လံာ်ပှၤစံၣ်ညီၣ်ကွီၢ် 11:29 - Sgaw Karen Common Bible

²⁹ တုၤနုၤတစု, ယွၤအသးလီၤဘၣ်လၢစီၤယံးဖသၤအလိၤလီၤ. အဝဲလဲၤခီဂာ်ကီၢ်ကံးလဧး, ကီၢ်မနၤၡ့ၤ, ဒီးဟဲက့ၤဆူဝ့ၢ် မံးစပၤလၢကီၢ်ကံးလဧးအပူၤဒီးလဲၤဆူကီၢ်ဧၣ်မိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:29 Iomraidhean Croise

လံာ်တၢ်ကဲထီၣ်အခီၣ်ထံး 31:49

စီၤလၤဘၣ်စံးစ့ၢ်ကီးဝဲ, “မ်ယွၤအမဲာ်ကွၢ်လီၤပှၤဖဲပအိၣ် လီၤဖးလိာ်ပသးတဂၤဒီးတဂၤန့ၣ်တက့ၢ်.” လၢတၢ်န့ၣ်အဃိတၢ်လီၢ်အံၤဘၣ်တၢ်ကိးစ့ၢ်ကီးအီၤလၢမံးစပၤ လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:18

ကစၢ်ယွၤအသးဟဲလီၤဘၣ်လၢပှၤလၢအဝဲသ့ၣ်အကျါတဂၤ, စီၤဧၤမၤစဲအလိၤလီၤ. ပှၤအံၤလၢခံကဲထီၣ်ပှၤသၢဆံအသုး ခိၣ်, ဒီးအဝဲဒၣ်ကိးထီၣ်ဝဲ, “စီၤယံးၡဲအဖိခွါစီၤဒၤဝံးဧၢ, ပမ့ၢ်နပှၤတဖၣ်လီၤ. မ်နၤဒီးပှၤလၢအမၤစၢၤနၤတဖၣ်မၤန့ၢ်မၤနၢၤတၢ်တက့ၢ်. ကစၢ်ယွၤအိၣ်လၢနအိၣ်တခီလီၤ.” စီၤဒၤဝံးတူၢ်လိာ်မုာ်အဝဲသ့ၣ်ဒီးဒုးကဲထီၣ်အဝဲသ့ၣ်လၢသုး ခိၣ်တဖၣ်လၢအသုးမုၢ်အပူၤန့ၣ်လီၤ.

လံာ်တၢ်ဂံၢ် 11:25

တုၤနုၤတစုယွၤဟဲလီၤဝဲလၢတၢ်အၢၣ်အပူၤဒီးကတိၤဃီၤတၢ်ဆူ အအိၣ်လီၤ. ယွၤဟံးန့ၢ်သးလၢအဟ့ၣ်လီၤတ့ၢ်စီၤမိၤၡ့ဒီးဟ့ၣ် လီၤအီၤဆူပှၤခိၣ်ပှၤနၢ်အဂၤနွံဆံအအိၣ်န့ၣ်လီၤ. ဖဲသးန့ၣ်လီၤဘၣ်လၢအဝဲသ့ၣ်အလိၤဒီးအဝဲသ့ၣ်စးထီၣ်ကိးပသူ ထီၣ်ဒ်ဝံတဖၣ်အသိး, ဘၣ်ဆၣ်ဒီးတယံာ်ဘၣ်ဝဲဘၣ်.

လံာ်ပှၤစံၣ်ညီၣ်ကွီၢ် 10:17

တုၤနုၤတစု, ပှၤဧၣ်မိၣ်ဖိအသုးမုၢ်အိၣ်ကတဲာ်ကတီၤအသးလၢတၢ် ဒုးတၢ်ယၤအဂီၢ်ဒီးသူၣ်အဒဲလၢကီၢ်ကံးလဧးအပူၤလီၤ. ဒီးပှၤအံၣ်စရ့လးဖိတဖၣ်သူၣ်အဒဲလၢဝ့ၢ်မံးစပၤလၢကီၢ်ကံးလဧးအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 11:11

မၤသးဒ်န့ၣ်ဒီး, စီၤယံးဖသၤလဲၤတၢ်ဒီးပှၤကံးလဧးဖိအခိၣ်အနၢ် တဖၣ်ဒီးပှၤဂီၢ်မုၢ်ဒုးကဲထီၣ်အီၤလၢပှၤပၢတၢ်ဒီးခိၣ်နၢ်လၢ အဝဲသ့ၣ်အဖီခိၣ်န့ၣ်လီၤ. ဒီးစီၤယံးဖသၤအၢၣ်လီၤအီလီၤတၢ်ဒီးဟံးထီၣ်မူဒါဖဲ ဝ့ၢ်မံးစပၤလၢယွၤအမဲာ်ညါန့ၣ်လီၤ.

လံာ်ပှၤစံၣ်ညီၣ်ကွီၢ် 11:28

ဘၣ်ဆၣ်ဒီးဧၣ်မိၣ်အစီၤပၤတဒိကနၣ်တၢ်ကစီၣ်လၢစီၤယံးဖသၤ အအိၣ်အံၤဘၣ်.

လံာ်ပှၤစံၣ်ညီၣ်ကွီၢ် 11:30

ဒီးစီၤယံးဖသၤအၢၣ်လီၤယွၤ, “နမ့ၢ်ဒုးမၤနၢၤယၤလၢပှၤဧၣ် မိၣ်ဖိတဖၣ်န့ၣ်,

လံာ်ပှၤစံၣ်ညီၣ်ကွီၢ် 13:25

ဒီးယွၤအစိကမီၤစးထီၣ်မၤဆူၣ်ထီၣ်အဂံၢ်အဘါဖဲအဝဲအိၣ်လၢ ဝ့ၢ်စိးရၤဒီးဝ့ၢ်အ့ၤၡတိလးအဘၢၣ်စၢၤဖဲပှၤဒၣ်ဖိအသူၣ်ဒဲအလီၢ်ပူၤအခါန့ၣ်လီၤ.

လံာ်ပှၤစံၣ်ညီၣ်ကွီၢ် 3:10

ယွၤအသးလီၤဘၣ်လၢအဝဲအလိၤဒီးအဝဲကဲထီၣ်ပှၤအံၣ်စရ့လးဖိ အခိၣ်န့ၣ်လီၤ. စီၤဧီၤသန့လးလဲၤဒုးတၢ်ယၤတၢ်ဒီး ယွၤဟ့ၣ်အီၤတၢ်မၤနၢၤလၢကီၢ်မံးစပတၤမံအစီၤပၤအဖီခိၣ်လီၤ.

လံာ်ပှၤစံၣ်ညီၣ်ကွီၢ် 6:34

ယွၤအသးလီၤဘၣ်လၢစီၤကံးဒဧိၣ်အလိၤ, ဒီးအဝဲအူထီၣ်ကွဲၤ ဒ်သိးကကိးဖှိၣ်ပှၤအဘံၤဧ့စ့ၢ်အဒူၣ်ဖိထၢဖိလၢအကပိာ်အခံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:10

ဖဲစီၤစီလူးဒီးအကုၢ်လဲၤတုၤဆူဝ့ၢ်ကံးဘဧၤန့ၣ်, ဝံတဖုဟဲသဂၢၢ်အီၤန့ၣ်လီၤ. သတူၢ်ကလာ်န့ၣ်ကစၢ်ယွၤအသးပၢၤဃာ် အီၤဒီးအဝဲနုာ်လီၤဆူဝံတဖၣ်အတၢ်ဘူၣ်တၢ်ဘါအတၢ်ဂဲၤကလံာ်ဒီး တၢ်ကိးပသူန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:6

ဖဲစီၤစီလူးနၢ်ဟူတၢ်အံၤဒီးကစၢ်ယွၤအသးလီၤဘၣ်လၢအလိၤ ဒီးအဝဲအသးဒိၣ်ထီၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:11

ဒီးယွၤဆှၢလီၤစီၤကံးဒဧိၣ်, ဝံၤဒီးစီၤဘါရးဝံၤဒီးစီၤ ယံးဖသၤဒီးလီၢ်ခံကတၢၢ်မ့ၢ်ယၤန့ၣ်လီၤ. ပဝဲတဂၤစုာ်စုာ်ပအုၣ်က့ၤခီၣ်က့ၤသုလၢသုဒုၣ်သုဒါတဖၣ်အစု ပူၤဒီးသုအိၣ်မူလၢတၢ်ဘံၣ်တၢ်ဘၢတၢ်ပူၤဖျဲးအပူၤလီၤ.