လံာ်ပှၤစံၣ်ညီၣ်ကွီၢ် 11:17 - Sgaw Karen Common Bible

¹⁷ တုၤနုၤတစု, အဝဲသ့ၣ်ဆှၢလီၤကလူးတဖၣ်ဆူကီၢ်အဒိၣ်အစီၤပၤ အအိၣ်ဒ်သိးကဃ့တၢ်ပျဲလၢကလဲၤခီဂာ်ဘၣ် အထံအကီၢ်န့ၣ်လီၤ. ဘၣ်ဆၣ်ဒီးကီၢ်အဒိၣ်အစီၤပၤတပျဲအဝဲသ့ၣ်ဘၣ်. အဝဲသ့ၣ်ဃ့စ့ၢ်ကီးတၢ်ပျဲလၢကီၢ်မိၤအးအစီၤပၤန့ၣ်လီၤ. အဝဲစ့ၢ်ကီးတဟ့ၣ်တၢ်ပျဲလၢအဝဲသ့ၣ်ကလဲၤခီဂာ်အထံအကီၢ်ဘၣ်. မၤသးဒ်န့ၣ်ဒီးပှၤအံၣ်စရ့လးဖိတဖၣ်အိၣ်ကတီၢ်ဖဲကၤဒ့ၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:17 Iomraidhean Croise

လံာ်တၢ်ဂံၢ် 20:1

လၢလါအခီၣ်ထံးတလါအပူၤန့ၣ်ကီၢ်အံၣ်စရ့လးအပှၤဂီၢ်မုၢ်ဒီ ကရူၢ်ညါဟဲတုၤဝဲဆူပှၢ်မုၢ်ကနၢစံၣ်ဒီးသူၣ်လီၤအဒဲဖဲ ကၤဒ့ၣ်န့ၣ်လီၤ. ဖဲန့ၣ်နီၢ်မံးရယၣ်သံဝဲဒီးဘၣ်တၢ်ခူၣ်လီၤကွံာ်အီၤန့ၣ်လီၤ.

လံာ်သိၣ်လီၤသီလီၤတၢ် 1:46

လၢတၢ်န့ၣ်အဃိ, ပအိၣ်ဆိးလၢဝ့ၢ်ကၤဒ့ၣ်အပူၤအါနံၤအါသီန့ၣ် လီၤ.

လံာ်သိၣ်လီၤသီလီၤတၢ် 2:29

တုၤလၢပခီဂာ်ကွံာ်ထံကျိယၢ်ဒ့ၣ်ဒီး လဲၤနုာ်ဆူ ကီၢ်တဘ့ၣ်လၢယွၤပကစၢ်ယွၤဟ့ၣ်ပှၤအပူၤန့ၣ်လီၤ. စီၤဧ့ၡီၤ အစၢၤအသွဲၣ်တဖၣ်လၢ အအိၣ်ဝဲဆိးဝဲလၢ ကီၢ်အဒိၣ်အပူၤဒီး ပှၤမိၤအးဖိတဖၣ်လၢ အအိၣ်ဝဲဆိးဝဲလၢ ဝ့ၢ်ဧၢ်, ပျဲပခီဂာ်အလီၢ်ကဝီၤလီၤ.

လံာ်စီၤယိၤၡူ 24:9

ဝံၤဒီး, မိၤအးအစီၤပၤ, စီၤဘၤလးလၢအမ့ၢ်စီၤစံးပိၢ်အ ဖိခွါဒုးတၢ်ဒီးသုန့ၣ်လီၤ. အဝဲမၢလီၤပှၤလဲၤကိးန့ၢ်စီၤ ဘဧိၢ်အဖိခွါစီၤဘံးလၣ်လၢကဆိၣ်အၢသုအဂီၢ်န့ၣ်လီၤ.