လံာ်ပှၤစံၣ်ညီၣ်ကွီၢ် 14:17 - Sgaw Karen Common Bible

¹⁷ ပိာ်မုၣ်န့ၣ်ဟီၣ်လၢတၢ်န့ၣ်အဃိလၢမူးအမုၢ်နံၤနွံသီအပူၤန့ၣ်လီၤ. ဘၣ်ဆၣ်ဒီးလၢမူးအမုၢ်နံၤနွံသီတသီန့ၣ်အဝဲတဲဘၣ်ပိာ်မုၣ်န့ၣ် လၢတၢ်ပှိၤပှံပှိၤပှီၢ်အခီပညီန့ၣ်လီၤ. အဂ့ၢ်ဒ်အံၤပိာ်မုၣ်န့ၣ်သံကွၢ်အီၤသပှၢ်ပှၢ် တုၤအသးဘၣ်တံာ်တာ်အဃိန့ၣ်လီၤ. အန့ၣ်ဝံၤဒီးပိာ်မုၣ်န့ၣ်တဲဘၣ်ပှၤဖလ့ၡသးဖိတဖၣ်လီၤ.

လံာ်ပှၤစံၣ်ညီၣ်ကွီၢ် 14:17 Iomraidhean Croise

လံာ်တၢ်ကဲထီၣ်အခီၣ်ထံး 3:6

ဒီးပိာ်မုၣ်န့ၣ်ထံၣ်ဝဲလၢသ့ၣ်တထံးန့ၣ်ဃံလၤဝဲဒီးအသၣ်န့ၣ် တၢ်မ့ၢ်အီၣ်ဘၣ်ဒီးကဝံၣ်ဝဲဆံးဒိၣ်လဲၣ်ဒီးပိာ်မုၣ်န့ၣ်ဆိ ကမိၣ်ကွၢ်ဝဲလၢအဝဲမ့ၢ်ကူၣ်သ့ကူၣ်ဘၣ်ထီၣ်ဒီးကမုာ်သူၣ်မုာ်သး ဆံးဒိၣ်လဲၣ်န့ၣ်လီၤ. လၢတၢ်န့ၣ်အဃိအဝဲဟံးန့ၢ်သ့ၣ်သၣ်တနီၤဒီးအီၣ်ဝဲ ဒၣ်လီၤ. ဒီးဟ့ၣ်လီၤအဝၤတနီၤဒီးအဝဲဒၣ်စ့ၢ်ကီးအီၣ်ဝဲလီၤ.

လံာ်စီၤယိၤဘး 2:9

တုၤနုၤတစုအမါစံးဘၣ်အီၤ, “မ့ၢ်နဟံးဃာ်ဒံးနတၢ်တီတၢ်လိၤ ဂၢၢ်ဂၢၢ်ကျၢၤကျၢၤန့ၣ်ဧါ. ဆိၣ်ကစၢ်ယွၤဒီးသံတက့ၢ်.”

တၢ်ကတိၤဒိ. 7:21

ဒီးပိာ်မုၣ်အံၤလ့ပစီအီၤလၢအတၢ်ဃံတၢ်လၤတဖၣ်, ဒီးအဝဲ ဟ့ၣ်လီၤကွံာ်အသးလၢတၢ်ကတိၤလၢအဘျ့မးအပူၤန့ၣ်လီၤ.

လံာ်ယံးရမံယၤ 9:3

အဝဲသ့ၣ်အိၣ်ကတဲာ်ကတီၤအသးထီဘိလၢကတဲလီတၢ်လီၤ. လၢတၢ်မ့ၢ်တၢ်တီအလီၢ်န့ၣ်, တၢ်တတီတလိၤပၢထံဧိၤကီၢ်ဧိၤန့ၣ်လီၤ. ယွၤစံးဝဲဒၣ်, “ယပှၤဂီၢ်မုၢ်မၤတၢ်အၢတၢ်သီတမံၤဝံၤတမံၤ, ဒီးတသ့ၣ်ညါအၢၣ်လီၤယၤဒ်အဝဲသ့ၣ်အကစၢ်ယွၤအသိးဘၣ်.”

လံာ်မံကၤ 7:5

နာ်ပှၤအိၣ်လၢနဃၢၤမ့တမ့ၢ်သန့ၤနသးလၢနတံၤသကိးတဂ့ၤ. ပလီၢ်နသးလၢတၢ်လၢနစံးဘၣ်နမါဒၣ်လဲာ်တက့ၢ်. လၢဆၢကတီၢ်တဖၣ်အံၤအပူၤ, ဖိခွါတဖၣ်မၤအပၢ်တဖၣ်ဒ်ပှၤဟးဂီၤ ဖိတဖၣ်အသိး,

လံာ်လူၤကၣ် 11:8

အန့ၣ်ဒီး, တၢ်ကမၤအသးဒ်လဲၣ်. ယစံးဘၣ်တဲဘၣ်သု, အဝဲမ့ၢ်တဂဲၤဆၢထၢၣ်ဒီးဟ့ၣ်နၤကိၣ်လၢနမ့ၢ်အတံၤသကိး အဃိဘၣ်ဆၣ်ဒီး, အဝဲဒၣ်ကဂဲၤဆၢထၢၣ်ဟ့ၣ်နၤတၢ်ခဲလၢာ်ခဲဆ့လၢ နလိၣ်ဘၣ်အီၤမ့ၢ်လၢနဃ့ဝံၤဃ့က့ၤတၢ်န့ၣ်နတမဲာ်ဆှးဘၣ် အဃိလီၤ.

လံာ်ပှၤစံၣ်ညီၣ်ကွီၢ် 14:16

မၤသးဒ်န့ၣ်ဒီး, စီၤၡံၣ်ၡိၣ်အမါက့ၤဆူအအိၣ်လၢမဲာ်ထံမဲာ်နိဒီးစံး, “နတအဲၣ်ယၤဘၣ်. နသးဟ့ယၤလီၤ. နတဲဘၣ်တၢ်ပှိၤပှံပှိၤပှီၢ်လၢဒီးနတတဲဘၣ်ယၤ လၢအခီပညီဘၣ်.” စီၤၡံၣ်ၡိၣ်စံး, “ကွၢ်လၢအံၤ, ယမိၢ်ယပၢ်ဒၣ်လဲာ်န့ၣ်ယတတဲဘၣ်အဝဲသ့ၣ်ဘၣ်. ဘၣ်မနုၤလၢယကဘၣ်တဲနၤလဲၣ်.”

လံာ်ပှၤစံၣ်ညီၣ်ကွီၢ် 14:18

မၤသးဒ်န့ၣ်ဒီး, လၢမူးနွံနံၤတနံၤတချုးလၢစီၤၡံၣ်ၡိၣ်နုာ် လီၤဆူလီၢ်မံဒၢးအပူၤန့ၣ်ပှၤဝ့ၢ်ဖိတဖၣ်န့ၣ်စံးဘၣ်အီၤ, “တၢ်ကဆၢန့ၣ်ကနဲစီအိၣ်ဒံးဝဲသ့ဧါ တၢ်အဂံၢ်အဘါကဆူၣ်န့ၣ်ခ့ယုၢ်အိၣ်ဒံးဝဲသ့ဧါ.” ဒီးစီၤၡံၣ်ၡိၣ်စံးဆၢဝဲဒၣ်, “သုမ့ၢ်တထူစံာ်လၢယကျီၢ်မိၢ်ဘၣ်ဒီး, သုသ့ၣ်ညါတၢ်စံးဆၢခဲအံၤတသ့ဘၣ်လီၤ.”

လံာ်ပှၤစံၣ်ညီၣ်ကွီၢ် 16:13

ဒီးနီၢ်ဒလံလၤစံးဘၣ်စီၤၡံၡိၣ်, “နမၤပျုၢ်ယၤတုၤခဲအံၤဒီးနတတဲယၤလၢတၢ်မ့ၢ်တၢ်တီဘၣ်. တဲဘၣ်ယၤလၢပှၤစၢဃာ်နၤကသ့ဒ်လဲၣ်န့ၣ်တက့ၢ်.” အဝဲစံးဆၢ, “နမ့ၢ်ထါယခိၣ်သူနွံပျ့လၢထၣ်အပူၤဒီးမၤဃံးတံၢ်အီၤလၢ နီၣ်ပျၤစူတဘိန့ၣ်ယဂံၢ်ယဘါကစၢ်လီၤဝဲဒ်ပှၤဂၤအသိးန့ၣ်လီၤ.”

လံာ်ပှၤစံၣ်ညီၣ်ကွီၢ် 16:16

ဒီးပိာ်မုၣ်န့ၣ်သံကွၢ်ဆူၣ်အီၤတနံၤဘၣ်တနံၤလီၤ. အဝဲအသးအ့န့ဒီးလီၤဘှံးဝဲလၢပိာ်မုၣ်အံၤမၤတံာ်တာ်အီၤ လၢတၢ်န့ၣ်အဃိ,

လံာ်ပှၤစံၣ်ညီၣ်ကွီၢ် 16:6

မၤသးဒ်န့ၣ်, ဒီးနီၢ်ဒလံလၤစံးဘၣ်စီၤၡံၡိၣ်, “ဝံသးစူၤတဲဘၣ်ယၤတၢ်မနုၤမၤဆူၣ်ထီၣ်နဂံၢ်နဘါဆူၣ်ဆူၣ်ကလဲာ်န့ၣ်လဲၣ်. ပှၤမ့ၢ်အဲၣ်ဒိးစၢဃာ်နၤဒ်သိး အကမၤစၢ်လီၤနၤန့ၣ်မၤဝဲကသ့ဒ်လဲၣ်.”