လံာ်ပှၤစံၣ်ညီၣ်ကွီၢ် 11:40 - Sgaw Karen Common Bible

⁴⁰ လၢပိာ်မုၣ်သးစၢ်တဖၣ်ကဟးထီၣ်တနံၣ်လွံၢ်သီ လၢအကသူၣ်အုးသးအုးလၢပှၤကံးလဧးဖိ စီၤယံးဖသၤအဖိမုၣ်အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:40 Iomraidhean Croise

လံာ်စီၤပၤအခီၣ်ထံးတဘ့ၣ် 9:25

စီၤၡလိၤမိၤလုၢ်ထီၣ်ပာ်ထီၣ်တၢ်လုၢ်မ့ၣ်အူတဖၣ်ဒီးတၢ်လုၢ်မၤ ဃူမၤဖိးတဖၣ်လၢတၢ်လုၢ်လီၢ်လၢအဝဲဘှီထီၣ်တ့ၢ်ဝဲလၢယွၤ အဂီၢ်အဖီခိၣ်တနံၣ်သၢဘျီန့ၣ်လီၤ. အဝဲဆူးကဲၤထီၣ်စ့ၢ်ကီးတၢ်လုၢ်နၢမူဆူယွၤအအိၣ်န့ၣ်လီၤ. ဒီးလၢတၢ်န့ၣ်အဃိအဝဲမၤဝံၤတၢ်သူၣ်ထီၣ်ယွၤအတၢ်လုၢ်ဟံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:25

ဝံယံးရမံယၤကွဲးထုးထီၣ်ထါသးသယုၢ်တၢ်တယုၢ်လၢစီၤပၤယိၤ ၡံယၤအဂီၢ်န့ၣ်လီၤ. တၢ်န့ၣ်ကဲထီၣ်တၢ်လုၢ်တၢ်လၢ်တမံၤလၢကီၢ်အံၣ်စရ့လးအပူၤ, လၢပှၤသးဝံၣ်တၢ်ဖိပိာ်ခွါတဖၣ်ဒီးပိာ်မုၣ်တဖၣ်အဂီၢ်လၢကသူ ထါသးဝံၣ်အံၤဖဲအဝဲသ့ၣ်ဟီၣ်တၢ်ယၢၤတၢ်လၢအဝဲအဂီၢ်န့ၣ်လီၤ. တၢ်သးဝံၣ်အံၤဘၣ်တၢ်ထံၣ်န့ၢ်အီၤလၢလံာ်သးသယုၢ်တၢ်တဖၣ်အတၢ်ပာ် ဖှိၣ်အပူၤန့ၣ်လီၤ.

လံာ်နီၢ်အ့ၤစတၢ် 9:27

ပှၤယူဒၤဖိတဖၣ်ဒုးကဲထီၣ်အီၤဒ်တၢ်သိၣ်တၢ်သီတမံၤလၢအဂီၢ်, အစၢၤအသွဲၣ်တဖၣ်အဂီၢ်, ဒီးပှၤတဂၤလၢ်လၢ်လၢအကကဲထီၣ်ပှၤ ယူဒၤဖိအဂီၢ်လၢအကတိၢ်န့ၢ်မုၢ်နံၤခံနံၤန့ၣ်လၢအဆၢကတီၢ် ဒၣ်ဝဲဒ်စီၤမၢ်ဒကဲၤအတၢ်ပိာ်လီၤနဲၣ်လီၤအသိးကိးနံၣ်ဒဲးဘၣ်ဆၢဘၣ် ကတီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:39

ခံလါပူၤကွံာ်ဒီးအဝဲဟဲက့ၤဆူအပၢ်အအိၣ်လီၤ. ဒီးအပၢ်မၤတၢ်ဒ်အအၢၣ်လီၤယွၤအသိးဒီးအဖိမုၣ်သံဝဲဒ်မုၣ်လိၤဘိတဂၤအသိးန့ၣ်လီၤ. အဝဲအံၤမ့ၢ်ပှၤအံၣ်စရ့လးဖိတဖၣ်အလုၢ်အလၢ်အခီၣ်ထံး,

လံာ်ပှၤစံၣ်ညီၣ်ကွီၢ် 12:1

ဒီးပှၤအ့ဖရဲၣ်ဖိတဖၣ်ကတဲာ်ကတီၤအသးလၢတၢ်ဒုးတၢ်ယၤအဂီၢ်ဒီး ခီဂာ်ထံကျိယၢ်ဒ့ၣ်ဆူဝ့ၢ်မၤဖိၣ်ဒီးစံးဘၣ်စီၤယံးဖသၤ, “ဘၣ်မနုၤအဃိနတကိးပှၤလၢပကလဲၤဃုာ်ဒီးနၤဖဲနခီဂာ်ကီၢ်ဆၢ ဒ်သိးနကဒုးတၢ်ဒီးပှၤဧၣ်မိၣ်ဖိတဖၣ်န့ၣ်လဲၣ်. ပကဒွဲၣ်ထီၣ်ကွံာ်နဟံၣ်လၢနဖီခိၣ်လီၤ.”

လံာ်ပှၤစံၣ်ညီၣ်ကွီၢ် 5:11

ဒိကနၣ်တက့ၢ်. ပှၤဂီၢ်မုၢ်လၢအသီၣ်အသဲဝးတရံးထံပူၤတဖၣ်န့ၣ် စံၣ်ဃဲၤတဲဃဲၤယွၤအတၢ်မၤနၢၤတဖၣ်, အံၣ်စရ့လးအပှၤဂီၢ်မုၢ်အတၢ်မၤနၢၤတဖၣ်န့ၣ်လီၤ. အန့ၣ်ဝံၤဒီးယွၤအပှၤဂီၢ်မုၢ်ဟးထီၣ်ဝဲလၢအဝ့ၢ်တဖၣ်ဒီးလဲၤတၢ်လီၤ.