လံာ်ပှၤစံၣ်ညီၣ်ကွီၢ် 12:5 - Sgaw Karen Common Bible

⁵ ဒ်သိးပှၤအ့ဖရဲၣ်ဖိအသုတဃ့ၢ်ပူၤဖျဲးတဂ့ၤဒီး, ပှၤကံးလဧးဖိတဖၣ်ဟံးန့ၢ်တၢ်လီၢ်တဖၣ်ဖဲတၢ်ခီဂာ်ထံကျိယၢ် ဒ့ၣ်သ့ဝဲန့ၣ်လီၤ. ဖဲပှၤအ့ဖရဲၣ်ဖိတဂၤဂၤလၢအကျဲးစၢးဒ်သိး ကပူၤဖျဲးအဂီၢ်ဃ့တၢ်ပျဲလၢကခီဂာ်တၢ်န့ၣ်ပှၤကံးလဧးဖိတဖၣ်သံကွၢ်ဝဲ, “နမ့ၢ်ပှၤအ့ဖရဲၣ်ဖိဧါ.” ဒီးအဝဲမ့ၢ်စံးဆၢ, “တမ့ၢ်ဘၣ်”, ဒီး

လံာ်ပှၤစံၣ်ညီၣ်ကွီၢ် 12:5 Iomraidhean Croise

လံာ်စီၤပၤအခီၣ်ထံးတဘ့ၣ် 11:26

ပှၤအဂၤတဂၤလၢအထီဒါကွံာ်စီၤပၤၡလိၤမိၤန့ၣ်, မ့ၢ်အဝဲအပဒိၣ်ပပှၢ်အကျါတဂၤ, လၢအမ့ၢ်စီၤနဘးအဖိခွါစီၤယၤ ရၤဘၣ်, ပှၤအ့ဖရဲၣ်ဖိတဂၤလၢအဘၣ်ဃးဒီးစရ့ဒၤန့ၣ်လီၤ. အဝဲအမိၢ်မ့ၢ်မုၣ်ကမဲတဂၤလၢအမံၤမ့ၢ်နီၢ်စရူၤဧၤန့ၣ်လီၤ.

လံာ်စီၤယိၤၡူ 2:7

စီၤပၤအပှၤတဖၣ်ဟးထီၣ်လၢဝ့ၢ်ပူၤ ဝံၤဒီးဝ့ၢ်တြဲၤဘၣ်တၢ်ကးတံၢ်အီၤန့ၣ်လီၤ. အဝဲသ့ၣ်လဲၤဒီးလူၤဃုပှၤအံၣ်စရ့လးဖိအပှၤကွၢ်ဟုၣ်ကွၢ်စုး တၢ်တုၤတၢ်လီၢ်ဖဲကျဲလၢအလဲၤခီဂာ်ထံကျိယၢ်ဒ့ၣ်န့ၣ်လီၤ.

လံာ်စီၤယိၤၡူ 22:11

ပှၤအံၣ်စရ့လးဖိလၢအအိၣ်လီၤတဲာ်တဖၣ်ဘၣ်တၢ်စံးဘၣ်အီၤ, “ဒိကနၣ်တက့ၢ်. ပှၤရူၤဘ့ၣ်ဖိတဖၣ်, ပှၤကးဖိတဖၣ်, ဒီးပှၤ မုၢ်ထီၣ်မနၤၡ့ၤဖိအဒူၣ်တဖၣ်ဘှီထီၣ်လံတၢ်လုၢ်လီၢ်ဖဲတၢ်လီၢ်လၢ ပအိၣ်တၢ်တကပၤဖဲထံကျိယၢ်ဒ့ၣ်န့ၣ်လီၤ.”

လံာ်ပှၤစံၣ်ညီၣ်ကွီၢ် 12:4

တုၤနုၤတစု, စီၤယံးဖသၤကိးဖှိၣ်ပှၤကံးလဧးဖိခဲလၢာ်ဒီးဒုး ပှၤအ့ဖရဲၣ်ဖိဒီးမၤနၢၤကွံာ်အီၤလီၤ. (ပှၤအ့ဖရဲၣ်ဖိတဖၣ်စံးတ့ၢ်ဝဲ, “သုဝဲပှၤကံးလဧးဖိလၢအ့ဖရဲၣ်ဒီးမနၤၡ့ၤတဖၣ်, သုမ့ၢ်ပှၤဃ့ၢ်ပူၤဖျဲးသုသးလၢကီၢ်အ့ဖရဲၣ်လီၤ.”)

လံာ်ပှၤစံၣ်ညီၣ်ကွီၢ် 12:6

အဝဲသ့ၣ်စံးဘၣ်အီၤလၢကတဲ, “ၡံးဘိၤလ့း” န့ၣ်လီၤ. ဘၣ်ဆၣ်အဝဲစံး, “စံးဘိၤလ့း” မ့ၢ်လၢအဝဲသ့ၣ်ကိးတၢ် ကတိၤန့ၣ်တကျါဘၣ်. တုၤနုၤတစု, အဝဲသ့ၣ်ဖီၣ်အီၤဒီးမၤသံ ကွံာ်အီၤဖဲတၢ်ခီဂာ်ထံကျိယၢ်ဒ့ၣ်အလီၢ်တတီၤန့ၣ်လီၤ. အကတီၢ်ဖဲန့ၣ်ပှၤအ့ဖရဲၣ်ဖိတဖၣ်ဘၣ်တၢ်မၤသံကွံာ်အီၤအဂၤလွံၢ် ကလးခံကထိန့ၣ်လီၤ.

လံာ်ပှၤစံၣ်ညီၣ်ကွီၢ် 17:7

ဒီးလၢတကတီၢ်ဃီန့ၣ်ပှၤလ့ၤဝံသးစၢ်အိၣ်ဝဲတဂၤ လၢဝ့ၢ်ဘ့ၤသလ့ဃ့ၣ်ကီၢ်ယူဒၤအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 3:28

အဝဲစံးဝဲ, “ပိာ်ယခံတက့ၢ်. ယွၤဟ့ၣ်လီၤသုတၢ်မၤနၢၤလၢ သုဒုၣ်သုဒါပှၤမိၤအးဖိတဖၣ်အဖီခိၣ်လံ.” မၤသးဒ်န့ၣ်ဒီးအဝဲသ့ၣ်ပိာ်ထီၣ်စီၤအ့ဟူာ်အခံ ဒီးမၤန့ၢ်တၢ်လီၢ်တတီၤဖဲပှၤမိၤအးဖိတဖၣ်ကခီထံကျိယၢ်ဒ့ၣ်န့ၣ်လီၤ. အဝဲသ့ၣ်တပျဲဘၣ်ပှၤကခီဂာ်တၢ်နီတဂၤဘၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 7:24

ဒီးစီၤကံးဒဧိၣ်ဆှၢလီၤပှၤစိာ်တၢ်ကစီၣ်တဖၣ်သကုၤအ့ဖရဲၣ်အတၢ် လူၢ်ဒီခိၣ်လၢအကစံး, “ဟဲလီၤဒီးဒုးပှၤမံးဒယၣ်ဖိတဖၣ်တက့ၢ်. ဟံးဃာ်ထံကျိယၢ်ဒ့ၣ်ဒီးထံကျိဖိတဖၣ်တုၤဃီၤဆူဝ့ၢ်ဘ့ၤသဘါရၤ လၢတၢ်တြီဃာ်ပှၤမံးဒယၣ်ဖိဒ်သိးအသုတဟဲခီဂာ်အီၤ တဂ့ၤန့ၣ်တက့ၢ်.” အ့ဖရဲၣ်အပှၤပိာ်ခွါတဖၣ်ဘၣ်တၢ်ကိးဖှိၣ်အီၤ တပူၤဃီဒီးအဝဲသ့ၣ်ဟံးဃာ်ထံကျိယၢ်ဒ့ၣ်ဒီးထံကျိဖိတဖၣ် ပၢၢ်လၢဝ့ၢ်ဘ့ၤသဘါရၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:1

ပှၤအိၣ်ဝဲတဂၤအမံၤလၢစီၤအ့လကါနၤလီၤ. အဝဲမ့ၢ်ပှၤအ့ဖရဲၣ်အဒူၣ် ဒီးအိၣ်ဝဲလၢဝ့ၢ်ရၤမါလၢကစၢၢ်ကလိအဝ့ၢ်အ့ဖရဲၣ်န့ၣ်လီၤ. အဝဲမ့ၢ်စီၤအလံဟူၤအလံၤခွါဒီးစီၤယဟိရၣ်အဖိခွါဒီးဘၣ် ဃးလၢစီၤတိဟူၤအဟံၣ်ဖိဃီဖိဒီးမ့ၢ်ပှၤလၢစီၤစူာ်အဒူၣ်ထၢ တဒူၣ်အပူၤလီၤ.