လံာ်ပှၤစံၣ်ညီၣ်ကွီၢ် 14:10 - Sgaw Karen Common Bible

¹⁰ အပၢ်လဲၤဆူပိာ်မုၣ်ဖိတဂၤန့ၣ်အဟံၣ်ဒီးစီၤၡံၣ်ၡိၣ်မၤတၢ်အီၣ်တၢ်အီအမူးဖဲန့ၣ်လီၤ. တၢ်အံၤမ့ၢ်ပှၤသူၣ်ဘီၣ်သးစၢ်ဖဲန့ၣ်တဖၣ်အလုၢ်အလၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 14:10 Iomraidhean Croise

လံာ်တၢ်ကဲထီၣ်အခီၣ်ထံး 29:22

ဒီးစီၤလၤဘၣ်မၤတၢ်ဖျီအမူးဒီးကွဲပှၤကိးဂၤဒဲးန့ၣ်လီၤ.

လံာ်ပှၤစံၣ်တဲၤတဲလီၤတၢ် 10:19

အီၣ်တၢ်အီတၢ်မၤသူၣ်ဖှံသးညီနၤဒီးစပံးထံမၤသးဖှံထီၣ် နၤလီၤ. ဘၣ်ဆၣ်စ့မ့ၢ်တအိၣ်ဘၣ်ဒီးနမၤတၢ်န့ၣ်တန့ၢ်နီတမံၤဘၣ်.

လံာ်ယိၤဟၣ် 2:9

ဒီးထံလၢအကဲထီၣ်စပံးထံအံၤအဝဲလ့ၣ်ကွၢ်ဝဲဒီးစပံးထံအံၤ ဟဲလၢလဲၣ်န့ၣ်အဝဲတသ့ၣ်ညါဝဲဘၣ်. (ဘၣ်ဆၣ်တၢ်ခ့တၢ်ပှၤတဖၣ်လၢအဟဲဘျၢၣ်ထီၣ်န့ၢ်ထံအံၤ သ့ၣ်ညါဝဲန့ၣ်လီၤ.) ဒီးမူးခိၣ်တဂၤအံၤကိးထီၣ်တလးမူးပိာ် ခွါ,

လံာ်လီၣ်ဖျါ 19:9

တုၤနုၤတစုကလူးန့ၣ်စံးဘၣ်ယၤ, “ကွဲးလီၤတၢ်အဝဲအံၤတက့ၢ်. ပှၤတဖၣ်လၢအဘၣ်တၢ်ကွဲတ့ၢ်လံအီၤဆူသိဖိအတၢ်တ့တၢ်ဖျီ အမူးပူၤန့ၣ်ဘၣ်ဆိၣ်ဂ့ၤဝဲဒၣ်လီၤ.” ဒီးကလူးန့ၣ်တဲအါထီၣ်ဝဲ, “တၢ်သ့ၣ်တဖၣ်အံၤမ့ၢ်ဝဲကစၢ်ယွၤအကလုၢ်ကထါအမ့ၢ်အတီ တဖၣ်လီၤ.”

လံာ်ပှၤစံၣ်ညီၣ်ကွီၢ် 14:11

ဖဲပှၤဖလ့ၡသးဖိတဖၣ်ထံၣ်အီၤန့ၣ် အဝဲသ့ၣ်ဆှၢလီၤပှၤသးစၢ်အဂၤသၢဆံလၢအကအိၣ်ဒီးအီၤန့ၣ်လီၤ.

လံာ်ပှၤစံၣ်ညီၣ်ကွီၢ် 14:9

အဝဲပှၢ်န့ၣ်ဝဲကနဲစီန့ၣ်ဆူအစုပူၤဒီးဖဲအလဲၤတၢ်အခါန့ၣ်အီၣ်ဝဲဒၣ်လီၤ. ဝံၤဒီးလဲၤဆူအပၢ်ဒီးအမိၢ်အိၣ်ဒီးဟ့ၣ်ဒုးအီၣ်ဝဲတနီၤလီၤ. အဝဲသ့ၣ်အီၣ်ဝဲလီၤ. ဘၣ်ဆၣ်ဒီးစီၤၡံၣ်ၡိၣ်တတဲဘၣ်အဝဲသ့ၣ်လၢ အမၤန့ၣ်ကနဲစီၤန့ၣ်လၢခ့ယုၢ်အသံစိၣ်တဒုန့ၣ်အပူၤအဂ့ၢ်န့ၣ်ဘၣ်.