လံာ်ပှၤစံၣ်ညီၣ်ကွီၢ် 12:6 - Sgaw Karen Common Bible

⁶ အဝဲသ့ၣ်စံးဘၣ်အီၤလၢကတဲ, “ၡံးဘိၤလ့း” န့ၣ်လီၤ. ဘၣ်ဆၣ်အဝဲစံး, “စံးဘိၤလ့း” မ့ၢ်လၢအဝဲသ့ၣ်ကိးတၢ် ကတိၤန့ၣ်တကျါဘၣ်. တုၤနုၤတစု, အဝဲသ့ၣ်ဖီၣ်အီၤဒီးမၤသံ ကွံာ်အီၤဖဲတၢ်ခီဂာ်ထံကျိယၢ်ဒ့ၣ်အလီၢ်တတီၤန့ၣ်လီၤ. အကတီၢ်ဖဲန့ၣ်ပှၤအ့ဖရဲၣ်ဖိတဖၣ်ဘၣ်တၢ်မၤသံကွံာ်အီၤအဂၤလွံၢ် ကလးခံကထိန့ၣ်လီၤ.

လံာ်ပှၤစံၣ်ညီၣ်ကွီၢ် 12:6 Iomraidhean Croise

စံးထီၣ်ပတြၢၤ 69:15

မ်ထံသုတလုၣ်ဘၢယၤတဂ့ၤ. မ်ထံယိာ်အသုတယူၢ်လီၤကွံာ်ယၤတဂ့ၤ. မ်တၢ်ပူၤအသုတကျၢၢ်ဘၢအကိာ်ပူၤလၢယၤတဂ့ၤ.

စံးထီၣ်ပတြၢၤ 69:2

ယလီၤဘျၢလၢကပံာ်ယိာ်အကျါ, ဒီးဆၢထၢၣ်အလီၢ်တအိၣ်ဘၣ်. ယဟဲနုာ်တ့ၢ်လၢထံယိာ်အကျါ, ဒီးထံလုၣ်ဘၢယၤလီၤ.

တၢ်ကတိၤဒိ. 17:14

တၢ်စးထီၣ်တၢ်ဂ့ၢ်လိာ်ဘှီလိာ်တမံၤန့ၣ်လီၤဂာ်ဒ်ထံတမၢၣ်တဘိ အတၢ်စးထီၣ်ကၢ်အသိးလီၤ. ဆိကတီၢ်အီၤတချုးလၢအလဲၤ ဆူညါန့ၣ်တက့ၢ်.

တၢ်ကတိၤဒိ. 18:19

မၤစၢၤနဒီပုၢ်ဝဲၢ်ဒီးအဝဲဒၣ်ကကဟုကယာ်နၤဒ်ဝ့ၢ်အခိၣ်ဒူလၢ အအိၣ်ခၢၣ်သနၢၣ်တခါအသိးန့ၣ်လီၤ. ဘၣ်ဆၣ်နမ့ၢ်အ့ၣ်လိာ်ဆိးက့ လိာ်နသးဒီးအီၤဒီး, အဝဲဒၣ်ကကးတံာ်အတြဲၤတဖၣ်လၢနၤလီၤ.

လံာ်ပှၤစံၣ်တဲၤတဲလီၤတၢ် 10:12

တၢ်လၢပှၤကူၣ်တၢ်သ့တဂၤစံးဝဲန့ၣ်ဟဲစိာ်န့ၢ်အီၤတၢ်လၤ ကပီၤလီၤ. မ့မ့ၢ်ပှၤအမၢးတဂၤန့ၣ်, အတၢ်ကတိၤဒၣ်ဝဲတဖၣ်မၤဟးဂီၤအီၤလီၤ.

လံာ်ယၡါယၤ 27:12

တၢ်လၢမုၢ်တနံၤန့ၣ်, ယွၤကပာ်ဖှိၣ်က့ၤအပှၤဂီၢ်မုၢ်တဂၤဘၣ် တဂၤစးထီၣ်လၢထံကျိဖရၤသးတုၤဆူကီၢ်အဲၤကူပတူးအကီၢ်ဆၢ လီၤဂာ်ဒ်ပှၤတဂၤနီၤဖးဝဲဘုကၠူၣ်ဒီးအဖ့အသိး န့ၣ်လီၤ.

လံာ်မးသဲ 12:25

ယ့ၣ်ၡူးသ့ၣ်ညါအဝဲသ့ၣ်အတၢ်ဆိကမိၣ်ဒီးစံးဘၣ်အဝဲသ့ၣ်, “ထံကီၢ်တဘ့ၣ်လၢအမၤလီၤဖးလီၤအသးဒီးအ့ၣ်လိာ်ဆိးက့လိာ်အသးန့ၣ်, အိၣ်ဂၢၢ်ဆိးကျၢၤယံာ်ယံာ်တသ့ဘၣ်. ခူဝ့ၢ်မ့ၢ်ဂ့ၤ, ဒူၣ်ဖိထၢဖိမ့ၢ်ဂ့ၤ, လၢအမၤလီၤဖးလီၤအသးန့ၣ်ကလီၤပှီၢ်ကွံာ်ဝဲလီၤ.

လံာ်မးသဲ 26:73

တစိၢ်ဖိဝံၤအလီၢ်ခံ, ပှၤပိာ်ခွါလၢအအိၣ်ဆၢထၢၣ်ဖဲန့ၣ်တဖၣ် ဟဲဆူစီၤပ့းတရူးအအိၣ်ဒီးစံး, “သပှၢ်တၢၢ်, နမ့ၢ်ပှၤလၢအဝဲသ့ၣ်အကျါတဂၤလီၤ. နကတိၤတၢ်အသီၣ် လီၣ်ဖျါထီၣ်နၤလီၤ.”

လံာ်မၢ်ကူး 14:70

ဘၣ်ဆၣ်ဒီးစီၤပ့းတရူးသမၢကဒီးဝဲလီၤ. လၢခံတစဲးဖိကဒီးန့ၣ် ပှၤအိၣ်ဆၢထၢၣ်ဖဲတၢ်ကပၤတဖၣ်စံးဘၣ် စီၤပ့းတရူး, “နမ့ၢ်ပှၤတဂၤလၢပှၤတဖၣ်န့ၣ်အကျါအနီၢ်ကီၢ်လီၤ. ဘၣ်မနုၤလဲၣ်န့ၣ်, နမ့ၢ်နဲပှၤကီၢ်ကၤလံၤလါဖိလီၤ.”

ကလၤတံ 5:15

ဘၣ်ဆၣ်ဒီး, သုမ့ၢ်မၤသုသးဒ်ဆၣ်ဖိကီၢ်ဖိအမံၤတဖၣ်, ဒီးမၤဘၣ် ဒိဘၣ်ထံး, မၤဆူးမၤဆါလိာ်သုသးန့ၣ်, ပလီၢ်သုသးတက့ၢ်. မ့တမ့ၢ်ဘၣ်ဒီးသုကမၤဟးဂီၤလိာ်သုသးတဂၤဒီးတဂၤလၢာ်လၢာ် ဆ့ဆ့န့ၣ်လီၤ.

လံာ်ပှၤစံၣ်ညီၣ်ကွီၢ် 12:5

ဒ်သိးပှၤအ့ဖရဲၣ်ဖိအသုတဃ့ၢ်ပူၤဖျဲးတဂ့ၤဒီး, ပှၤကံးလဧးဖိတဖၣ်ဟံးန့ၢ်တၢ်လီၢ်တဖၣ်ဖဲတၢ်ခီဂာ်ထံကျိယၢ် ဒ့ၣ်သ့ဝဲန့ၣ်လီၤ. ဖဲပှၤအ့ဖရဲၣ်ဖိတဂၤဂၤလၢအကျဲးစၢးဒ်သိး ကပူၤဖျဲးအဂီၢ်ဃ့တၢ်ပျဲလၢကခီဂာ်တၢ်န့ၣ်ပှၤကံးလဧးဖိတဖၣ်သံကွၢ်ဝဲ, “နမ့ၢ်ပှၤအ့ဖရဲၣ်ဖိဧါ.” ဒီးအဝဲမ့ၢ်စံးဆၢ, “တမ့ၢ်ဘၣ်”, ဒီး

လံာ်ပှၤစံၣ်ညီၣ်ကွီၢ် 12:7

ဒီးစီၤယံးဖသၤဆှၢပှၤအံၣ်စရ့လးဖိဃုနံၣ်လီၤ. တုၤနုၤတစု, အဝဲသံဒီးဘၣ်တၢ်ခူၣ်လီၤအီၤလၢအဝ့ၢ်ဒၣ်ဝဲ အပူၤလၢကီၢ်ကံးလဧးန့ၣ်လီၤ.