လံာ်ပှၤစံၣ်ညီၣ်ကွီၢ် 11:10 - Sgaw Karen Common Bible

¹⁰ ဒီးအဝဲသ့ၣ်စံးဆၢဝဲဒၣ်, “ပအၢၣ်လီၤအီလီၤပသးဒီးနၤလီၤ. ယွၤမ့ၢ်ပှၤအုၣ်အသးလၢပဘၢၣ်စၢၤလီၤ.”

လံာ်ပှၤစံၣ်ညီၣ်ကွီၢ် 11:10 Iomraidhean Croise

လံာ်တၢ်ကဲထီၣ်အခီၣ်ထံး 16:5

တုၤနုၤတစု, နီၢ်စၤရဲစံးဘၣ်စီၤအၤဘြၣ်, “နီၢ်ဟၤကၢ်ပာ်ယၤဒ်ယတမ့ၢ်တၢ်နီတမံၤအသိးန့ၣ်မ့ၢ်ဒၣ်နတၢ်ကမၣ်လီၤ. ယနီၢ်ကစၢ်ဒၣ်ယဲယဟ့ၣ်လီၤအီၤလၢနၤဒီးစးထီၣ်လၢအသ့ၣ်ညါဝဲ လၢအဒၢထီၣ်န့ၣ်, ပာ်ယၤဒ်ယတမ့ၢ်တၢ်နီတမံၤဘၣ်အသိးန့ၣ်လီၤ. မ်ယွၤစံၣ်ညီၣ်တၢ်လၢနၤဒီးယၤအံၤမ့ၢ်မတၤအတၢ်ဘၣ်လဲၣ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 21:23

လၢတၢ်န့ၣ်အဃိဆိၣ်လီၤနသးဖဲအံၤလၢကစၢ်ယွၤအမဲာ်ညါလၢနသု တလီန့ၢ်ယၤ, ယဖိတဖၣ်ဒီးယစၢၤယသွဲၣ်တဖၣ်န့ၣ်တဂ့ၤ. ယတီတ့ၢ်ဒီးနၤအဃိ အၢၣ်လီၤယၤလၢနကတီစ့ၢ်ကီးဒီးယၤဒီးထံကီၢ်အံၤလၢနအိၣ် နဆိးလၢအပူၤန့ၣ်တက့ၢ်.”

လံာ်တၢ်ကဲထီၣ်အခီၣ်ထံး 31:50

ဒီးစီၤလၤစံးဘၣ်ကဒီးဝဲ, “နမ့ၢ်မၤအၢမၤသီယဖိမုၣ်တဖၣ် မ့ၢ်ဂ့ၤ, နမ့ၢ်ဟံးန့ၢ်ပှၤပိာ်မုၣ်အဂၤတဖၣ်မ့ၢ်ဂ့ၤ, ယမ့ၢ်တသ့ၣ်ညါနာ်သက့ သ့ၣ်နီၣ်ထီၣ်လၢကစၢ်ယွၤကွၢ်လီၤပှၤန့ၣ်တက့ၢ်.

လံာ်တၢ်ကဲထီၣ်အခီၣ်ထံး 31:53

စီၤအၤဘြၤဟၣ်အကစၢ်ယွၤဒီးစီၤနၤဃိာ်အကစၢ်ယွၤကစံၣ်ညီၣ်တၢ် လၢပဘၢၣ်စၢၤန့ၣ်လီၤ.” တုၤနုၤတစုစီၤယၤကိာ်မၤတၢ်အၢၣ်လီၤသညူးသပှၢ်လၢကပၢၤဃးဝဲ လၢကစၢ်ယွၤလၢအပၢ်စီၤအံၤစဲးဘူၣ်ထီၣ်ဘါထီၣ်ဝဲတဂၤအမံၤ အပူၤန့ၣ်လီၤ.

လံာ်တၢ်ဟးထီၣ်ကွံာ် 20:7

သူယမံၤလၢတၢ်တိာ်အအၢအသီတဖၣ်အဂီၢ်တဂ့ၤ. အဂ့ၢ်ဒ်အံၤယၤ, ယွၤ, သုကစၢ်ယွၤ, ကစံၣ်ညီၣ်ပှၤတဂၤလၢ်လၢ်လၢအသူကမၣ်ယမံၤန့ၣ်လီၤ.

လံာ်ယံးရမံယၤ 29:23

တၢ်အံၤကမ့ၢ်အဝဲသ့ၣ်အဘူၣ်အတီၢ်မ့ၢ်လၢ အဝဲသ့ၣ်အတၢ် ကမၣ် အိၣ်လၢ အမၤတၢ်ဒဲးဘးလၢ အလီၤပျံၤလီၤဖုးတဖၣ် အဃိန့ၣ်လီၤ. အဝဲသ့ၣ်မၤကမၣ်မုၣ်ကမၣ်ခွါဒီး တဲတၢ်လီတၢ်ဝ့ၤတဖၣ် လၢယွၤအမံၤအပူၤန့ၣ်လီၤ. တၢ်အံၤမ့ၢ်တၢ်ထီဒါယွၤအတၢ် ဘၣ်အသးန့ၣ်လီၤ. ယွၤသ့ၣ်ညါတၢ်လၢဝဲသ့ၣ်မၤတ့ၢ်ဝဲ, ဒီးအဝဲမ့ၢ်ပှၤအုၣ်အသးထီဒါအဝဲသ့ၣ်န့ၣ်လီၤ.”

လံာ်ယံးရမံယၤ 42:5

အန့ၣ်ဒီး, “အဝဲသ့ၣ်စံးဘၣ်ယၤ, ပမ့ၢ်တစူၢ်အဝဲအတၢ်မၤလိာ်ခဲလၢာ်လၢယွၤပကစၢ်ယွၤဟ့ၣ်လီၤနၤလၢ ပဂီၢ်ဘၣ်ဒီး, မ်ယွၤမ့ၢ်ပှၤအုၣ်အသးအတီဒီးအကလုၢ်တီတဂၤထီဒါပှၤန့ၣ် တက့ၢ်.

လံာ်မံကၤ 1:2

ပှၤကလုာ်ခဲလၢာ်သ့ၣ်ဧၢ, နၢ်ဟူတၢ်အံၤတက့ၢ်. ပှၤလၢအမူဝဲလၢဟီၣ်ခိၣ်အဖီခိၣ်ခဲလၢာ်သ့ၣ်ဧၢ, ဒိကနၣ်တက့ၢ်. ယွၤလၢအစိကမီၤဒိၣ်ကအုၣ်အသးထီဒါသုလီၤ. ဒိကနၣ်တက့ၢ်. ယွၤကတိၤတၢ်လၢမူခိၣ်အတၢ်လုၢ်လီၢ်လီၤ.

လံာ်စကၤရယၤ 5:4

သ့တၢ်လၢာ်ယွၤစံးဝဲလၢအဝဲကဆှၢလီၤတၢ်ဆိၣ် အၢအံၤဒီးတၢ်ဆိၣ်အၢအံၤကလီၤဘၣ်ကယဲၢ်တၢ်ဘျၣ်ကိး ဂၤဒဲးအဟံၣ်ဒီးကယဲၢ်ပှၤလၢအကတိၤကဘျံးကဘျၣ် တၢ်လၢတၢ်ဆိၣ်လီၤသးအပူၤအဟံၣ်န့ၣ်လီၤ. တၢ်ဆိၣ်အၢန့ၣ်, ကအိၣ်ဆိးလၢအဝဲသ့ၣ်အဟံၣ်တဖၣ်အပူၤဒီးပာ်လီၤတဲာ်အဝဲ သ့ၣ်လၢတၢ်ဟးဂီၤအပူၤန့ၣ်လီၤ.”

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

ရိမ့ၤ 1:9

အဂ့ၢ်ဒ်အံၤ, ကစၢ်ယွၤလၢယမၤအတၢ်လၢယသးဒီဖျၢၣ်ညါ ခီဖျိတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီးအဖိခွါန့ၣ်, မ့ၢ်ပှၤအုၣ်အသးလၢတၢ်လၢယစံးတဖၣ်မ့ၢ်ဝဲတီဝဲန့ၣ်လီၤ. ကစၢ်ယွၤသ့ၣ်ညါလၢယသ့ၣ်နီၣ်ထီၣ်သုထီဘိလၢယတၢ် ထုကဖၣ်အပူၤန့ၣ်လီၤ.

၂ ကရံၣ်သူး 11:31

ကစၢ်ယ့ၣ်ၡူးအယွၤဒီးအပၢ်လၢအဘၣ်တၢ်စံးပတြၢၤအီၤ လီၤထူလီၤယိာ်တဂၤသ့ၣ်ညါလၢယတလီတၢ်ဘၣ်လီၤ.

လံာ်သိၣ်လီၤသီလီၤတၢ် 1:16

အကတီၢ်ဖဲန့ၣ်, ယသိၣ်လိနဲၣ်ယုၤအဝဲသ့ၣ်, လၢကဒိကနၣ်တၢ်ဂ့ၢ်လိာ် ဘှီလိာ်တဖၣ်လၢအဟဲထီၣ်လၢအပှၤဂီၢ်မုၢ်အကျါန့ၣ်လီၤ. ယမၢအစံၣ်ညီၣ်တီတၢ်ဂ့ၢ်လိာ်ဘှီလိာ်တီတီလိၤလိၤလၢအဘၣ်ဃး ဒီးအပှၤဂီၢ်မုၢ်ဒၣ်ဝဲမ့ၢ်ဂ့ၤ, ဘၣ်ဃးဃုာ်ဒီးပှၤတခီဘီမုၢ်ဖိတဖၣ်လၢအအိၣ်ဆိးလၢအကျါမ့ၢ် ဂ့ၤန့ၣ်လီၤ.

လံာ်ပှၤစံၣ်ညီၣ်ကွီၢ် 11:9

ဒီးစီၤယံးဖသၤစံးဘၣ်အဝဲသ့ၣ်, “သုမ့ၢ်က့ၤကိးယၤဆူဟံၣ် ဒ်သိးယကဒုးပှၤဧၣ်မိၣ်ဖိတဖၣ်, ဒီးယွၤမ့ၢ်ဟ့ၣ်ယၤတၢ်မၤနၢၤန့ၣ်ယကကဲပှၤပၢသုန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 12:5

စီၤၡမူၤအ့လးစံးဆၢဝဲ, “ယွၤဒီးစီၤပၤလၢအဝဲဃုထၢ ထီၣ်ဝဲန့ၣ်မ့ၢ်ပှၤအုၣ်အသးတနံၤအံၤလၢသုထံၣ်ယၤလၢယမ့ၢ်ပှၤအိၣ်မူ တီတီလိၤလိၤလၢလၢပှဲၤပှဲၤန့ၣ်လီၤ.” ဒီးပဝဲသ့ၣ်စံးဆၢဝဲဒၣ်, “မ့ၢ်လီၤ. ယွၤမ့ၢ်ပှၤအုၣ်အသးလၢ ပဂီၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 24:12

မ်ယွၤစံၣ်ညီၣ်တဲာ်တၢ်လၢနၤဒီးယၤအံၤမ့ၢ်မတၤတဂၤကမၣ်လဲၣ် န့ၣ်တက့ၢ်. မ်အဝဲသိၣ်ဃီၣ်နၤလၢနတၢ်မၤထီဒါယၤအဃိတက့ၢ်. အဂ့ၢ်ဒ်အံၤ, တမ့ၢ်ယကမၤဆါနၤဆံးကိာ်ဖိဒၣ်လဲာ်ဘၣ်.