လံာ်ပှၤစံၣ်ညီၣ်ကွီၢ် 11:27 - Sgaw Karen Common Bible

²⁷ ယတမၤကမၣ်သုတၢ်နီတမံၤဘၣ်. မ့ၢ်သုမၤကမၣ်ယၤခီဖျိသု ဒုးတၢ်ဒီးယၤလီၤ. ယွၤမ့ၢ်စံၣ်ညီၣ်ကွီၢ်လီၤ. တနံၤအံၤအဝဲကစံၣ်ညီၣ်တၢ်လၢပှၤအံၣ်စရ့လးဖိဒီးပှၤဧၣ်မိၣ် ဖိတဖၣ်အဘၢၣ်စၢၤန့ၣ်လီၤ.

လံာ်ပှၤစံၣ်ညီၣ်ကွီၢ် 11:27 Iomraidhean Croise

လံာ်တၢ်ကဲထီၣ်အခီၣ်ထံး 16:5

တုၤနုၤတစု, နီၢ်စၤရဲစံးဘၣ်စီၤအၤဘြၣ်, “နီၢ်ဟၤကၢ်ပာ်ယၤဒ်ယတမ့ၢ်တၢ်နီတမံၤအသိးန့ၣ်မ့ၢ်ဒၣ်နတၢ်ကမၣ်လီၤ. ယနီၢ်ကစၢ်ဒၣ်ယဲယဟ့ၣ်လီၤအီၤလၢနၤဒီးစးထီၣ်လၢအသ့ၣ်ညါဝဲ လၢအဒၢထီၣ်န့ၣ်, ပာ်ယၤဒ်ယတမ့ၢ်တၢ်နီတမံၤဘၣ်အသိးန့ၣ်လီၤ. မ်ယွၤစံၣ်ညီၣ်တၢ်လၢနၤဒီးယၤအံၤမ့ၢ်မတၤအတၢ်ဘၣ်လဲၣ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 18:25

နတဘၣ်မၤသံပှၤလၢတၢ်ကမၣ်တအိၣ်ဃုာ်ဒီးပှၤလၢအတၢ်ကမၣ်အိၣ်န့ၣ် သပှၢ်တၢၢ်ဘၣ်. တၢ်န့ၣ်တသ့ဘၣ်. နမၤတၢ်န့ၣ်တသ့ဘၣ်. နမ့ၢ်မၤဒီးပှၤလၢအတၢ်ကမၣ်တအိၣ်န့ၣ်ကဘၣ် တၢ်စံၣ်ညီၣ်အီၤဃုာ်ဒီးပှၤလၢအတၢ်ကမၣ်အိၣ်န့ၣ်လီၤ. တၢ်န့ၣ်တသ့ဘၣ်. ဟီၣ်ခိၣ်ဒီဘ့ၣ်ညါအစံၣ်ညီၣ်ကွီၢ်န့ၣ်ကဘၣ်မၤ တၢ်လၢတၢ်စံၣ်ညီၣ်တီအပူၤလီၤ.”

လံာ်တၢ်ကဲထီၣ်အခီၣ်ထံး 31:53

စီၤအၤဘြၤဟၣ်အကစၢ်ယွၤဒီးစီၤနၤဃိာ်အကစၢ်ယွၤကစံၣ်ညီၣ်တၢ် လၢပဘၢၣ်စၢၤန့ၣ်လီၤ.” တုၤနုၤတစုစီၤယၤကိာ်မၤတၢ်အၢၣ်လီၤသညူးသပှၢ်လၢကပၢၤဃးဝဲ လၢကစၢ်ယွၤလၢအပၢ်စီၤအံၤစဲးဘူၣ်ထီၣ်ဘါထီၣ်ဝဲတဂၤအမံၤ အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:12

နမ့ၢ်ပကစၢ်ယွၤလီၤ. စံၣ်ညီၣ်အဝဲသ့ၣ်တက့ၢ်. အဂ့ၢ်ဒ်အံၤ, လၢသုးမုၢ်ဖးဒိၣ်လၢအဟဲထီၣ်ဒုးပှၤအမဲာ်ညါန့ၣ်, ပမၤစၢၤလီၤက့ၤပသးတဘၣ်ဘၣ်. ပကဘၣ်မၤတၢ်မနုၤလဲၣ်န့ၣ်ပတသ့ၣ် ညါဘၣ်. မ့မ့ၢ်ပကွၢ်ထီၣ်တၢ်ဆူနအိၣ်လၢတၢ်မၤစၢၤအဂီၢ်န့ၣ်လီၤ.”

လံာ်စီၤယိၤဘး 23:7

ယတီယဲလိၤယဲ, ယဂ့ၢ်လိာ်ဘှီလိာ်ဒီးကစၢ်ယွၤသ့ဝဲ, ဒီး အဝဲကတဲဖျါထီၣ်ဝဲလၢယမ့ၢ်ပှၤလၢတၢ်ပာ်တၢ်ကမၣ်အလိၤ အလီၢ်တအိၣ်တစိၤဒၣ်ယၤန့ၣ်လီၤ.

လံာ်စီၤယိၤဘး 9:15

ယမ့ၢ်တီမ့ၢ်လိၤဘၣ်ဆၣ်ဒီးတၢ်လၢယမၤသ့ခဲလၢာ်န့ၣ်မ့ၢ်ဒၣ် ယတၢ်ဃ့တၢ်သူၣ်ကညီၤသးကညီၤလၢကစၢ်ယွၤ, ယပှၤစံၣ်ညီၣ်ကွီၢ်န့ၣ်လီၤ.

စံးထီၣ်ပတြၢၤ 50:6

ဒီးမူခိၣ်ဒုးနဲၣ်အတၢ်တီတၢ်လိၤလီၤ. အဂ့ၢ်ဒ်အံၤ, ကစၢ်ယွၤ, အကစၢ်ဒၣ်ဝဲန့ၣ်မ့ၢ်ပှၤစံၣ်ညီၣ်ကွီၢ်တဂၤလီၤ. စ့လၤ

စံးထီၣ်ပတြၢၤ 7:11

ကစၢ်ယွၤမ့ၢ်ပှၤစံၣ်ညီၣ်တၢ်အတီအလိၤ ဒီးစံၣ်ညီၣ်ဃၣ်ပှၤအၢပှၤသီထီဘိန့ၣ်လီၤ.

စံးထီၣ်ပတြၢၤ 75:7

မ့မ့ၢ်ကစၢ်ယွၤမ့ၢ်ပှၤလၢအစံၣ်ညီၣ်တၢ်, စံၣ်ညီၣ်ပှၤတနီၤဒီးမၤပူၤဖျဲးပှၤအဂၤတနီၤန့ၣ်လီၤ.

စံးထီၣ်ပတြၢၤ 82:8

ကစၢ်ယွၤဧၢ, ဟဲဒီးပၢဟီၣ်ခိၣ်တက့ၢ်. ပှၤကလုာ်ခဲလၢာ်မ့ၢ်နတၢ်လီၤ.

စံးထီၣ်ပတြၢၤ 94:2

နမ့ၢ်ပှၤခဲလၢာ်အပှၤစံၣ်ညီၣ်ကွီၢ်လီၤ. ဂဲၤထၢၣ်ဒီးဟ့ၣ်ပှၤပာ်ထီၣ်ထီအသး လၢတၢ်လၢအကြၢးဒိးန့ၢ်ဘၣ်ဝဲဒၣ်န့ၣ်တက့ၢ်.

စံးထီၣ်ပတြၢၤ 98:9

အဂ့ၢ်ဒ်အံၤ, အဝဲဟဲဒ်သိးကပၢဟီၣ်ခိၣ်န့ၣ်လီၤ. အဝဲကပၢပှၤဂီၢ်မုၢ်လၢဟီၣ်ခိၣ်ချၢလၢ တၢ်စံၣ်ညီၣ်တီဒီး တၢ်တီတၢ်လိၤအပူၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 11:9

ပှၤသးစၢ်သ့ၣ်ဧၢ, မုာ်လၤလၢနတၢ်မ့ၢ်ပှၤသးစၢ်အဃိတက့ၢ်. ဖဲနသးစၢ်ဒံးအခါအံၤန့ၣ်, သူၣ်ဖှံသးညီတက့ၢ်. မၤတၢ်လၢနအဲၣ်ဒိးမၤဒီးလူၤထွဲနသးအတၢ်ဆၢန့ၢ်ဘၣ်တက့ၢ်. ဘၣ်ဆၣ်သ့ၣ်နီၣ်ထီၣ်က့ၤလၢကစၢ်ယွၤကစံၣ်ညီၣ်နၤလၢတၢ်လၢနမၤ အီၤတမံၤဂ့ၤတမံၤဂ့ၤအဃိတက့ၢ်.

လံာ်ပှၤစံၣ်တဲၤတဲလီၤတၢ် 12:14

ကစၢ်ယွၤကစံၣ်ညီၣ်တၢ်ခဲလၢာ်လၢပမၤအီၤ, ဂ့ၤမ့ၢ်ဂ့ၤ, အၢမ့ၢ်ဂ့ၤ, တုၤဒၣ်လဲာ်လၢတၢ်တဖၣ်လၢပမၤအီၤလၢတၢ်ခူသူၣ်အပူၤန့ၣ်လီၤ.

၂ ကရံၣ်သူး 11:11

ယစံးတၢ်အံၤ, မ့ၢ်လၢယတအဲၣ်သုအဃိဧါ. ကစၢ်ယွၤသ့ၣ်ညါဝဲလၢယအဲၣ်သုလီၤ.

၂ ကရံၣ်သူး 5:10

အဂ့ၢ်ဒ်အံၤ, ပဝဲကိးဂၤဒဲးပကဘၣ်အိၣ်ဖျါထီၣ်လၢခရံာ် အမဲာ်ညါ, ဒ်သိးပကဒိးတၢ်စံၣ်ညီၣ်လၢအီၤအဂီၢ်န့ၣ် လီၤ. ပှၤတဂၤဘၣ်တဂၤကဒိးန့ၢ်တၢ်လၢအကြၢးဒီး အီၤ, ဒ်အကြၢးအဘၣ်ဒီးတၢ်လၢအဝဲဒၣ်မၤတ့ၢ်ဝဲ ခဲလၢာ်, ဂ့ၤမ့ၢ်ဂ့ၤ, အၢမ့ၢ်ဂ့ၤ, လၢအဝဲဒၣ်အနီၢ်ခိအတၢ်အိၣ်မူ အပူၤန့ၣ်လီၤ.

၂ တံၤမသ့း 4:8

ဒီးခဲကနံၣ်အံၤ, တၢ်မၤနၢၤအခိၣ်ဖးလၢအမ့ၢ်တၢ်မၤဘၣ်လိာ်က့ၤယၤဒီးကစၢ်ယွၤ န့ၣ် အိၣ်ခိးပာ်စၢၤယၤလံ. မ့ၢ်ခိၣ်ဖးလၢကစၢ်, ပှၤစံၣ်ညီၣ်တီတၢ်တဂၤကဟ့ၣ်လီၤယၤလၢမုၢ်နံၤအဝဲန့ၣ်, ဒီးထဲယၤတဂၤဧိၤတမ့ၢ်ဘၣ်, မ့ၢ်ကယဲၢ်ပှၤခဲလၢာ်လၢအအိၣ်ခိးကွၢ်လၢ် အဝဲကအိၣ်ဖျါထီၣ်အဂီၢ်စ့ၢ်ကီးန့ၣ်လီၤ.

ဧ့ၤဘြံၤ 12:23

ဆူပှၤဂီၢ်မုၢ်လၢအပှဲၤဒီးတၢ်သးခုဒီးတၢ်အိၣ်ဖှိၣ်ဘၣ်ဃးဒီး ဝဲၢ်ကိလၢအမံၤအိၣ်ကွဲးအသးလၢမူခိၣ်တဖၣ်အအိၣ်, ဒီးဆူကစၢ်ယွၤလၢအစံၣ်ညီၣ်ပှၤခဲလၢာ်အအိၣ်, ဒီးဆူပှၤအတီအလိၤအသးလၢအဘၣ်တၢ်မၤလၢထီၣ်ပှဲၤထီၣ်အီၤ တဖၣ်အအိၣ်,

လံာ်ပှၤစံၣ်ညီၣ်ကွီၢ် 11:28

ဘၣ်ဆၣ်ဒီးဧၣ်မိၣ်အစီၤပၤတဒိကနၣ်တၢ်ကစီၣ်လၢစီၤယံးဖသၤ အအိၣ်အံၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:10

ယွၤအဒုၣ်အဒါတဖၣ်န့ၣ်ကဘၣ်တၢ်မၤ ဟးဂီၤကွံာ်အီၤလီၤ. အဝဲကမၤသီၣ်, လီသီၣ်လီသဲထီဒါအဝဲသ့ၣ်လၢမူခိၣ်လီၤ. ယွၤကစံၣ်ညီၣ်ဟီၣ်ခိၣ်ဒီဘ့ၣ်ညါလီၤ. အဝဲကဟ့ၣ်လီၤတၢ်စိတၢ်ကမီၤလၢအစီၤပၤတဖၣ်လီၤ. အဝဲကမၢအစီၤပၤလၢအဃုထၢဝဲန့ၣ်မၤန့ၢ်မၤနၢၤတၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:12

မ်ယွၤစံၣ်ညီၣ်တဲာ်တၢ်လၢနၤဒီးယၤအံၤမ့ၢ်မတၤတဂၤကမၣ်လဲၣ် န့ၣ်တက့ၢ်. မ်အဝဲသိၣ်ဃီၣ်နၤလၢနတၢ်မၤထီဒါယၤအဃိတက့ၢ်. အဂ့ၢ်ဒ်အံၤ, တမ့ၢ်ယကမၤဆါနၤဆံးကိာ်ဖိဒၣ်လဲာ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 24:13

နသ့ၣ်ညါတၢ်ကတိၤဒိလၢပျၢၤ, တၢ်အၢတၢ်သီန့ၣ် ဘၣ်တၢ်မၤဒၣ်အီၤလၢပှၤအၢပှၤသီလီၤ. လၢတၢ်န့ၣ်အဃိဒီးယတမၤဆါနၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 24:15

ယွၤကစံၣ်ညီၣ်တၢ်လီၤ. ဒီးအဝဲကနီၤဖးတၢ်လၢနၤဒီးယၤအံၤ မ့ၢ်မတၤကမၣ်လဲၣ်န့ၣ်လီၤ. မ်အကွၢ်နုာ်ဃီၤဆူတၢ်ဂ့ၢ်ပူၤ, ဒီဒၣ်အိၣ်ပှိၤယၤဒီးအုၣ်က့ၤခီၣ်က့ၤယၤလၢနစုပူၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 24:16

ဖဲစီၤဒၤဝံးမၤဝံၤအတၢ်ကတိၤန့ၣ်စီၤစီလူးစံးဝဲ, “တၢ်န့ၣ်မ့ၢ်နၤသပှၢ်တၢၢ်ဧါ. အိ, စီၤဒၤဝံး, ယဖိခွါဧၢ,” ဒီးအဝဲစးထီၣ်ဟီၣ်ဝဲလီၤ.