လံာ်ပှၤစံၣ်ညီၣ်ကွီၢ် 12:3 - Sgaw Karen Common Bible

³ ဖဲယထံၣ်လၢသုတအုၣ်က့ၤခီၣ်က့ၤယၤဘၣ်ဒီး, ယပာ်လီၤယသးသမူ, ဒီးခီဂာ်ကီၢ်ဆၢလၢယကဒုးတၢ်ဒီးအဝဲသ့ၣ်လီၤ. ဒီးယွၤဟ့ၣ်ယၤတၢ်မၤနၢၤလၢအဝဲသ့ၣ်အဖီခိၣ်လီၤ. ဘၣ်မနုၤအဃိသုဟဲဒ်သိးသုကဒုးတၢ်ဒီးယၤခဲအံၤန့ၣ်လဲၣ်.”

လံာ်ပှၤစံၣ်ညီၣ်ကွီၢ် 12:3 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 13:12

ကစၢ်ယွၤ, အကစၢ်ဒၣ်ဝဲ, မ့ၢ်ပခိၣ်ပနၢ်ဒီးအဝဲအပှၤလုၢ်တၢ်အခိၣ် တဖၣ်အိၣ်ဖဲအံၤ, ဒီးအကွဲၤတဖၣ်, ကတဲာ်ကတီၤအသးလၢကအူ ထီၣ်ဝဲဒီးကိးဃီၤပှၤဆူတၢ်ဒုးထီဒါသုန့ၣ်လီၤ. အံၣ်စရ့လးအပှၤဂီၢ်မုၢ်သ့ၣ်ဧၢ, ဒုးတၢ်ထီဒါယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤတဂ့ၤ. သုမၤနၢၤတၢ်တသ့ဘၣ်.”

လံာ်စီၤယိၤဘး 13:14

ယအိၣ်ကတဲာ်ကတီၤယသးလၢ တၢ်သံခ့သံပှၤအဂီၢ်လီၤ.

စံးထီၣ်ပတြၢၤ 119:109

ယအိၣ်ကတဲာ်ကတီၤယသးထီဘိလၢ တၢ်သံခ့သံပှၤအဂီၢ်လီၤ. ယတသးပ့ၤနီၣ်ဘၣ်နတၢ်သိၣ်တၢ်သီဘၣ်.

ရိမ့ၤ 16:4

အဝဲသ့ၣ်ကွၢ်ဆၢၣ်မဲာ်ဒၣ်လဲာ်တၢ်သံခ့သံပှၤလၢယဂီၢ်န့ၣ်လီၤ. ယစံးဘျုးဘၣ်အဝဲသ့ၣ်ဒိၣ်မးဒီးတမ့ၢ်ထဲယၤတဂၤဧိၤဘၣ်, မ့မ့ၢ်ပှၤကလုာ်ဂၤအတၢ်အိၣ်ဖှိၣ်ခဲလၢာ်စံးဘျုးဘၣ်အဝဲသ့ၣ် စ့ၢ်ကီးန့ၣ်လီၤ.

လံာ်လီၣ်ဖျါ 12:11

ပဒီပုၢ်ဝဲၢ်တဖၣ်ဒိးန့ၢ်တၢ်မၤနၢၤလၢအဝဲဒၣ်အဖီခိၣ်, ခီဖျိသိဖိအသွံၣ်ဒီးခီဖျိတၢ်မ့ၢ်တၢ်တီလၢအဘိးဘၣ်သ့ၣ်ညါ ဝဲ, ဒီးအဝဲသ့ၣ်အသးအိၣ်ဟ့ၣ်လီၤကွံာ်အသးသမူဒီးတူၢ်သံ အသးဒၣ်လဲာ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:27

ယတမၤကမၣ်သုတၢ်နီတမံၤဘၣ်. မ့ၢ်သုမၤကမၣ်ယၤခီဖျိသု ဒုးတၢ်ဒီးယၤလီၤ. ယွၤမ့ၢ်စံၣ်ညီၣ်ကွီၢ်လီၤ. တနံၤအံၤအဝဲကစံၣ်ညီၣ်တၢ်လၢပှၤအံၣ်စရ့လးဖိဒီးပှၤဧၣ်မိၣ် ဖိတဖၣ်အဘၢၣ်စၢၤန့ၣ်လီၤ.

လံာ်ပှၤစံၣ်ညီၣ်ကွီၢ် 12:2

ဘၣ်ဆၣ်ဒီးစီၤယံးဖသၤစံးဘၣ်အဝဲသ့ၣ်, “ယဲဒၣ်ဒီးယပှၤဂီၢ် မုၢ်အ့ၣ်လိာ်အသးဒီးပှၤဧၤမိၣ်ဖိနးနးကလဲာ်လီၤ. ယကိးတ့ၢ်သု ဘၣ်ဆၣ်ဒီးသုတအုၣ်က့ၤခီၣ်က့ၤယၤ လၢအဝဲသ့ၣ်အစုပူၤဘၣ်.

လံာ်ပှၤစံၣ်ညီၣ်ကွီၢ် 12:4

တုၤနုၤတစု, စီၤယံးဖသၤကိးဖှိၣ်ပှၤကံးလဧးဖိခဲလၢာ်ဒီးဒုး ပှၤအ့ဖရဲၣ်ဖိဒီးမၤနၢၤကွံာ်အီၤလီၤ. (ပှၤအ့ဖရဲၣ်ဖိတဖၣ်စံးတ့ၢ်ဝဲ, “သုဝဲပှၤကံးလဧးဖိလၢအ့ဖရဲၣ်ဒီးမနၤၡ့ၤတဖၣ်, သုမ့ၢ်ပှၤဃ့ၢ်ပူၤဖျဲးသုသးလၢကီၢ်အ့ဖရဲၣ်လီၤ.”)

လံာ်ပှၤစံၣ်ညီၣ်ကွီၢ် 9:17

သ့ၣ်နီၣ်ထီၣ်က့ၤလၢယပၢ်ဒုးတ့ၢ်တၢ်လၢသုဂီၢ်တက့ၢ်. အဝဲဟ့ၣ်လီၤအသးသမူဒ်သိးအကအုၣ်က့ၤခီၣ်က့ၤသုလၢပှၤမံးဒယၣ်ဖိတဖၣ်အစုပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 19:5

အဝဲညိကွံာ်အသးသမူဖဲအမၤသံစီၤကၤလယးဒီးယွၤမၤနၢၤတၢ် ဖးဒိၣ်လၢကီၢ်အံၣ်စရ့လးအဂီၢ်လီၤ. ဖဲနထံၣ်တ့ၢ်တၢ်န့ၣ်ဒီးနသးခုလီၤ. အန့ၣ်ဒီး, ဘၣ်မနုၤအဃိခဲအံၤနအဲၣ်ဒိးမၤကမၣ်ပှၤအတၢ်ကမၣ်တအိၣ် ဘၣ်တဂၤဒီးမၤသံစီၤဒၤဝံးလၢတၢ်ဂ့ၢ်တၢ်ကျိၤတအိၣ်ဘၣ်အပူၤ န့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 28:21

ပိာ်မုၣ်တဂၤန့ၣ်လဲၤဆူအအိၣ်ဒီးထံၣ်လၢအဝဲပျံၤတၢ်နးနးကလဲာ်အဃိစံးဘၣ်အီၤ, “တၢ်ဒိၣ်ဧၢ, ဝံသးစူၤတက့ၢ်. ယဟ့ၣ်လီၤယသးသမူခီဖျိယညိကွံာ်ယသးဒ်နဃ့တၢ်အသိးန့ၣ်လီၤ.