ဒီးတထံၣ်န့ၢ်ဘၣ်ဝဲဘၣ်. အဂ့ၢ်ဒ်အံၤ, စီၤဒၤနံးယ့လးန့ၣ်ဘၣ်တၢ်နာ်န့ၢ်အီၤဒီးတမၤက မၣ်တၢ်နီတမံၤမ့ၢ်ဂ့ၤ, တမၤတၢ်တတီတလိၤဘၣ်မ့ၢ်ဂ့ၤန့ၣ်ဘၣ်.

လံာ်သိၣ်လီၤသီလီၤတၢ် 28:48

လၢတၢ်န့ၣ်အဃိ, သုကမၤဒုၣ်ဒါတဖၣ်လၢယွၤကဆှၢလီၤအီၤဒ်သိး ကထီဒါသုအတၢ်န့ၣ်လီၤ. သုကသၣ်ဝံၤသၣ်စ့ၤ, တၢ်ကသူသုသးလၢထံ, ဒီးအိၣ်ဘ့ၣ်ဆ့, လိၣ်ဘၣ်တၢ်ကိးမံၤဒဲး န့ၣ်လီၤ. ယွၤကမၤနးမၤဖှီၣ်သုဆါဆါကလဲာ်တုၤလီၤလၢသုဘၣ်တၢ်မၤဟး ဂီၤကွံာ်သုတစုန့ၣ်လီၤ.

လံာ်စီၤယိၤၡူ 11:20

အဂ့ၢ်မ့ၢ်လၢယွၤမၤကိၤထီၣ်အဝဲသ့ၣ်အသးတဖၣ်လၢကဟဲ ထီဒါအံၣ်စရ့လးလၢတၢ်ဒုးအပူၤ, ဒ်သိးအဝဲသ့ၣ်ကဘၣ်တၢ်မၤဟးဂီၤကွံာ်အီၤခဲလၢာ်ဒီးတဒိးန့ၢ်တၢ်သးကညီၤဘၣ်ဒီးကဘၣ်တၢ်မၤ သံကွံာ်အီၤခဲလၢာ်ဒ်ယွၤမၤလိာ်တ့ၢ်စီၤမိၤၡ့အသိးအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 13:1

ပှၤအံၣ်စရ့လးဖိသ့ၣ်တဖၣ်မၤကဒီးတၢ်ဒဲးဘးထီဒါယွၤဒီး ယွၤပျဲပှၤဖလ့ၡသးဖိတဖၣ်ပၢအဝဲသ့ၣ်အနံၣ်လွံၢ်ဆံန့ၣ်လီၤ.

လံာ်ပှၤစံၣ်ညီၣ်ကွီၢ် 14:5

မၤသးဒ်န့ၣ်ဒီး, စီၤၡံၣ်ၡိၣ်လဲၤလီၤဆူဝ့ၢ်တံးမနးဃုာ်ဒီးအပၢ်ဒီးအမိၢ်လီၤ. ဖဲအဝဲသ့ၣ်လဲၤခီဖျိစပံးလီၢ်န့ၣ်အဝဲနၢ်ဟူခ့ယုၢ်ဖိတဒုကညီၤထီၣ်အကလုၢ်လီၤ.

လံာ်ပှၤစံၣ်ညီၣ်ကွီၢ် 15:11

မၤသးဒ်န့ၣ်ဒီးယူဒၤအပှၤသၢကထိဂၤလဲၤဆူလ့ကအိဖဲဧ့ၤတၣ် ဒီးစံးဘၣ်စီၤၡံၣ်ၡိၣ်, “မ့ၢ်နတသ့ၣ်ညါဘၣ်ပှၤဖလ့ၡသးဖိတဖၣ်န့ၣ်မ့ၢ်ပှၤပၢဆှၢဘၣ်ပှၤဧါ. မ့ၢ်နမၤပှၤဒ်လဲၣ်.” အဝဲစံးဆၢဝဲဒၣ်, “ယမၤအဝဲသ့ၣ်ဒ်အမၤယၤအသိးလီၤ.”

လံာ်ပှၤစံၣ်ညီၣ်ကွီၢ် 15:3

ဒီးစီၤၡံၣ်ၡိၣ်စံး, “အအံၤတစု, ယမ့ၢ်မၤဘၣ်ပှၤဖလ့ၡသးဖိတဖၣ်န့ၣ်တမ့ၢ်ယတၢ်ကမၣ်ဘၣ်.”