လံာ်ပှၤစံၣ်ညီၣ်ကွီၢ် 12:8 - Sgaw Karen Common Bible

⁸ စီၤယံးဖသၤအလီၢ်ခံန့ၣ်, ပှၤဘ့ၤသလ့ဃ့ၣ်ဖိစီၤအံးဘစၣ်ဆှၢ ပှၤအံၣ်စရ့လးဖိန့ၣ်လီၤ.

လံာ်ပှၤစံၣ်ညီၣ်ကွီၢ် 12:8 Iomraidhean Croise

လံာ်တၢ်ကဲထီၣ်အခီၣ်ထံး 15:19

ဃုာ်ဒီးပှၤက့ၣ်ဖိ, ပှၤကနးဖိ, ပှၤကးမိၣ်ဖိ,

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်မးသဲ 2:1

ယ့ၣ်ၡူးအိၣ်ဖျဲၣ်ထီၣ်လၢဝ့ၢ်ဘ့ၤသလ့ဃ့ၣ် ဘၣ်ဃးဒီးကီၢ်ယူဒၤ, ဖဲစီၤပၤဟ့ၤရိာ်ပၢတၢ်အကတီၢ်န့ၣ်လီၤ. ပှၤကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်ဟဲဆူဝ့ၢ်ယရူၤၡလ့ၣ် ဒီးသံကွၢ်တၢ်ဒီးစံး,

လံာ်စီၤယိၤၡူ 19:15

ဒီးကးတး, နဟးလလး, ၡံးမရိၣ်, ယံးဒၤလၤ, ဒီးဘ့ၤသလ့ဃ့ၣ်လၢအအိၣ်လၢကီၢ်ကၤလံၤလါလီၤ. မ့ၢ်ဝဲဝ့ၢ်တဆံခံဖျၢၣ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်လီၤ.

လံာ်ပှၤစံၣ်ညီၣ်ကွီၢ် 10:1

ဖဲစီၤအဘံၤမ့လ့းသံဝံၤအလီၢ်ခံန့ၣ်, စီၤကိလၤလၢအမ့ၢ်စီၤဒိဒိၤအလံၤခွါ, စီၤပူအၤအဖိခွါအိၣ်ထီၣ်ဝဲလၢကမၤထူၣ်ဖျဲးထီၣ် အံၣ်စရ့လးန့ၣ်လီၤ. အဝဲဟဲလၢပှၤယံးစၣ်ကၢ်အဒူၣ်ဒီးအိၣ်ဆိးဝဲ လၢဝ့ၢ်ၡၤမံၣ်ဖဲအ့ဖရဲၣ်အကစၢၢ်ကလိန့ၣ်လီၤ.

လံာ်ပှၤစံၣ်ညီၣ်ကွီၢ် 12:7

ဒီးစီၤယံးဖသၤဆှၢပှၤအံၣ်စရ့လးဖိဃုနံၣ်လီၤ. တုၤနုၤတစု, အဝဲသံဒီးဘၣ်တၢ်ခူၣ်လီၤအီၤလၢအဝ့ၢ်ဒၣ်ဝဲ အပူၤလၢကီၢ်ကံးလဧးန့ၣ်လီၤ.

လံာ်ပှၤစံၣ်ညီၣ်ကွီၢ် 12:9

အဝဲအိၣ်ဒီးအဖိခွါအဂၤသၢဆံဒီးအဖိမုၣ်အဂၤသၢဆံန့ၣ်လီၤ. အဝဲဖျီအဖိမုၣ်ဒီးပှၤလၢအဒူၣ်အဂၤဒီးဃုန့ၢ်ပှၤပိာ်မုၣ်ဖိ အဂၤသၢဆံလၢဒူၣ်အဂၤဒ်သိးကဖျီဃုာ်ဝဲဒီးအဖိခွါတဖၣ်န့ၣ် လီၤ. စီၤအံးဘစၣ်ဆှၢပှၤအံၣ်စရ့လးဖိနွံနံၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 17:7

ဒီးလၢတကတီၢ်ဃီန့ၣ်ပှၤလ့ၤဝံသးစၢ်အိၣ်ဝဲတဂၤ လၢဝ့ၢ်ဘ့ၤသလ့ဃ့ၣ်ကီၢ်ယူဒၤအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 19:1

တချုးလၢအံၣ်စရ့လးအိၣ်ဒီးအစီၤပၤဒံးဘၣ်အမုၢ်နံၤတဖၣ်န့ၣ် ပှၤလ့ၤဝံဖိတဂၤအိၣ်ဝဲလၢတၢ်လီၢ်ဖးယံၤဖဲအ့ဖရဲၣ်အကစၢၢ် ကလိန့ၣ်လီၤ. အဝဲဟံးန့ၢ်ပိာ်မုၣ်ဖိတဂၤလၢဝ့ၢ်ဘ့ၤသလ့ဃ့ၣ်, ကီၢ်ယူဒၤအပူၤဒ်အသံၣ်မါအသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:1

ယွၤစံးဘၣ်စီၤၡမူၤအ့လး, “မ့ၢ်နကသးအုးလၢစီၤစီလူးအဃိ ဆူညါဆံးယံာ်လဲၣ်. ယညိကွံာ်တ့ၢ်အီၤဒ်ကီၢ်အံၣ်စရ့လး အစီၤပၤတဂၤအသိးလံ. မ့မ့ၢ်ခဲကနံၣ်အံၤဟံးန့ၢ်သ့ၣ်စၤယံးအသိတနီၤဒီးလဲၤဆူ ဝ့ၢ်ဘ့ၤသလ့ဃ့ၣ်ဆူပှၤတဂၤလၢအမံၤမ့ၢ် စီၤယံးၡဲအအိၣ်တက့ၢ်. အဂ့ၢ်ဒ်အံၤ, ယဃုထၢတ့ၢ်အဖိခွါတဖၣ်အကျါတဂၤလၢအကကဲထီၣ်စီၤပၤလီၤ.”