လံာ်ပှၤစံၣ်ညီၣ်ကွီၢ် 11:26 - Sgaw Karen Common Bible

²⁶ ဒီးလၢအနံၣ်သၢကယၤအတီၢ်ပူၤန့ၣ်ပှၤအံၣ်စရ့လးဖိဟံးန့ၢ်ပၢ ဘၣ်ဝ့ၢ်ဃ့ၡဘိၣ်ဒီးဝ့ၢ်ဧရိၤဧ့ၢ်ဒီးဝ့ၢ်ဖိလၢအအိၣ်လၢအခိၣ်အဃၢၤတဖၣ်, ဒီးကယဲၢ်ဝ့ၢ်လၢအအိၣ်လၢထံကျိအၢ်နိၣ်အကၢၢ်ခိၣ်တဖၣ်န့ၣ်လီၤ. ဘၣ်မနုၤသုတဟံးန့ၢ်က့ၤအီၤလၢအခါဖဲန့ၣ်လဲၣ်.

လံာ်ပှၤစံၣ်ညီၣ်ကွီၢ် 11:26 Iomraidhean Croise

လံာ်ယံးရမံယၤ 48:19

သုဝဲလၢ အအိၣ်ဝဲဆိးဝဲလၢ ဝ့ၢ်ဧရိၤဧ့ၢ်သ့ၣ်ဧၢ, ဆၢထၢၣ်လၢကျဲကပၤဒီးအိၣ်ခိးတၢ်တက့ၢ်. သံကွၢ်ပှၤတဖၣ်လၢအဃ့ၢ်ကွံာ် ဒီးသုကသ့ၣ် ညါတၢ်လၢ အမၤတ့ၢ်အသးန့ၣ်တက့ၢ်.

မၤတၢ် 13:19

အဝဲဒၣ်ဒုးဟးဂီၤကွံာ်ပှၤနွံကလုာ်လၢကီၢ်ကနၤဧၣ်အပူၤ, ဒီးဒုးကဲထီၣ်ကီၢ်တဘ့ၣ်အံၤလၢအပှၤဂီၢ်မုၢ်အတၢ်န့ၣ်လီၤ.

လံာ်သိၣ်လီၤသီလီၤတၢ် 2:24

ဖဲပခီဂာ်ကီၢ်မိၤအးဝံၤန့ၣ်, ယွၤစံးဘၣ်ပှၤ, ခဲအံၤစးထီၣ်လဲၤတၢ်ဒီး ခီဂာ်ထံကျိာ်အၢ်နိၣ်တက့ၢ်, ယဟ့ၣ်လီၤပှၤအမိၢ်ဖိလၢ ဝ့ၢ်ဃ့ၡဘိၣ်အစီၤပၤစံဃိၣ်ဃုာ်ဒီး အထံအကီၢ်ဆူသုတၢ်စိတၢ်ကမီၤအပူၤလံ. ဒုးတၢ်ထီဒါအီၤဒီး စးထီၣ်ဟံးန့ၢ်ကွံာ်အထံအကီၢ်တက့ၢ်.

လံာ်သိၣ်လီၤသီလီၤတၢ် 2:36

ယွၤပကစၢ်ယွၤပျဲပမၤန့ၢ်ကွံာ်ဝ့ၢ်ခဲလၢာ်စးထီၣ်လၢ ဧရိၤဧ့ၢ်လၢ အအိၣ်လၢအၤနိၣ်အတၢ်တြီၤအကၢၢ်ခိၣ်, ဒီးဝ့ၢ်အိၣ် လၢတၢ်တြီၤန့ၣ်အခၢၣ်သး, ဒီတကျဲညါတုၤလၢ ဝ့ၢ်ကံးလဧးန့ၣ်လီၤ. ဝ့ၢ်လၢအခိၣ်ဒူ ကကျၢၤကဲာ်ဆိးလၢပဂီၢ် တအိၣ်ဘၣ်လီၤ.

လံာ်သိၣ်လီၤသီလီၤတၢ် 3:2

ဘၣ်ဆၣ်ဒီးယွၤစံးဘၣ်ယၤ, ပျံၤအီၤတဂ့ၤ. ယကဟ့ၣ်လီၤအီၤ, အပှၤတဖၣ်, ဒီးကယဲၢ်အလီၢ်ကဝီၤခဲလၢာ်ဆူနအိၣ်န့ၣ်လီၤ. မၤအီၤတမံၤဃီဒ်နမၤဘၣ်တ့ၢ်ပှၤဧၣ်မိၣ်ဖိတဖၣ်အစီၤပၤလၢအပၢ တၢ်လၢဝ့ၢ်ဃ့ၡဘိၣ်, စီၤစံဃိၣ်, အသိးန့ၣ်တက့ၢ်.

လံာ်သိၣ်လီၤသီလီၤတၢ် 3:6

ပမၤဟးဂီၤကွံာ်ဝ့ၢ်ခဲလၢာ်ဒီးမၤသံကွံာ်ကယဲၢ်ပှၤပိာ်ခွါ, ပှၤပိာ်မုၣ်ဒီးဖိသၣ်တဖၣ်, ဒ်သိးဒၣ်ပမၤတ့ၢ်အီၤလၢဝ့ၢ်တဖၣ် အပူၤလၢအဘၣ်ဃးဒီးဝ့ၢ်ဃ့ၡဘိၣ်အစီၤပၤစီၤစံဃိၣ်အသိးန့ၣ်လီၤ.

လံာ်စီၤယိၤၡူ 11:18

စီၤယိၤၡူဒုးတၢ်ဒီးစီၤပၤတဖၣ်အံၤဖးယံာ်ညါန့ၣ်လီၤ.

လံာ်စီၤယိၤၡူ 12:2

တဂၤမ့ၢ်ဝဲစီၤစံဃိၣ်, ပှၤအမိၢ်ဖိအစီၤပၤလၢအပၢတၢ်ဖဲဝ့ၢ်ဃ့ၡဘိၣ်လီၤ. အဘီမုၢ်ပၣ်ဃုာ်ဒီးကီၢ်ကံးလဧးတဝာ်, စးထီၣ်လၢဝ့ၢ်ဧရိၤဧ့ၢ် (လၢအအိၣ်လၢထံကျိအၢ်နိၣ်အတၢ်ပၢၤခိၣ်အထိးနါ) ဒီးလၢဝ့ၢ်လၢအအိၣ်လၢတၢ်ပၢၤခိၣ်န့ၣ်အခၢၣ်သး, ပၢၢ်တုၤလၢထံကျိယးဘိးလၢအအိၣ်လၢဧၣ်မိၣ်အကီၢ်ဆၢ,

လံာ်စီၤယိၤၡူ 12:5

အဝဲအဘီမုၢ်ပၣ်ဃုာ်ဒီးကစၢၢ်ဃ့ရမိၣ်, ဝ့ၢ်စၤလကး, ဒီးကီၢ်ဘၤၡၣ်ခဲလၢာ်ပၢၢ်တုၤလၢကၡူၢ်ဒီးမၤကးအကီၢ်ဆၢတဖၣ်, ပၣ်ဃုာ်ဒီးကီၢ်ကံးလဧးတဝာ်ပၢၢ်တုၤလၢဝ့ၢ်ဃ့ၡဘိၣ် အစီၤပၤစံဃိၣ်အကီၢ်န့ၣ်လီၤ.

လံာ်စီၤယိၤၡူ 13:10

ဒီးလဲၤတုၤဝဲလၢပှၤဧၣ်မိၣ်ဖိအကီၢ်ဆၢ, ပၣ်ဃုာ်ဒီးဝ့ၢ်တဖၣ်လၢအဘၣ်တၢ်ပၢအီၤလၢပှၤအမိၢ်ဖိအစီၤပၤစံဃိၣ်လၢအပၢတၢ်ဖဲ ဝ့ၢ်ဃ့ၡဘိၣ်န့ၣ်လီၤ.

လံာ်စီၤယိၤၡူ 13:16

အဝဲသ့ၣ်အထံအကီၢ်လဲၤတုၤလၢဧရိၤဧ့ၢ် (လၢအၢ်နိၣ်အတၢ်ပၢၤခိၣ် အထိးနါ) ဒီးဝ့ၢ်လၢအအိၣ်လၢတၢ်ပၢၤခိၣ်အဝဲန့ၣ်အခၢၣ်သးဒီး ပၣ်ဃုာ်ဒီးတၢ်ပၢၤခိၣ်ထီၣ်ထီဝးတရံးမ့ဒဘၤလီၤ.

လံာ်စီၤယိၤၡူ 13:17

ပၣ်ဃုာ်ဒီးဝ့ၢ်ဃ့ၡဘိၣ်ဒီးတၢ်ပၢၤခိၣ်ထီၣ်ထီလၢအမ့ၢ်ဝဲဒံၤဘိၣ်, ဘၤမိးဘဧၤလး, ဘ့ၤသဘဧၤလးမဧိၣ်,

လံာ်စီၤယိၤၡူ 23:1

ဖဲယွၤဟ့ၣ်ဒုးအိၣ်ဘှံးအံၣ်စရ့လးလၢအဒုၣ်အဒါလၢအအိၣ်ဝးတရံးအီၤခဲလၢာ်ဝံၤအလီၢ်ခံဖးယံာ်ဒီးဖဲ စီၤယိၤၡူအသးအနံၣ်အလါပှၢ်ထီၣ်လံန့ၣ်,

လံာ်ပှၤစံၣ်ညီၣ်ကွီၢ် 10:8

လၢတဆံဃိးနံၣ်အတီၢ်ပူၤန့ၣ်အဝဲသ့ၣ်ဆီၣ်ဘံၣ်ဆီၣ်ဘၢ ဒီးမၤနးမၤဖှီၣ်ကယဲၢ်ပှၤအံၣ်စရ့လးဖိတဖၣ်လၢအအိၣ်လၢ ပှၤအမိၢ်ဖိတဖၣ်အကီၢ်ပူၤဖဲထံကျိယၢ်ဒ့ၣ်အမုၢ်ထီၣ်လၢအဘၣ်ဃးဒီးကီၢ်ကံးလဧး အပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 3:11

ဒီးတၢ်မုာ်တၢ်ခုၣ်အိၣ်လၢကီၢ်ပူၤအနံၣ်လွံၢ်ဆံဝံၤအလီၢ်ခံ ဒီးစီၤဧီၤသန့လးသံဝဲဒၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:30

ဒီးလၢနံၤအဝဲန့ၣ်ပှၤအံၣ်စရ့လးဖိမၤနၢၤကွံာ်ပှၤမိၤအးဖိ ဒီးဖဲန့ၣ်တၢ်မုာ်တၢ်ခုၣ်အိၣ်လၢကီၢ်အပူၤအနံၣ်ဃိးဆံန့ၣ်လီၤ.

လံာ်ပှၤစံၣ်ညီၣ်ကွီၢ် 5:31

မ်နဒုၣ်နဒါခဲလၢာ်သံဝဲဒ်န့ၣ်အသိး, ယွၤဧၢ, ဘၣ်ဆၣ်ဒီးမ်နတံၤသကိးတဖၣ်ကပီၤထီၣ်ဒ်မုၢ်ဟဲထီၣ်အသိးတက့ၢ်. ဒီးတၢ်မုာ်တၢ်ခုၣ်အိၣ်ထီၣ်လၢကီၢ်ပူၤအနံၣ်လွံၢ်ဆံန့ၣ်လီၤ.

လံာ်ပှၤစံၣ်ညီၣ်ကွီၢ် 8:28

မၤသးဒ်န့ၣ်ဒီး, ပှၤမံးဒယၣ်ဖိတဖၣ်ဘၣ်တၢ်မၤနၢၤကွံာ်အီၤလၢပှၤအံၣ်စရ့လးဖိ ဒီးတကဲလၢၤဘၣ်တၢ်မၤပျံၤမၤဖုးအလီၢ်လၢၤဘၣ်. ဒီးကီၢ်န့ၢ်အိၣ်မုာ်အိၣ်ခုၣ်ဝဲအနံၣ်လွံၢ်ဆံ, တုၤလၢစီၤကံးဒဧိၣ်သံဝဲတစုန့ၣ်လီၤ.

လံာ်ပှၤစံၣ်ညီၣ်ကွီၢ် 9:22

ဒီးစီၤအဘံၤမ့လ့းပၢအံၣ်စရ့လးသၢနံၣ်န့ၣ်လီၤ. တုၤနုၤတစုကစၢ်ယွၤဒုးအိၣ်ထီၣ်တၢ်ထီဒုၣ်ထီဒါလိာ်သးလၢ စီၤအဘံၤမ့လ့းဒီးပှၤၡက့ၣ်ဖိတဖၣ်အဘၢၣ်စၢၤ ဒီးအဝဲသ့ၣ်ပူထီၣ်ထီဒါစီၤအဘံၤမ့လ့းန့ၣ်လီၤ.