လံာ်ပှၤစံၣ်ညီၣ်ကွီၢ် 13:18 - Sgaw Karen Common Bible

¹⁸ ကလူးန့ၣ်သံကွၢ်ဝဲဒၣ်, “ဘၣ်မနုၤလၢနအဲၣ်ဒိးသ့ၣ်ညါယမံၤလဲၣ်. တၢ်န့ၣ်မ့ၢ်မံၤတဖျၢၣ်လၢတၢ်လီၤလးအပူၤလီၤ.”

လံာ်ပှၤစံၣ်ညီၣ်ကွီၢ် 13:18 Iomraidhean Croise

လံာ်တၢ်ကဲထီၣ်အခီၣ်ထံး 32:29

စီၤယၤကိာ်စံးဘၣ်အီၤ, “ခဲကနံၣ်အံၤတဲယၤလၢနမံၤတက့ၢ်.” ဘၣ်ဆၣ်အဝဲသံကွၢ်ဝဲ, “ဘၣ်မနုၤလၢနအဲၣ်ဒိးသ့ၣ်ညါယမံၤန့ၣ် လဲၣ်.” ဒီးအဝဲဆိၣ်ဂ့ၤစီၤယၤကိာ်လီၤ.

လံာ်တၢ်ကဲထီၣ်အခီၣ်ထံး 32:30

စီၤယၤကိာ်စံးဝဲ, “ယထံၣ်ဘၣ်လံကစၢ်ယွၤမဲာ်သကိးမဲာ်, ဒီးယမူဒံးယဲလီၤ.” အန့ၣ်ဒီးကိးန့ၢ်တၢ်လီၢ်န့ၣ်အမံၤလၢ ပနံၤအ့လးလီၤ.

လံာ်စီၤနဃ့မယၤ 9:5

ဒီးပှၤလ့ၤဝံဖိ, စီၤယ့ၤၡူ, စီၤကးမံၤအ့လး, စီၤၡကၤနယၤ, စီၤဘၤနံ, စီၤဃၡၤဘံယၤ, စီၤၡ့ရ့ဘယၤ, စီၤဟိၤဒံယၤ, စီၤၡဘၤနယၤ, စီၤပသၤဃယၤတဖၣ်စံးဝဲဒၣ် “ဂဲၤဆၢထၢၣ်ဒီးစံးထီၣ်ပတြၢၤယွၤသုကစၢ်ယွၤတက့ၢ်. စံးထီၣ်ပတြၢၤအီၤလီၤစိၤလီၤထီတက့ၢ်. မ်ပှၤကိးဂၤဒဲးစံးထီၣ်ပတြၢၤအတၢ်လၤကပီၤအမံၤတက့ၢ်. မ်အဘၣ်တၢ်စံးထီၣ်ပတြၢၤအီၤလၢတၢ်ခဲလၢာ်အဖီခိၣ်တက့ၢ်.”

လံာ်တၢ်ဟးထီၣ်ကွံာ် 23:21

ဒိကနၣ်အီၤဒီးစူၢ်အကလုၢ်တက့ၢ်. ပူထီၣ်တၢ်ထီဒါအီၤတဂ့ၤ. အဂ့ၢ်ဒ်အံၤ, ယဆှၢလီၤအီၤဒီးတၢ်ပူထီၣ်ဒ်န့ၣ်အသိးန့ၣ်တမ့ၢ်အဝဲကဝံသးစူၤဘၣ်လီၤ.

လံာ်ယၡါယၤ 9:5

သုးမုၢ်လၢအဟဲထီၣ်ဒုးတၢ်တဖုအသုးခီၣ်ဖံးတဖၣ် ဒီးအကူအသိးလၢအဘၣ်အၢဒီးတၢ်သွံၣ်တၢ်စီၤခဲလၢာ်, ကဘၣ်တၢ်မၤဟးဂီၤကွံာ်အီၤလၢမ့ၣ်အူန့ၣ်လီၤ.

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်ပှၤစံၣ်ညီၣ်ကွီၢ် 13:6

အန့ၣ်ဝံၤဒီးပိာ်မုၣ်န့ၣ်လဲၤတဲဘၣ်အဝၤ, “ကစၢ်ယွၤအပှၤကညီတဂၤဟဲဆူယအိၣ်ဒီး ဖျါလီၤပျံၤလီၤဖုးဒ်ကစၢ်ယွၤအမူခိၣ်ကလူးတဂၤအသိးလီၤ. ယတသံကွၢ်တ့ၢ်အီၤလၢမ့ၢ်အဟဲဖဲလဲၣ်ဒီးတစံးဘၣ်စ့ၢ်ကီးယၤလၢအမံၤဘၣ်.