လံာ်ပှၤစံၣ်ညီၣ်ကွီၢ် 11:4 - Sgaw Karen Common Bible

⁴ ဒီးတယံာ်ဘၣ်အလီၢ်ခံန့ၣ်ပှၤဧၣ်မိၣ်ဖိတဖၣ်ဟဲဒ်သိး ကဒုးတၢ်ထီဒါပှၤအံၣ်စရ့လးဖိတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:4 Iomraidhean Croise

လံာ်ပှၤစံၣ်ညီၣ်ကွီၢ် 10:17

တုၤနုၤတစု, ပှၤဧၣ်မိၣ်ဖိအသုးမုၢ်အိၣ်ကတဲာ်ကတီၤအသးလၢတၢ် ဒုးတၢ်ယၤအဂီၢ်ဒီးသူၣ်အဒဲလၢကီၢ်ကံးလဧးအပူၤလီၤ. ဒီးပှၤအံၣ်စရ့လးဖိတဖၣ်သူၣ်အဒဲလၢဝ့ၢ်မံးစပၤလၢကီၢ်ကံးလဧးအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 10:18

ဖဲန့ၣ်ပှၤဂီၢ်မုၢ်ဒီးပှၤအံၣ်စရ့လးအဒူၣ်အခိၣ်အနၢ်တဖၣ်သံကွၢ် လိာ်အသးတဂၤဒီးတဂၤ, “မ့ၢ်မတၤကဆှၢတၢ်ဒုးထီဒါပှၤဧၣ်မိၣ်ဖိတဖၣ်န့ၣ်လဲၣ်. ပှၤတဂၤလၢ်လၢ်လၢအမၤဝဲန့ၣ်ကကဲထီၣ်ခိၣ်နၢ်လၢ ပှၤကိးဂၤဒဲးအဖီခိၣ်လၢကီၢ်ကံးလဧးန့ၣ်လီၤ.”

လံာ်ပှၤစံၣ်ညီၣ်ကွီၢ် 10:9

ပှၤဧၣ်မိၣ်ဖိတဖၣ်ခီဂာ်ဒၣ်လဲာ်ထံကျိယၢ်ဒ့ၣ်ဒ်သိးကဒုးပှၤယူဒၤဖိ, ပှၤဘံၣ်ယၤမံၣ်ဖိဒီးပှၤအ့ဖရဲၣ်ဖိအဒူၣ်တဖၣ်န့ၣ်လီၤ. ဒီးအံၣ်စရ့လးအိၣ်လၢတၢ်ကိၢ်တၢ်ဂီၤဖးဒိၣ်အပူၤလီၤ.

လံာ်ပှၤစံၣ်ညီၣ်ကွီၢ် 11:5

ဖဲတၢ်အံၤမၤအသးဒီး, ပှၤကီၢ်ကံးလဧးဖိအခိၣ်အနၢ်တဖၣ်လဲၤဆူ ကီၢ်တိာ်ဒ်သိးအကကိးန့ၢ်က့ၤစီၤယံးဖသၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:1

လၢခံပူၤကွံာ်တလါဃၣ်ဃၣ်န့ၣ်, ကီၢ်ဧၣ်မိၣ်အစီၤပၤစီၤနၤဃၣ် ဆှၢထီၣ်အသုးမုၢ်ထီဒါဝ့ၢ်ယၤဘ့ၣ်အိၣ်လၢကီၢ်ကံးလဧးအလီၢ် ကဝီၤအပူၤန့ၣ်ဒီးကဝီၤဃးအီၤန့ၣ်လီၤ. ပှၤပိာ်ခွါတဖၣ်လၢအအိၣ်လၢဝ့ၢ်ယၤဘ့ၣ်အပူၤစံးဘၣ်စီၤနၤဃၣ်, “မၤတၢ်အၢၣ်လီၤအီလီၤတမံၤဒီးပှၤတက့ၢ်. ဒီးပကတူၢ်လိာ်နၤဒ်ပှၤတဂၤလၢအပၢဘၣ်ပှၤအသိးန့ၣ်လီၤ.”