လံာ်ပှၤစံၣ်ညီၣ်ကွီၢ် 14:18 - Sgaw Karen Common Bible

¹⁸ မၤသးဒ်န့ၣ်ဒီး, လၢမူးနွံနံၤတနံၤတချုးလၢစီၤၡံၣ်ၡိၣ်နုာ် လီၤဆူလီၢ်မံဒၢးအပူၤန့ၣ်ပှၤဝ့ၢ်ဖိတဖၣ်န့ၣ်စံးဘၣ်အီၤ, “တၢ်ကဆၢန့ၣ်ကနဲစီအိၣ်ဒံးဝဲသ့ဧါ တၢ်အဂံၢ်အဘါကဆူၣ်န့ၣ်ခ့ယုၢ်အိၣ်ဒံးဝဲသ့ဧါ.” ဒီးစီၤၡံၣ်ၡိၣ်စံးဆၢဝဲဒၣ်, “သုမ့ၢ်တထူစံာ်လၢယကျီၢ်မိၢ်ဘၣ်ဒီး, သုသ့ၣ်ညါတၢ်စံးဆၢခဲအံၤတသ့ဘၣ်လီၤ.”

လံာ်ပှၤစံၣ်ညီၣ်ကွီၢ် 14:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:23

စီၤစီလူးဒီးစီၤယိနၤသၣ်မ့ၢ်ပှၤလီၤလးဒီးပှၤလီၤအဲၣ် လီၤကွံတဖၣ်လီၤ. မူသကိးဒ်သိးသိးသံသကိးဝဲဒ်သိးသိးန့ၣ်လီၤ. မ့ၢ်ပှၤချ့န့ၢ်ဒံးလံာ်ကြီကြာ်တဖၣ်ဒီးအဂံၢ်အဘါဆူၣ် န့ၢ်ဒံးခ့ယုၢ်တဖၣ်တက့ၢ်န့ၣ်လီၤ.

စံးထီၣ်ပတြၢၤ 81:16

မ့မ့ၢ်ယဲၢအံၤယကဒုးအီၣ်နၤလၢဘုကၠူၣ်အဂ့ၤကတၢၢ် ဒီးဒုးမံသူၣ်မံသးနၤလၢကနဲစီအမံၤန့ၣ်လီၤ.”

တၢ်ကတိၤဒိ. 30:30

ခ့ယုၢ်တဖၣ်, ဂံၢ်ဘါဆူၣ်ကတၢၢ်လၢဆၣ်ဖိကီၢ်ဖိခဲလၢာ်အကျါဒီး တပျံၤတၢ်နီတမံၤဘၣ်န့ၣ်လီၤ.

လံာ်ယဃ့းစက့လး 1:10

တၢ်ဘၣ်တ့အမူတဂၤစုာ်စုာ်အိၣ်ဒီးအမဲာ်သၣ်လၢအလီၤဆီလိာ် အသးလွံၢ်ဘ့ၣ်လီၤ. ပှၤကညီအမဲာ်သၣ်လၢတၢ်မဲာ်ညါတကပၤ, ခ့ယုၢ်အမဲာ်သၣ်လၢစုထွဲတကပၤ, ကျီၢ်ဖါအမဲာ်သၣ်လၢစုစ့ၣ် တကပၤ, ဒီးလံာ်ကြီကြၣ်အမဲာ်သၣ်လၢအလီၢ်ခံတကပၤန့ၣ်လီၤ.

လံာ်ပှၤစံၣ်ညီၣ်ကွီၢ် 14:17

ပိာ်မုၣ်န့ၣ်ဟီၣ်လၢတၢ်န့ၣ်အဃိလၢမူးအမုၢ်နံၤနွံသီအပူၤန့ၣ်လီၤ. ဘၣ်ဆၣ်ဒီးလၢမူးအမုၢ်နံၤနွံသီတသီန့ၣ်အဝဲတဲဘၣ်ပိာ်မုၣ်န့ၣ် လၢတၢ်ပှိၤပှံပှိၤပှီၢ်အခီပညီန့ၣ်လီၤ. အဂ့ၢ်ဒ်အံၤပိာ်မုၣ်န့ၣ်သံကွၢ်အီၤသပှၢ်ပှၢ် တုၤအသးဘၣ်တံာ်တာ်အဃိန့ၣ်လီၤ. အန့ၣ်ဝံၤဒီးပိာ်မုၣ်န့ၣ်တဲဘၣ်ပှၤဖလ့ၡသးဖိတဖၣ်လီၤ.

လံာ်ပှၤစံၣ်ညီၣ်ကွီၢ် 14:19

သတူၢ်ကလာ်န့ၣ်ယွၤအစိကမီၤမၤဆူၣ်ထီၣ်အဂံၢ်အဘါဒီးအဝဲဒၣ်လဲၤ လီၤဝဲဆူဝ့ၢ်အၤၡကလိၣ်ဒီးမၤသံကွံာ်ပှၤအဂၤသၢဆံ, ဘ့ၣ်ကွံာ်အကူအသိး, ဒီးဟ့ၣ်လီၤကွံာ်အတၢ်ကူတၢ်သိးတဖၣ်န့ၣ် ဆူပှၤလၢအစံးဆၢတၢ်ပှိၤပှံပှိၤပှီၢ်တဖၣ်အအိၣ်န့ၣ်လီၤ. အန့ၣ်ဝံၤဒီးက့ၤဝဲဒၣ်ဆူအဟံၣ်လၢတၢ်သူၣ်ဒိၣ်သးဖျိးအပူၤလၢ တၢ်မၤတ့ၢ်အသးတဖၣ်အဃိလီၤ.