လံာ်ပှၤစံၣ်ညီၣ်ကွီၢ် 11:2 - Sgaw Karen Common Bible

² ဒီးဖဲအဝဲသ့ၣ်ဒိၣ်ထီၣ်ဒီးအဝဲသ့ၣ်မၤဆူၣ်မၤနၢၤစီၤယံးဖသး လၢကဟးထီၣ်ကွံာ်လၢအဟံၣ်လီၤ. အဝဲသ့ၣ်စံးဘၣ်အီၤ, “နတန့ၢ်သါဘၣ်တၢ်နီတမံၤလၢပပၢ်အအိၣ်ဘၣ်. နမ့ၢ်ပိာ်မုၣ်အဂၤတဂၤအဖိခွါန့ၣ်လီၤ.”

လံာ်ပှၤစံၣ်ညီၣ်ကွီၢ် 11:2 Iomraidhean Croise

လံာ်တၢ်ကဲထီၣ်အခီၣ်ထံး 12:10

ဘၣ်ဆၣ်ဒီး, တၢ်သၣ်ဝံၤလီၤဒိအိၣ်ထီၣ်ဝဲဒၣ်လၢကီၢ်ကနၤဧၣ်အပူၤ ဒီးတၢ်န့ၣ်အၢနးမးတုၤဒၣ်လဲာ်စီၤအၤဘြၣ်လဲၤယံၤထီၣ်ဆူ ကလံၤထံးဆူကီၢ်အဲၤကူပတူးလၢကအိၣ်ဝဲဖဲန့ၣ်တစိၢ်တလီၢ်အဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 21:10

နီၢ်စၤရါထံၣ်အဝဲသ့ၣ်ဒီးစံးဘၣ်စီၤအၤဘြၤဟၣ်, “ဆှၢဖျိး ကွံာ်ပိာ်မုၣ်ဒီးအဖိခွါန့ၣ်တက့ၢ်. ကုၢ်ပိာ်မုၣ်အံၤအဖိခွါတကြၢးဒိးန့ၢ်ဘၣ်ကယဲၢ်နတၢ်ထူးတၢ်တီၤ တမံၤမံၤလၢယဖိခွါစီၤအံၤစဲးကန့ၢ်ဘၣ်သါန့ၣ်ဘၣ်.”

တၢ်ကတိၤဒိ. 2:16

နမၤပူၤဖျဲးနသးထီဒါပိာ်မုၣ်ဟးဂီၤလၢအကျဲးစၢးကလံာ်န့ၢ်နၤ ခီဖျိအတၢ်ကတိၤလၢအဘျ့ဝဲ,

တၢ်ကတိၤဒိ. 5:20

ယဖိခွါဧၢ, ဘၣ်မနုၤအဃိနကဟ့ၣ်နတၢ်အဲၣ်လၢပိာ်မုၣ်အဂၤတဂၤန့ၣ် လဲၣ်. ဘၣ်မနုၤအဃိနဘၣ်တၢ်ထိၣ်ဂဲၤမၤမူၤနသးလၢပှၤအဂၤတဂၤအမါ အတၢ်လီၤအဲၣ်လီၤကွံန့ၣ်လဲၣ်.

တၢ်ကတိၤဒိ. 5:3

အဂ့ၢ်ဒ်အံၤ, ပှၤအဂၤတဂၤအမါအနိးဖံးတဖၣ်န့ၣ်ကဆၢဝဲဒ်ကနဲစီ အသိးဒီးအတၢ်ကတိၤတဖၣ်န့ၣ်ကဘျ့ဝဲဒ်သ့ၣ်စၤယံးအသိအသိးလီၤ.

ကလၤတံ 4:30

ဘၣ်ဆၣ်ဒီးတၢ်ကွဲးအသးစံးဒ်လဲၣ်. စံးဝဲ, “ဟီထီၣ်ကွံာ်ကုၢ်ပိာ်မုၣ်ဒီးအဖိခွါတက့ၢ်. အဂ့ၢ်ဒ်အံၤ, ကုၢ်ပိာ်မုၣ်အဖိခွါတဒိးန့ၢ်ဃုာ်ပၢ်အတၢ်စုလီၢ်ခီၣ်ခိၣ်ဒီး သဘျ့မုၣ်အဖိခွါန့ၣ်ဘၣ်.”

လံာ်သိၣ်လီၤသီလီၤတၢ် 23:2

ပှၤတဂၤလၢ်လၢ်မ့ၢ်အိၣ်ဖျဲၣ်ထီၣ်လၢမိၢ်ပၢ်လၢတဒိးတ့ဒိးဖျီ အသးတဖၣ်မ့ၢ်ဂ့ၤ, ဒီးပှၤဟဲလီၤစၢၤလီၤသွဲၣ်လၢပှၤဒ်န့ၣ်အသိးမ့ၢ်ဂ့ၤတုၤလီၤ လၢပှၤအစိၤတဆံဒၣ်လဲာ်န့ၣ်, တနုာ်လီၤဘၣ်ဆူယွၤအပှၤဂီၢ်မုၢ်အကျါနီတဂၤဘၣ်.

လံာ်ပှၤစံၣ်ညီၣ်ကွီၢ် 11:1

ဒီးစီၤယံးဖသးမ့ၢ်ပှၤသုးဖိအဒူအဃိၤတဂၤလၢဝ့ၢ်ကံးလဧး ဒီးမ့ၢ်ပိာ်မုၣ်ဟးဂီၤတဂၤအဖိခွါန့ၣ်လီၤ. ဒီးအပၢ်စီၤကံးလဧးအိၣ်ဒီးအဖိခွါအဂၤတဖၣ်လၢအမါဒၣ်ဝဲလီၤ.

လံာ်ပှၤစံၣ်ညီၣ်ကွီၢ် 11:3

ဒီးစီၤယံးဖသးဟးထီၣ်ကွံာ်လၢအဒီပုၢ်ဝဲၢ်တဖၣ်အအိၣ်ဒီးလဲၤ အိၣ်ဝဲလၢကီၢ်တိာ်အပူၤလီၤ. ဖဲန့ၣ်ပှၤကလီကလီဖိတဖၣ်ဟဲအိၣ်ဖှိၣ် ရိဖှိၣ်လၢအအိၣ်ဒီးအဝဲသ့ၣ်လဲၤသကိးတၢ်ဒီးအီၤန့ၣ်လီၤ.