လံာ်ပှၤစံၣ်ညီၣ်ကွီၢ် 13:16 - Sgaw Karen Common Bible

¹⁶ ဘၣ်ဆၣ်ဒီးကလူးန့ၣ်စံးဘၣ်အီၤ, “ယမ့ၢ်အိၣ်ဒံးဒီးယတအီၣ်နတၢ်အီၣ်ဘၣ်. ဘၣ်ဆၣ်ဒီးနမ့ၢ်သးအိၣ်ကတဲာ်ကတီၤအီၤဒီး, ဆူးကဲၤထီၣ်အီၤဒ်တၢ်လုၢ်မၤဘူၣ်တမံၤဆူယွၤအအိၣ်တက့ၢ်.”

လံာ်ပှၤစံၣ်ညီၣ်ကွီၢ် 13:16 Iomraidhean Croise

လံာ်တၢ်ကဲထီၣ်အခီၣ်ထံး 18:5

ယကဟဲစိာ်စ့ၢ်ကီးတၢ်အီၣ်တဆံးတက့ၢ်လၢသုကန့ၢ်ဂံၢ်န့ၢ်ဘါအဂီၢ် ဒီးလၢသုကလဲၤကဒီးတၢ်ဆူညါအဂီၢ်န့ၣ်လီၤ. သုဟဲဆူယဟံၣ်အဃိဒီးမ့ၢ်သုမၤလၤကပီၤယၤလီၤ. မၤသးဒ်န့ၣ်ဒီး, ပျဲယတူၢ်လိာ်သုတက့ၢ်.” ဒီးအဝဲသ့ၣ်စံးဆၢဝဲ, “တၢ်ဘျုး, ပတူၢ်လိာ်အီၤလီၤ.”

လံာ်ပှၤစံၣ်ညီၣ်ကွီၢ် 13:21

တုၤနုၤတစု, စီၤမၤနိသ့ၣ်ညါလီၤတံၢ်ဝဲလၢပှၤတဂၤန့ၣ်မ့ၢ်ဝဲ ယွၤအကလူးဒီးအဝဲဒၣ်ဒီးအမါထိၣ်လီၤပှီၤအသး ဒီးပိာ်လီၤအမဲာ်လၢဟီၣ်ခိၣ်လိၤလီၤ. အဝဲသ့ၣ်တထံၣ်လၢၤကလူးန့ၣ် နီတစုလၢၤဘၣ်.

လံာ်ပှၤစံၣ်ညီၣ်ကွီၢ် 13:23

ဘၣ်ဆၣ်ဒီးအမါစံးဆၢအီၤ, “ယွၤမ့ၢ်အဲၣ်ဒိးမၤသံတ့ၢ်ပှၤ ဒီးအဝဲတတူၢ်လိာ်တ့ၢ်ဝဲပတၢ်လုၢ်မၤဘူၣ်ဘၣ်. အဝဲတဒုးနဲၣ်တ့ၢ်ပှၤတၢ်ခဲလၢာ်အံၤမ့ၢ်ဂ့ၤ, စံးဘၣ်ပှၤတၢ်ဂ့ၢ်ဒ်အံၤတဖၣ်လၢအကတီၢ်အံၤန့ၣ်ဘၣ်.”

လံာ်ပှၤစံၣ်ညီၣ်ကွီၢ် 6:20

ဒီးကလူးန့ၣ်စံးဘၣ်အီၤ, “ပာ်ထီၣ်တၢ်ညၣ်ဒီးကိၣ်န့ၣ်လၢလၢၢ်အံၤအဖီခိၣ်ဒီးလူလီၤတၢ်ညၣ်အထံလၢအလိၤတက့ၢ်.” ဒီးစီၤကံးဒဧိၣ်မၤဝဲဒ်န့ၣ်အသိးလီၤ.

လံာ်ပှၤစံၣ်ညီၣ်ကွီၢ် 6:26

ဘှီထီၣ်တၢ်လုၢ်လီၢ်ဂ့ၤဂ့ၤတခါလၢ ယွၤနကစၢ်ယွၤအဂီၢ်လၢတၢ်လီၤပှီၢ်အံၤအဖီခိၣ်တက့ၢ်. အန့ၣ်ဝံၤဒီးဟံးန့ၢ်ကျီၢ်ဖါခံဒုတဒုန့ၣ်ဒီးဆိၣ်ကဲၤထီၣ်အီၤဒီဒု ဒ်တၢ်လုၢ်မၤဘူၣ်တမံၤအသိး, သူကစၢ်မုၣ်အၡ့ရၤအပနီၣ်လၢနကျီတဲာ်ကွံာ်အီၤန့ၣ်ဒ်သ့ၣ်မုၣ်အသိးတက့ၢ်.”