လံာ်ပှၤစံၣ်ညီၣ်ကွီၢ် 14:16 - Sgaw Karen Common Bible

¹⁶ မၤသးဒ်န့ၣ်ဒီး, စီၤၡံၣ်ၡိၣ်အမါက့ၤဆူအအိၣ်လၢမဲာ်ထံမဲာ်နိဒီးစံး, “နတအဲၣ်ယၤဘၣ်. နသးဟ့ယၤလီၤ. နတဲဘၣ်တၢ်ပှိၤပှံပှိၤပှီၢ်လၢဒီးနတတဲဘၣ်ယၤ လၢအခီပညီဘၣ်.” စီၤၡံၣ်ၡိၣ်စံး, “ကွၢ်လၢအံၤ, ယမိၢ်ယပၢ်ဒၣ်လဲာ်န့ၣ်ယတတဲဘၣ်အဝဲသ့ၣ်ဘၣ်. ဘၣ်မနုၤလၢယကဘၣ်တဲနၤလဲၣ်.”

လံာ်ပှၤစံၣ်ညီၣ်ကွီၢ် 14:16 Iomraidhean Croise

လံာ်တၢ်ကဲထီၣ်အခီၣ်ထံး 2:24

လၢတၢ်န့ၣ်အဃိပိာ်ခွါကဟးသဒၣ်အမိၢ်အပၢ်ဒီးပာ်ဖှိၣ်အသးဒီးအမါ, ဒီးကဲထီၣ်ပှၤတဂၤဃီန့ၣ်လီၤ.

လံာ်ပှၤစံၣ်ညီၣ်ကွီၢ် 14:17

ပိာ်မုၣ်န့ၣ်ဟီၣ်လၢတၢ်န့ၣ်အဃိလၢမူးအမုၢ်နံၤနွံသီအပူၤန့ၣ်လီၤ. ဘၣ်ဆၣ်ဒီးလၢမူးအမုၢ်နံၤနွံသီတသီန့ၣ်အဝဲတဲဘၣ်ပိာ်မုၣ်န့ၣ် လၢတၢ်ပှိၤပှံပှိၤပှီၢ်အခီပညီန့ၣ်လီၤ. အဂ့ၢ်ဒ်အံၤပိာ်မုၣ်န့ၣ်သံကွၢ်အီၤသပှၢ်ပှၢ် တုၤအသးဘၣ်တံာ်တာ်အဃိန့ၣ်လီၤ. အန့ၣ်ဝံၤဒီးပိာ်မုၣ်န့ၣ်တဲဘၣ်ပှၤဖလ့ၡသးဖိတဖၣ်လီၤ.

လံာ်ပှၤစံၣ်ညီၣ်ကွီၢ် 16:15

မၤသးဒ်န့ၣ်ဒီး, နီၢ်ဒလံလၤစံးဘၣ်အီၤ, “နတအဲၣ်ယၤနီၢ်နီၢ်ဘၣ် ဒီးနစံးလၢနအဲၣ်ယၤကသ့ဒ်လဲၣ်. နမၤပျုၢ်တ့ၢ်ယၤသၢဘျီ ဒီးနတတဲဘၣ်ဒံးယၤလၢတၢ်မနုၤမၤဆူၣ်ထီၣ် နဂံၢ်နဘါဒိၣ်ဒိၣ်ကလဲာ်အဂ့ၢ်န့ၣ်ဘၣ်.”

လံာ်ပှၤစံၣ်ညီၣ်ကွီၢ် 16:16

ဒီးပိာ်မုၣ်န့ၣ်သံကွၢ်ဆူၣ်အီၤတနံၤဘၣ်တနံၤလီၤ. အဝဲအသးအ့န့ဒီးလီၤဘှံးဝဲလၢပိာ်မုၣ်အံၤမၤတံာ်တာ်အီၤ လၢတၢ်န့ၣ်အဃိ,