လံာ်ပှၤစံၣ်ညီၣ်ကွီၢ် 14:12 - Sgaw Karen Common Bible

¹² စီၤၡံၣ်ၡိၣ်စံးဘၣ်အဝဲသ့ၣ်, “ယကတဲသုလၢတၢ်ပှိၤပှံပှိၤပှီၢ် တခါလီၤ. ဒီးယတၤသုတဂၤစုာ်စုာ်လၢသုစံးဆၢယၤအခီပညီ တချုးဖဲတၢ်တ့တၢ်ဖျီအမူးတချုးဝံၤဝဲဒံးဘၣ်နွံသီအတီၢ်ပူၤန့ၣ်မ့ၢ်တသ့ဒီး, သုကဘၣ်ဟ့ၣ်ယၤဆ့ဖှီဝါအဂ့ၤလၢသုအိၣ်တဂၤတဘ့ၣ် ဒီးတၢ်ကလံၤကလဲတၢ်ကူတၢ်ကၤအဂီၢ်တဂၤတဘ့ၣ်စ့ၢ်ကီးလီၤ.”

လံာ်ပှၤစံၣ်ညီၣ်ကွီၢ် 14:12 Iomraidhean Croise

လံာ်တၢ်ကဲထီၣ်အခီၣ်ထံး 45:22

အဝဲဟ့ၣ်စ့ၢ်ကီးအဝဲသ့ၣ်တဂၤဘၣ်တဂၤအတၢ်ကူတၢ်သိးလၢကကလံၤ အသးတဘျီအဂီၢ်လီၤ. မ့မ့ၢ်စီၤဘံၣ်ယၤမံၣ်န့ၣ်ဟ့ၣ်ဝဲစ့အဘ့ၣ်သၢကယၤဒီးအကူအသိး လၢကကလံၤအသးယဲၢ်ဘျီအဂီၢ်လီၤ.

လံာ်စီၤပၤအခီၣ်ထံးတဘ့ၣ် 10:1

ကီၢ်ၡဘၤအနီၢ်ပၤမုၣ်နၢ်ဟူဘၣ်စီၤၡလိၤမိၤအတၢ်မံၤဟူသၣ်ဖျါ ဒီးအဝဲလဲၤဝဲဆူဝ့ၢ်ယရူၤၡလ့ၣ်, လၢကမၤကွၢ်အီၤဒီးတၢ်သံကွၢ်အကီအခဲတဖၣ်အဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 5:22

စီၤက့ၤဃစံစံးဆၢဝဲ, “တမ့ၢ်နီတမံၤဘၣ်.” ဘၣ်ဆၣ်ယကစၢ်မၢလီၤယၤလၢယကတဲဘၣ်နၤလၢခဲအံၤဒၣ်လဲာ်, ပှၤခံဂၤလၢဝံတဖၣ်အကရူၢ်ပူၤလၢကစၢၢ်အ့ဖရဲၣ်တခီဟဲတုၤဝဲ, ဒီးအဝဲအဲၣ်ဒိးဝဲလၢနကဟ့ၣ်အဝဲသ့ၣ်စ့အဘ့ၣ်သၢကထိဒီးတၢ်ကူ တၢ်သိးအဂ့ၤလၢကကလံၤအသးခံဘျီအဂီၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 5:5

စီၤပၤစံးဝဲဒၣ်, “လဲၤဆူကီၢ်အံၣ်စရ့လးအစီၤပၤအအိၣ်ဒီး လဲၤစိာ်လံာ်ပရၢအံၤဆူအအိၣ်န့ၣ်တက့ၢ်.” လၢတၢ်န့ၣ်အဃိစီၤနဧၤမၣ်ဟးထီၣ်ဝဲ, လဲၤစိာ်စ့ညၣ်အဘ့ၣ်သၢက လး, ထူအဘ့ၣ်ဃုကထိဒီးတၢ်ကူတၢ်သိးအဂ့ၤလၢတၢ်ကလံၤအသးအဂီၢ် အဘ့ၣ်တဆံန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:8

စီၤၡလိၤမိၤဒီးကယဲၢ်အံၣ်စရ့လးအပှၤဂီၢ်မုၢ်မၤမူးမၤပွဲ လၢဘူၣ်ဒဲအဂီၢ်နွံသီန့ၣ်လီၤ. ဖဲန့ၣ်ပှၤကမျၢၢ်ဂီၢ်မုၢ်ဖးဒိၣ်တဖၣ်အိၣ်ဝဲ, လၢအဟဲဝဲလၢကလံၤစိးတခီယံၤဝဲပၢၢ်လၢဝ့ၢ်ဃမါသးအတၢ်လဲၤ နုာ်အကျဲဒီးလၢကလံၤထံးတခီန့ၣ်ယံၤဝဲပၢၢ်လၢကီၢ်အဲၤကူပတူး အကီၢ်အဆၢန့ၣ်လီၤ.

စံးထီၣ်ပတြၢၤ 49:4

ယကဒိးယနၢ်ဆူတၢ်ကတိၤဒိ, ဒီးယကပာ်ဖျါထီၣ် အခီပညီဖဲယဒ့တနၢ်အဖၢမုၢ်န့ၣ်လီၤ.

တၢ်ကတိၤဒိ. 1:6

ဒ်သိးအဝဲသ့ၣ်ကနၢ်ပၢၢ်တၢ်ကူၣ်သ့အတၢ်ကတိၤအခီပညီအဒိၣ် အယိာ်တဖၣ်ဒီးတၢ်ပှိၤပှီၢ်တဖၣ်လၢပှၤကူၣ်သ့တဖၣ်ကတိၤထီၣ်ဝဲ အဂီၢ်န့ၣ်လီၤ.

တၢ်ကတိၤဒိ. 31:24

အဝဲမၤတၢ်ကူတၢ်သိးဒီးယီၢ်တကိးတဖၣ်ဒီးဆါလီၤဝဲဆူ ပှၤကူၣ်တၢ်ကၤတၢ်တဖၣ်အအိၣ်န့ၣ်လီၤ.

လံာ်ယဃ့းစက့လး 20:49

ဘၣ်ဆၣ်ယကတိၤဂ့ၢ်လိာ်ဒီးစံး, “ယွၤပၢဘၣ်တၢ်ခဲလၢာ်ကစၢ်ဧၢ, တဘၣ်မၢယမၤတၢ်န့ၣ်တဂ့ၤ. ပှၤကိးဂၤဒဲးကဒူးကဒ့ၣ်လံတၢ်ဒီးစံးလၢထီဘိယကတိၤ တၢ်လၢတၢ်ပှိၤပှီၢ်တဖၣ်အပူၤန့ၣ်လီၤ.”

လံာ်မးသဲ 13:13

လၢတၢ်န့ၣ်အဃိယသိၣ်လီၤသီလီၤအဝဲသ့ၣ်လၢတၢ် ကတိၤဒိတဖၣ်လီၤ. အဂ့ၢ်ဒ်အံၤ, အဝဲသ့ၣ်ကွၢ်တၢ်ဘၣ်ဆၣ် တထံၣ်တၢ်ဘၣ်. ကနၣ်တၢ်ဘၣ်ဆၣ်တနၢ်ဟူဝဲဘၣ်. တနၢ်ပၢၢ်စ့ၢ်ကီးဝဲဘၣ်.

လံာ်မးသဲ 13:34

ယ့ၣ်ၡူးစံးဘၣ်ပှၤဂီၢ်မုၢ်လၢတၢ်သ့ၣ်တဖၣ်အံၤခီဖျိတၢ် ကတိၤဒိတဖၣ်, ဒီးမ့တမ့ၢ်ဘၣ်လၢတၢ်ကတိၤဒိဘၣ်ဒီး တသိၣ်လီၤသီလီၤတၢ်နီတမံၤဘၣ်.

လံာ်မးသဲ 27:28

အဝဲသ့ၣ်ဘ့ၣ်လီၤကွံာ်ယ့ၣ်ၡူးအကူအသိးတဖၣ်, ဒီးဒုးသိးထီၣ်အီၤလၢ ဆ့ကၤဖးထီအလုးတကုာ်တဘ့ၣ်လီၤ.

လံာ်မးသဲ 6:19

တဘၣ်ပာ်ဖှိၣ်တၢ်ထူးတၢ်တီၤလၢသုဂီၢ်လၢဟီၣ်ခိၣ်ချၢ ဖဲတၢ်ဖိဃၢ်ဒီးထးဃံၣ်မၤဟးဂီၤတၢ်, ဒီးတၢ်ဘျၣ်ဘၢၣ်ဖျိတၢ်, ဒီးဟုၣ်န့ၢ်တၢ်အလီၢ်န့ၣ်တဂ့ၤ.

လံာ်လူၤကၣ် 14:7

ယ့ၣ်ၡူးပာ်သူၣ်ပာ်သးဝဲဒၣ်လၢပှၤသမှံၤသပျီၤတနီၤဃုထၢတၢ်လီၢ် တၢ်ကျဲအဂ့ၤကတၢၢ်လၢအကဆ့ၣ်နီၤဝဲအဂီၢ်, သတးဒီးအဝဲဒၣ်စံးဘၣ်တဲဘၣ်အဝဲသ့ၣ်လၢတၢ်ကတိၤဒိတထံၣ်အံၤ လီၤ.

လံာ်ယိၤဟၣ် 16:29

ထဲန့ၣ်ဒီး, အပျဲၢ်အဘီၣ်တဖၣ်စံးဘၣ်အီၤ, “ခဲအံၤနကတိၤလံ တၢ်ဖျါဖျါ, ဒီးတသူတၢ်ကတိၤအဒိတဖၣ်န့ၣ်ဘၣ်.

1 ကရံၣ်သူး 13:12

တၢ်လၢပထံၣ်ပဝဲခဲကနံၣ်အံၤ, မၤအသးဒ်တၢ်အက့ၢ် အဂီၤလၢအအိၣ်ဖျါထီၣ်ကဒုကယီၢ်လၢမဲာ်ထံကလၤတဘ့ၣ် အပူၤန့ၣ်လီၤ. မ့မ့ၢ်ဖဲဆၢကတီၢ်အဝဲန့ၣ်, ပကထံၣ်လိာ်ပသးလၢမဲာ်သကိးမဲာ်လီၤ. တၢ်လၢယသ့ၣ်ညါယဲခဲကနံၣ်အံၤမ့ၢ်ဒၣ်တၢ်တဖှံၣ် တဝာ်, မ့မ့ၢ်ဖဲဆၢကတီၢ်အဝဲန့ၣ်ကမ့ၢ်တၢ်လၢတၢ်ပှဲၤ, ကလၢပှဲၤဝဲဒ်ကစၢ်ယွၤအတၢ်သ့ၣ်ညါယၤအသိးန့ၣ်လီၤ.

ယၤကိာ် 5:2

သုတၢ်ထူးတၢ်တီၤတဖၣ်အုၣ်သံကျၣ်သံကွံာ်လံ, ဒီးသုကူသုကၤတဖၣ်တၢ်အဃၢ်အီၣ်ကွံာ်အီၤလံ.

လံာ်ပှၤစံၣ်ညီၣ်ကွီၢ် 14:11

ဖဲပှၤဖလ့ၡသးဖိတဖၣ်ထံၣ်အီၤန့ၣ် အဝဲသ့ၣ်ဆှၢလီၤပှၤသးစၢ်အဂၤသၢဆံလၢအကအိၣ်ဒီးအီၤန့ၣ်လီၤ.

လံာ်ပှၤစံၣ်ညီၣ်ကွီၢ် 14:13

“တဲပှၤနတၢ်ပှိၤပှံပှိၤပှီၢ်တက့ၢ်.” အဝဲသ့ၣ်စံးဆၢဝဲဒၣ်, “ပက, ကနၣ်အီၤလီၤ.”