လံာ်ပှၤစံၣ်ညီၣ်ကွီၢ် 14:20 - Sgaw Karen Common Bible

²⁰ ဒီးအမါန့ၣ်ဘၣ်တၢ်ဟ့ၣ်လီၤအီၤဆူပှၤတဂၤလၢအဆှၢထီၣ်အီၤ ဖဲအဒိးတ့ဒိးဖျီအသးအကတီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 14:20 Iomraidhean Croise

လံာ်တၢ်သးဝံၣ်တဖၣ်အတၢ်သးဝံၣ် 5:1

ယတၢ်အဲၣ်သးဘိ, ယတလးမူးပိာ်မုၣ်ဧၢ, ယဟဲနုာ်လံလၢယတၤသၣ်ကရၢၢ်ပူၤလံန့ၣ်လီၤ. ယထၢဖှိၣ်ယသ့ၣ်နၢမူအထုးအစီတဖၣ်ဒီးမူရၣ်, ယအီၣ်ယကနဲစီဒီးကနဲခိၣ်ထံ, ယအီယစပံးထံဒီးတၢ်နုၢ်ထံန့ၣ်လီၤ. ပှၤလၢအအဲၣ်လိာ်အသးသ့ၣ်ဧၢ, အီၣ်တၢ်ဒီးအီတၢ် တုၤလီၤလၢသုမူၤလၢတၢ်အဲၣ်အဃိတက့ၢ်.

လံာ်ယံးရမံယၤ 9:5

အဝဲသ့ၣ်ခဲလၢာ်ဆှၢကမၣ်အတံၤသကိးတဖၣ် ဒီးပှၤတတဲတၢ်မ့ၢ်တၢ်တီနီတဂၤဘၣ်. အဝဲသ့ၣ်သိၣ်လိအပျ့ၤတဖၣ်လၢကကတိၤလီတၢ်, ဒီးတပျဲစုပျၢ်ခီၣ်ဘၣ်လၢအဝဲသ့ၣ်အတၢ်မၤတၢ်ဒဲးဘး တဖၣ်န့ၣ်ဘၣ်.

လံာ်မံကၤ 7:5

နာ်ပှၤအိၣ်လၢနဃၢၤမ့တမ့ၢ်သန့ၤနသးလၢနတံၤသကိးတဂ့ၤ. ပလီၢ်နသးလၢတၢ်လၢနစံးဘၣ်နမါဒၣ်လဲာ်တက့ၢ်. လၢဆၢကတီၢ်တဖၣ်အံၤအပူၤ, ဖိခွါတဖၣ်မၤအပၢ်တဖၣ်ဒ်ပှၤဟးဂီၤ ဖိတဖၣ်အသိး,

လံာ်ယိၤဟၣ် 13:18

ယတကတိၤတၢ်လၢသုဝဲခဲလၢာ်အဂ့ၢ်ဘၣ်. ယသ့ၣ်ညါပှၤလၢ ယဃုထၢအီၤတဖၣ်လီၤ. ဘၣ်ဆၣ်တၢ်ကွဲးအသးကဘၣ် လၢထီၣ်ပှဲၤထီၣ်လၢအစံးဝဲ, ‘ပှၤလၢအအီၣ်တၢ်ဒီးယၤတဂၤ န့ၣ်ထီဒါယၤလီၤ’ (စံး. ၄၁:၉).

လံာ်ယိၤဟၣ် 3:29

ပှၤလၢအဘၣ်ဃးဒီးတလးမူးပိာ်ခွါန့ၣ်မ့ၢ်တလးမူးပိာ်မုၣ်လီၤ. ဘၣ်ဆၣ်ဒီး, တလးမူးပိာ်ခွါအတံၤသကိးလၢအဆၢထၢၣ်ဒီးဒိ ကနၣ်တၢ်တဂၤန့ၣ်, တုၤအနၢ်ဟူတလးမူးပိာ်ခွါအကလုၢ်ဒီး သးခုဒိၣ်မးလီၤ. ယတၢ်သးခုန့ၣ်လၢထီၣ်ပှဲၤထီၣ်လၢကျဲဒ်အံၤလီၤ.

လံာ်ပှၤစံၣ်ညီၣ်ကွီၢ် 15:2

အဝဲစံးဘၣ်စီၤၡံၣ်ၡိၣ်, “ယဆိကမိၣ်သပှၢ်ကတၢၢ်လၢနသးဟ့ အီၤအဃိဒီးယဟ့ၣ်လီၤအီၤဆူနတံၤသကိးလီၤ. ဘၣ်ဆၣ်ဒီး, အပုၢ်ပိာ်မုၣ်န့ၣ်ဃံလၤဒိၣ်တက့ၢ်လီၤ. နဟံးန့ၢ်အီၤလၢအလီၢ် သ့ဝဲလီၤ.”

လံာ်ပှၤစံၣ်ညီၣ်ကွီၢ် 15:6

ဖဲပှၤဖလ့ၡသးဖိတဖၣ်သံကွၢ်ဝဲ, မ့ၢ်မတၤမၤတၢ်အံၤလဲၣ်ဒီး သ့ၣ်ညါဝဲလၢစီၤၡံၣ်ၡိၣ်မၤတၢ်အံၤလီၤ. အဂ့ၢ်ဒ်အံၤ, အမံၤပှၢ်ပှၤတံးမနးဖိတဂၤန့ၣ်ဟ့ၣ်လီၤကွံာ်စီၤၡံၣ်ၡိၣ်အမါ ဆူစီၤၡံၣ်ၡိၣ်အတံၤသကိးတဂၤအအိၣ်အဃိန့ၣ်လီၤ. မၤသးဒ်န့ၣ်ဒီး, ပှၤဖလ့ၡသးဖိတဖၣ်လဲၤဒွဲၣ်သံကွံာ်ပိာ်မုၣ် န့ၣ်ဒီးဆူးကဲၤထီၣ်ကွံာ်အပၢ်အဟံၣ်စ့ၢ်ကီးလီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:19

ဘၣ်ဆၣ်ဒီးဖဲတၢ်ဆၢကတီၢ်တုၤဃီၤဝဲန့ၣ်လၢနီၢ်မ့ရ့ာ်ကဘၣ်တၢ် ဟ့ၣ်လီၤအီၤဆူစီၤဒၤဝံးအလီၢ်န့ၣ်, အဝဲဘၣ်တၢ်ဟ့ၣ်လီၤအီၤဆူပှၤတဂၤအမံၤမ့ၢ်ဝဲစီၤဧ့ဒြၤအ့လး အိၣ်လၢဝ့ၢ်အဃိလၤန့ၣ်လီၤ.