လံာ်ပှၤစံၣ်ညီၣ်ကွီၢ် 13:4 - Sgaw Karen Common Bible

⁴ ပလီၢ်နသးဒ်သိးနသုတအီဘၣ်သံးမ့ၢ်ဂ့ၤစပံးထံမ့ၢ်ဂ့ၤ, အီၣ်ဘၣ်တၢ်အီၣ်လၢတၢ်တြီအီၤမ့ၢ်ဂ့ၤနီတမံၤဘၣ်န့ၣ်တက့ၢ်.

လံာ်ပှၤစံၣ်ညီၣ်ကွီၢ် 13:4 Iomraidhean Croise

လံာ်တၢ်ဘူၣ်ထီၣ်ဘါထီၣ် 11:27

ကယဲၢ်ဆၣ်ဖိကီၢ်ဖိလၢအဟးလၢအစုလၣ်အခီၣ်လၣ်လၢအအိၣ်ဒီးအခီၣ် လွံၢ်ခီန့ၣ်တကဆှီလၢသုဂီၢ်ဘၣ်. ကယဲၢ်ပှၤတဂၤလၢ်လၢ်လၢအထိးဘၣ်အစိၣ်န့ၣ်ကကဲထီၣ်တၢ်တကဆှီတုၤ မုၢ်ဟါလီၤ.

လံာ်တၢ်ဘူၣ်ထီၣ်ဘါထီၣ် 11:47

သုကဘၣ်ပလီၢ်သုသးလၢသုကနီၤဖးပဲာ်ဖးတၢ်ကဆှီဒီးတၢ်တကဆှီဘၣ်, ဆၣ်ဖိကီၢ်ဖိလၢတၢ်အီၣ်အီၤသ့ဒီးတၢ်အီၣ်အီၤတသ့န့ၣ်လီၤ.

လံာ်လူၤကၣ် 1:15

အဝဲဒၣ်ကမ့ၢ်ပှၤဖးဒိၣ်တဂၤလၢကစၢ်အမဲာ်ညါလီၤ. စပံးထံမ့ၢ်ဂ့ၤ, တၢ်လၢအကဒုးမူၤဒုးဘှီးပှၤမ့ၢ်ဂ့ၤ, အဝဲတဘၣ်အီဝဲနီတမံၤဘၣ်. အဝဲဒၣ်ကလၢပှဲၤဒီးသးစီဆှံဖဲအအိၣ်ဒံးလၢအမိၢ်အဟၢဖၢပူၤလံၤလံၤ,

မၤတၢ် 10:14

ဘၣ်ဆၣ်ဒီးစီၤပ့းတရူးစံးဝဲဒၣ်, “ကစၢ်ဧၢ, ယတအီၣ်လ့ၤတက့ၤဘၣ်. တၢ်တမံၤလၢ်လၢ်လၢအဘၣ်တၢ်ပာ်အီၤလၢအတစီတဆှံဒီးတကဆှီ လၢတၢ်ကအီၣ်အီၤအဂီၢ်န့ၣ်, ယတအီၣ်တ့ၢ်ယဲနီတစုဘၣ်.”

လံာ်ပှၤစံၣ်ညီၣ်ကွီၢ် 13:13

ယွၤအကလူးစံးဆၢဝဲဒၣ်, “နမါကဘၣ်မၤလီၤတံၢ်ကယဲၢ်တၢ်ကိးမံၤဒဲးလၢယစံးဘၣ်တ့ၢ်အီၤတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 13:14

အဝဲတဘၣ်အီၣ်တၢ်ဟဲလၢစပံးထူၣ်မ့ၢ်ဂ့ၤ, အဝဲတဘၣ်အီသံးမ့ၢ်ဂ့ၤ, စပံးထံမ့ၢ်ဂ့ၤ, တဘၣ်အီၣ်တၢ်အီၣ်လၢဘၣ်တၢ်တြီအီၤမ့ၢ်ဂ့ၤနီတမံၤဘၣ်. အဝဲကဘၣ်မၤတၢ်ကိးမံၤဒဲးလၢယတဲဘၣ်အီၤတဖၣ်န့ၣ်လီၤ.”

လံာ်ပှၤစံၣ်ညီၣ်ကွီၢ် 13:7

ဘၣ်ဆၣ်ဒီးအဝဲဒၣ်စံးဘၣ်ယၤလၢယကဒၢထီၣ်ဒီးန့ၢ်ဘၣ်ဖိခွါတဂၤလီၤ. စံးဘၣ်ယၤလၢယတဘၣ်အီသံးမ့ၢ်ဂ့ၤ, စပံးထံမ့ၢ်ဂ့ၤ, တၢ်အီၣ်လၢဘၣ်တၢ်တြီအီၤမ့ၢ်ဂ့ၤနီတမံၤဘၣ်. အဂ့ၢ်ဒ်အံၤဖိသၣ်န့ၣ်ကဘၣ်တၢ်ပာ်စီဆှံထီၣ်အီၤဆူယွၤအအိၣ်ဒ် ပှၤနစၤရံဖိတဂၤအသိးတစိၤသးလီၤ.”