လံာ်ပှၤစံၣ်ညီၣ်ကွီၢ် 13:5 - Sgaw Karen Common Bible

⁵ ဒီးဖဲနဖိခွါအိၣ်ဖျဲၣ်ထီၣ်လံန့ၣ်နတဘၣ်တံာ်တဲာ်အခိၣ်သူနီတစုဘၣ်. အဂ့ၢ်ဒ်အံၤ, စးထီၣ်လၢအအိၣ်ဖျဲၣ်ထီၣ်မုၢ်တနံၤန့ၣ် အဝဲကဘၣ်တၢ်ပာ်စီဆှံအီၤဆူယွၤအအိၣ်ဒ်ပှၤနစၤရံဖိတဂၤအသိးန့ၣ်လီၤ. အဝဲကစးထီၣ်တၢ်ဖံးတၢ်မၤလၢတၢ်အုၣ်က့ၤခီၣ်က့ၤကီၢ်အံၣ်စရ့လးလၢပှၤဖလ့ၡသးဖိ အစုပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 13:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:1

လၢခံတယံာ်ဘၣ်န့ၣ်, စီၤပၤစီၤဒၤဝံးလဲၤဒုးကဒီး ပှၤဖလ့ၡသးဖိတဖၣ်ဒီးမၤနၢၤကွံာ်အဝဲသ့ၣ်, ဒီးမၤကတၢၢ်ကွံာ်အဝဲသ့ၣ်အတၢ်ပၢၤဃးကီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:1

တယံာ်အါအါဘၣ်အလီၢ်ခံန့ၣ်စီၤပၤဒၤဝံးဒုးကဒီးတၢ်ဒီးပှၤ ဖလ့ၡသးဖိတဖၣ်ဒီးမၤနၢၤကွံာ်အဝဲသ့ၣ်န့ၣ်လီၤ. အဝဲဟံးန့ၢ်ကွံာ်ဝ့ၢ်ကၤသးဒီးသဝီအိၣ်ဝးတရံးအီၤတဖၣ်လၢ အဝဲသ့ၣ်အတၢ်ပၢၤဃာ်အပူၤန့ၣ်လီၤ.

လံာ်ဧၤမိၣ် 2:11

ပှၤအံၣ်စရ့လးဖိသ့ၣ်ဧၢ, ယဃုထၢတ့ၢ်လံသုဖိခွါတနီၤလၢဝံ, ဒီးသုပှၤသးစၢ်တနီၤလၢပှၤနစၤရံ ဖိလီၤ. တၢ်အံၤတမ့ၢ်ဘၣ်ဧါ. ယၤ, ယွၤ, စံးတ့ၢ်လံတၢ်လံ.

လံာ်တၢ်ဂံၢ် 6:5

မုၢ်နံၤတဖၣ်ဖဲအဝဲအိၣ်ဒံးလၢပှၤနစၤရံဖိတဂၤအတၢ်ဆိၣ်အပူၤ န့ၣ်အဝဲတဘၣ်တံာ်အခိၣ်သူမ့ၢ်ဂ့ၤ, လူၤအီၤမ့ၢ်ဂ့ၤဘၣ်. အဝဲဘၣ်တၢ်စၢဃာ်အီၤလၢတၢ်ဆိၣ်လီၤသးန့ၣ်လၢအဝဲပာ်စီဆှံ ထီၣ်အသးဆူယွၤလၢာ်ဆၢလၢာ်ကတီၢ်အဃိဒီးကဘၣ်ပျဲအခိၣ်သူဒီး အခၣ်ဆူၣ်ထီထီၣ်ဝဲဒၣ်န့ၣ်လီၤ.

လံာ်လူၤကၣ် 1:15

အဝဲဒၣ်ကမ့ၢ်ပှၤဖးဒိၣ်တဂၤလၢကစၢ်အမဲာ်ညါလီၤ. စပံးထံမ့ၢ်ဂ့ၤ, တၢ်လၢအကဒုးမူၤဒုးဘှီးပှၤမ့ၢ်ဂ့ၤ, အဝဲတဘၣ်အီဝဲနီတမံၤဘၣ်. အဝဲဒၣ်ကလၢပှဲၤဒီးသးစီဆှံဖဲအအိၣ်ဒံးလၢအမိၢ်အဟၢဖၢပူၤလံၤလံၤ,

လံာ်ပှၤစံၣ်ညီၣ်ကွီၢ် 16:17

တုၤဒၣ်လဲာ်လၢခံကတၢၢ်န့ၣ်တဲဘၣ်ပိာ်မုၣ်န့ၣ်လၢတၢ်မ့ၢ်တၢ်တီ, “ယခိၣ်သူန့ၣ်တဘၣ်တၢ်လူၤအီၤနီတစုဘၣ်. ယဘၣ်တၢ်ပာ်စီဆှံထီၣ်ယၤဆူကစၢ်ယွၤအအိၣ် ဒ်ပှၤနစၤရံဖိတဂၤအသိးစးထီၣ်လၢယအိၣ်ဖျဲၣ်ထီၣ်အကတီၢ်န့ၣ်လီၤ. ယခိၣ်သူမ့ၢ်ဘၣ်တၢ်လူၤအီၤဒီး ယဂံၢ်ယဘါကလီၤမၢ်ကွံာ်ဝဲဒီးယဂံၢ်ယဘါကစၢ်လီၤဝဲဒ်ပှၤဂၤအသိး န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 1:11

နီၢ်ဃးနၤမၤတၢ်အၢၣ်လီၤအီၤလီၤတၢ်သညူးသပှၢ်တမံၤန့ၣ်လီၤ. “ယွၤသ့တၢ်လၢာ်ဧၢ, ကွၢ်လီၤယၤနကုၢ်အံၤတက့ၢ်. ထံၣ်ယတၢ်ကိၢ်တၢ်ဂီၤဒီးသ့ၣ်နီၣ်ထီၣ်က့ၤယၤတက့ၢ်. သးပ့ၤနီၣ်ယၤတဂ့ၤ. နမ့ၢ်ဟ့ၣ်ယၤလၢဖိခွါတဂၤဒီးယအၢၣ်လီၤ နၤလၢယကပာ်စီဆှံအီၤဆူနအိၣ်လၢအသးသမူတစိၤဒီးအခိၣ်သူ တဘၣ်တၢ်ကူးတဲာ်အီၤနီတစုဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 7:13

မၤသးဒ်န့ၣ်ဒီး, ပှၤဖလ့ၡသးဖိတဖၣ်ဘၣ်တၢ်မၤနၢၤကွံာ်အီၤဒီး ယွၤတြီဃာ်အဝဲသ့ၣ်လၢတၢ်နုာ်လီၤဒုးကီၢ်အံၣ်စရ့လးအလီၢ် ကဝီၤန့ၣ်တစိၤဒၣ်စီၤၡမူအ့လးအိၣ်မူဝဲအဖၢမုၢ်န့ၣ်လီၤ.