လံာ်ပှၤစံၣ်ညီၣ်ကွီၢ် 11:16 - Sgaw Karen Common Bible

¹⁶ တၢ်မၤအသးန့ၣ်မ့ၢ်ဒ်အံၤလီၤ. ဖဲပှၤအံၣ်စရ့လးဖိတဖၣ်ဟးထီၣ် လၢကီၢ်အဲၤကူပတူးန့ၣ်အဝဲသ့ၣ်လဲၤခီဂာ်မဲးမုၢ်ခိၣ်ဆူအၤကဘၣ် ပီၣ်လဲၣ်က့ၣ်ကျီၤတုၤလၢကၤဒ့ၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:16 Iomraidhean Croise

လံာ်တၢ်ကဲထီၣ်အခီၣ်ထံး 14:7

ဒီးဟဲက့ၤကဒါက့ၤဝဲ, ဒီးဟဲက့ၤဆူဝ့ၢ်ကၤဒ့ၢ် (လၢအကတီၢ်ဖဲ န့ၣ်ဘၣ်တၢ်သ့ၣ်ညါအီၤဒ်ဝ့ၢ်ဧ့ၣ်မံးၡပး) န့ၣ်လီၤ. အဝဲသ့ၣ်မၤနၢၤပှၤဧမၤလ့းဖိအကီၢ်ဒီဘ့ၣ်ညါဒီးပှၤ အမိၢ်ဖိလၢအအိၣ်အဆိးလၢဝ့ၢ်ဃၤစစိၣ်တါမၢ်အပူၤန့ၣ်လီၤ.

လံာ်တၢ်ဂံၢ် 13:26

ဆူစီၤမိၤၡ့, စီၤအၤဟရိၣ်, ဒီးကီၢ်အံၣ်စရ့လးအပှၤဒီတဖု လၢအအိၣ်သကိးတပူၤဃီအအိၣ်, ဖဲကၤဒ့ၣ်လၢပၤရၣ်အပှၢ်မုၢ်ကနၢ အပူၤန့ၣ်လီၤ. အဝဲသ့ၣ်တဲဖျါထီၣ်တၢ်လၢအဝဲသ့ၣ်ထံၣ်တ့ၢ်ဝဲဒီးဒုးနဲၣ် အဝဲသ့ၣ်တၤသူတၤသၣ်လၢအဝဲသ့ၣ်ဟဲက့ၤစိာ်ဝဲန့ၣ်လီၤ.

လံာ်တၢ်ဂံၢ် 14:25

လၢခဲအံၤအတၢ်လူၢ်တၢ်တြီၤအပူၤ, ပှၤဧမၤလ့းဖိတဖၣ်ဒီးပှၤ ကနၤဧၣ်ဖိတဖၣ်အိၣ်ဆိးဝဲန့ၣ်လီၤ. ခဲမုၢ်ဆ့ၣ်တနံၤန့ၣ်ဃၣ်ကဒါက့ၤဒီးလဲၤနုာ်ဆူပှၢ်မုၢ်ကနၢလၢ ကျဲလဲၤဆူအၤကဘၢ်အပီၣ်လဲၣ်က့ၣ်ကွီၤန့ၣ်တက့ၢ်.”

လံာ်တၢ်ဂံၢ် 20:1

လၢလါအခီၣ်ထံးတလါအပူၤန့ၣ်ကီၢ်အံၣ်စရ့လးအပှၤဂီၢ်မုၢ်ဒီ ကရူၢ်ညါဟဲတုၤဝဲဆူပှၢ်မုၢ်ကနၢစံၣ်ဒီးသူၣ်လီၤအဒဲဖဲ ကၤဒ့ၣ်န့ၣ်လီၤ. ဖဲန့ၣ်နီၢ်မံးရယၣ်သံဝဲဒီးဘၣ်တၢ်ခူၣ်လီၤကွံာ်အီၤန့ၣ်လီၤ.

လံာ်တၢ်ဂံၢ် 20:4

ဘၣ်မနုၤသုဟဲကိးပှၤဆူပှၢ်မုၢ်ကနၢအပူၤအံၤလဲၣ်. မ့ၢ်ဒၣ်ဒ်သိးပကသံဃုာ်ဒီးပဆၣ်ဖိကီၢ်ဖိတဖၣ်ဖဲအံၤဧိၤန့ၣ်ဧါ.

လံာ်သိၣ်လီၤသီလီၤတၢ် 1:40

မ့မ့ၢ်သုဝဲပှၤဂီၢ်မုၢ်အံၤ, ဃၣ်ကဒါက့ၤသုသးဒီးက့ၤကဒါ က့ၤဆူပှၢ်မုၢ်ကနၢအပူၤလၢကျဲလဲၤဆူပီၣ်လဲၣ်က့ၣ်ကွီၤအကၣ်ဘၣ် န့ၣ်တက့ၢ်.

လံာ်သိၣ်လီၤသီလီၤတၢ် 1:46

လၢတၢ်န့ၣ်အဃိ, ပအိၣ်ဆိးလၢဝ့ၢ်ကၤဒ့ၣ်အပူၤအါနံၤအါသီန့ၣ် လီၤ.

လံာ်စီၤယိၤၡူ 5:6

အဂ့ၢ်မ့ၢ်လၢ, အံၣ်စရ့လးဖိတဖၣ်လဲၤတၢ်အနံၣ်လွံၢ်ဆံ လၢပှၢ်မုၢ်ကနၢအပူၤ တုၤလၢပှၤသုးဖိလၢအဟးထီၣ်လၢကီၢ်အဲၤကူပတူးသံကွံာ်ဝဲခဲလၢာ်မ့ၢ်လၢအဝဲသ့ၣ်တစူၢ်ဘၣ်ကစၢ်အကလုၢ်အဃိန့ၣ်လီၤ. ယွၤဆိၣ်လီၤအသးလၢအတပျဲအဝဲသ့ၣ်ကထံၣ်ဘၣ်ကီၢ်တဘ့ၣ်လၢအယွၤဝဲ ဒီးတၢ်နုၢ်ထံဒီးကနဲစီလၢယွၤဆိၣ်လီၤတ့ၢ်အသး လၢအကဟ့ၣ်အဝဲသ့ၣ်အမိၢ်ပၢ်ဖံဖုလၢပျၢၤန့ၣ်ဘၣ်.

လံာ်ပှၤစံၣ်ညီၣ်ကွီၢ် 11:15

တမ့ၢ်ပှၤအံၣ်စရ့လးဖိဂုာ်န့ၢ်မိၤအး, မ့တမ့ၢ်ဧၣ်မိၣ်အကီၢ် န့ၣ်ဘၣ်.