လံာ်ပှၤစံၣ်ညီၣ်ကွီၢ် 14:3 - Sgaw Karen Common Bible

³ မ့မ့ၢ်အပၢ်ဒီးအမိၢ်တခီသံကွၢ်အီၤ, “ဘၣ်မနုၤလၢနကဘၣ်လဲၤဆူပှၤဖလ့ၡသးဖိတစူၢ်တနာ်ယွၤအအိၣ်လၢနကမၤန့ၢ်နမါတဂၤအဂီၢ်လဲၣ်. မ့ၢ်နဃုန့ၢ်ပိာ်မုၣ်ဖိတဂၤလၢပဒူၣ်ဖိထၢဖိအကျါ, လၢပပှၤကလုာ်အကျါတသ့ဘၣ်ဧါ.” ဘၣ်ဆၣ်ဒီးစီၤၡံၣ်ၡိၣ်တဲအပၢ်, “ပိာ်မုၣ်တဂၤန့ၣ်မ့ၢ်ပှၤလၢယအဲၣ်ဒိးနမၤန့ၢ်အီၤလၢယဂီၢ်လီၤ. ယအဲၣ်အီၤလီၤ.”

လံာ်ပှၤစံၣ်ညီၣ်ကွီၢ် 14:3 Iomraidhean Croise

လံာ်တၢ်ကဲထီၣ်အခီၣ်ထံး 13:8

ဒီးစီၤအၤဘြၣ်စံးဘၣ်စီၤလိာ်, “ပမ့ၢ်ပှၤဒီဘူးဒီတံၢ်လီၤ. နပှၤဒီးယပှၤတဖၣ်တကြၢးအ့ၣ်လိာ်ဆိးက့လိာ်အသးဘၣ်.

လံာ်တၢ်ကဲထီၣ်အခီၣ်ထံး 21:27

တုၤနုၤတစု, စီၤအၤဘြၤဟၣ်ဟ့ၣ်စီၤအဘံၤမ့လ့းလၢသိတနီၤ ဒီး, ဂီၤဖံးတနီၤ, ဒီးပှၤခံဂၤအံၤမၤသကိးတၢ်အၢၣ်လီၤအီလီၤ န့ၣ်လီၤ.

လံာ်တၢ်ကဲထီၣ်အခီၣ်ထံး 34:14

အဝဲသ့ၣ်စံးဘၣ်အီၤ, “ပပျဲပဒီပုၢ်ဝဲၢ်မုၣ်ဒိးတ့ဒိးဖျီ အသးဒီးပှၤတဂၤလၢအတဒိးကူးတရံးအသးတသ့ဘၣ်. တၢ်န့ၣ်ကမ့ၢ်တၢ်လီၤမဲာ်ဆှးတမံၤလၢပဂီၢ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 1:20

ဘိးဘၣ်သ့ၣ်ညါအီၤလၢဝ့ၢ်ကၤသးအပူၤ မ့တမ့ၢ်လၢဝ့ၢ်အၤၡးကလိၣ်အကျဲဘိတဖၣ်အပူၤ န့ၣ်တဂ့ၤ. ဒုးသးခုပှၤပိာ်မုၣ်တဖၣ်လၢကီၢ်ဖလ့ၡသးတဂ့ၤ. ပျဲပှၤတစူၢ်တနာ်ယွၤအဖိမုၣ်တဖၣ်သူၣ်ဖှံသးညီတဂ့ၤ.

လံာ်စီၤယိၤၡူ 23:12

သုမ့ၢ်ဃၣ်ကွံၢ်သုသးဒီးအိၣ်စဲဘူးဒီးပှၤကလုာ် လၢအအိၣ်လီၤတဲာ်လၢသုကျါတဖၣ်ဒီးဖျီလိာ်သုသးဒီးအဝဲသ့ၣ်န့ၣ်,

လံာ်ပှၤစံၣ်ညီၣ်ကွီၢ် 14:2

အဝဲက့ၤကဒါက့ၤဆူအဟံၣ်ဒီးတဲဘၣ်အပၢ်ဒီးအမိၢ်, “ပှၤဖလ့ၡသးမုၣ်ဖိအိၣ်လၢဝ့ၢ်တံးမနးတဂၤန့ၣ်ထုးန့ၢ်ယသးန့ၣ်လီၤ. မၤန့ၢ်အီၤလၢယဂီၢ်တက့ၢ်. ယအဲၣ်ဒိးဖျီယသးလၢအီၤလီၤ.”

လံာ်ပှၤစံၣ်ညီၣ်ကွီၢ် 15:18

တုၤနုၤတစု, စီၤၡံၣ်ၡိၣ်အသးသူထံနးမးအဃိအဝဲကိးထီၣ်ယွၤ ဒီးစံး, “နဟ့ၣ်ယၤလၢတၢ်မၤနၢၤဖးဒိၣ်အံၤ, ဒီးခဲအံၤမ့ၢ်ယကဘၣ်သံ လၢယသးသူထံအဃိဒီးဘၣ်တၢ်ဖီၣ်န့ၢ်ယၤလၢပှၤဖလ့ၡသးဖိ လၢတစူၢ်တနာ်ယွၤတဖၣ်န့ၣ်ဧါ.”

လံာ်စီၤၡမူၤအ့လးအခီၣ်ထံးတဘ့ၣ် 14:6

စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤန့ၣ်, “မ်ပလဲၤခီဃီၤဆူပှၤတစူၢ်တနာ်ယွၤ, ပှၤဖလ့ၡသးဖိတဖၣ် အသူၣ်ဒဲလီၢ်တက့ၢ်. ဘၣ်သ့ၣ်သ့ၣ်ယွၤကမၤစၢၤပှၤလီၤ. အဝဲမ့ၢ်မၤစၢၤပှၤဒီးဖဲန့ၣ်ပမ့ၢ်အိၣ်စှၤဂၤသနာ်က့, တၢ်လၢအကတြီအီၤ ဒ်သိးကဟ့ၣ်ပှၤတၢ်မၤနၢၤန့ၣ်တအိၣ်ဘၣ်နီတမံၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:26

စီၤဒၤဝံးသံကွၢ်ပှၤတဖၣ်လၢအအိၣ်ဘူးဒီးအီၤ, “ပှၤတဂၤလၢအမၤသံပှၤဖလ့ၡသးဖိတဂၤန့ၣ်ဒီးမၤသဘျ့ထီၣ် ပှၤအံၣ်စရ့လးဖိလၢတၢ်ဒုၣ်ဒွဲၣ်အံၤန့ၣ်ကမၤန့ၢ်တၢ်မနုၤ လဲၣ်. ဝံၤဒီးပှၤဖလ့ၡသးဖိလၢအတစူၢ်တနာ်ယွၤဒီးထီဒါကစၢ်ယွၤလၢ အမူဝဲတဂၤအသုးမုၢ်န့ၣ်မ့ၢ်မတၤတဂၤလဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 17:36

ယမၤသံတ့ၢ်ခ့ယုၢ်တဖၣ်, တၤသူတဖၣ်ဒီးယကမၤတၢ်တမံၤဃီလၢပှၤ တစူၢ်တနာ်တၢ်ပှၤဖလ့ၡသးဖိတဂၤအံၤလၢအခီၣ်ဆၢ ကစၢ်ယွၤလၢအမူဝဲတဂၤအသုးမုၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 31:4

အဝဲစံးဘၣ်ပှၤသးစၢ်တဂၤလၢအစိာ်အစုကဝဲၤတဖၣ်န့ၣ်, “ထုးထီၣ်နနးဒီးမၤသံယၤဒ်သိးပှၤတစူၢ်တနာ်ယွၤ, ပှၤဖလ့ၡသးဖိတဖၣ်အံၤအသုတကတိၤဒိၣ်လီၤအကိာ်လၢယဖီခိၣ်ဒီး မၤသံယၤတဂ့ၤန့ၣ်တက့ၢ်.” ဘၣ်ဆၣ်ဒီးပှၤသးစၢ်တဂၤန့ၣ်ပျံၤတၢ်နးနးကလဲာ်လၢကမၤတၢ်အံၤ န့ၣ်လီၤ. မၤသးဒ်န့ၣ်ဒီး, စီၤစီလူးထုးထီၣ်အနးဒၣ်ဝဲဒီးဆဲးလီၤက့ၤ အသးလီၤ.