လံာ်ပှၤစံၣ်ညီၣ်ကွီၢ် 10:6 - Sgaw Karen Common Bible

⁶ မၤကဒီးတစု, ပှၤအံၣ်စရ့လးဖိတဖၣ်မၤတၢ်ဒဲးဘးထီဒါယွၤ ခီဖျိတၢ်ဘူၣ်ထီၣ်ဘါထီၣ်ဘဧၤလးတဖၣ်ဒီးဧၤၡကြိးတဖၣ်ဃုာ်ဒီး ကစၢ်တဖၣ်လၢကီၢ်စူၤရံ, ကီၢ်စံဒိၣ်, ကီၢ်မိၤအး, ကီၢ်ဧၣ်မိၣ်ဒီးကီၢ်ဖလ့ၡသးန့ၣ်လီၤ. အဝဲသ့ၣ်ညိကွံာ်ယွၤဒီးဆိကတီၢ်တၢ်ဘူၣ်ထီၣ်ဘါထီၣ်အီၤန့ၣ်လီၤ.

လံာ်ပှၤစံၣ်ညီၣ်ကွီၢ် 10:6 Iomraidhean Croise

လံာ်စီၤပၤအခီၣ်ထံးတဘ့ၣ် 11:33

ယကမၤတၢ်အံၤမ့ၢ်လၢစီၤၡလိၤမိၤညိကွံာ်လံယၤဒီးဘူၣ်ထီၣ်ဘါ ထီၣ်ပှၤတခီဘီမုၢ်ဖိအကစၢ်တဖၣ်လၢအမ့ၢ်ဝဲ, ကီၢ်စံဒိၣ်အကစၢ်မုၣ်ဧၤၡတြိး, ကီၢ်မိၤအးအကစၢ်ကမိၣ်, ဒီးကီၢ်ဧၣ်မိၣ်အကစၢ်မိလးအဃိန့ၣ်လီၤ. စီၤၡလိၤမိၤတစူၢ်တ့ၢ်ယၤလၢၤဘၣ်. အဝဲမၤကမၣ်တ့ၢ်တၢ်ဒီးတတိၢ် န့ၢ်ဖံးဃာ်ယတၢ်သိၣ်တၢ်သီတဖၣ်ဒီးယတၢ်မၤလိာ်တဖၣ်ဒ်အပၢ်စီၤဒၤ ဝံးမၤတ့ၢ်ဝဲအသိးန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 11:5

အဝဲဘူၣ်ထီၣ်ဘါထီၣ်တ့ၢ်ကီၢ်စံဒိၣ်အကစၢ်မုၣ်ဧၤၡတြိးဒီးကီၢ် ဧၣ်မိၣ်အကစၢ်လၢလီၤသးဘၣ်အၢမိလးန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:7

လၢဝ့ၢ်ယရူၤၡလ့ၣ်မုၢ်ထီၣ်အကစၢၢ်ဒီခိၣ်န့ၣ်အဝဲမၤထီၣ်တၢ်လီၢ် တတီၤလၢကဘူၣ်ထီၣ်ဘါထီၣ်ကီၢ်မိၤအးအကစၢ်တဖၣ်လၢအလီၤသးဘၣ် အၢ, ကမိၣ်အဂီၢ်, ဒီးတၢ်လီၢ်တတီၤလၢကဘူၣ်ထီၣ်ဘါထီၣ်ကီၢ်ဧၣ်မိၣ်အကစၢ်လၢတၢ်လီၤ သးဘၣ်အၢမိလးအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 16:31

တၢ်မၤတၢ်ဒဲးဘးဒ်စီၤယၤရၤဘၣ်အသိးန့ၣ်, လၢအဂီၢ်တလၢမၤဘၣ် အီၤအဃိအဝဲမၤအါထီၣ်ဝဲဒီးဟံးန့ၢ်အမါလၢကီၢ်စံဒိၣ်အစီၤ ပၤအ့သဘၤလးအဖိမုၣ်နီၢ်အံၤစ့ဘ့ၤလးဒီးဘူၣ်ထီၣ်ဘါထီၣ် ဘဧၤလးန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:16

အဝဲသ့ၣ်ဘိးဃၣ်ကွံာ်ကယဲၢ်ယွၤ, အဝဲသ့ၣ်အကစၢ်ယွၤအတၢ်ဘူၣ်တၢ်ဘါ အတၢ်သိၣ်တၢ်သီခဲလၢာ်ဒီးသိန့ၢ်ဂီၤဖံးဖါခံဒုအဂီၤလၢ တိၢ်, စ့ဒီးထး, လၢကဘူၣ်ထီၣ်ဘါထီၣ်ဝဲအဂီၢ်န့ၣ်လီၤ. အဝဲသ့ၣ်မၤစ့ၢ်ကီးတၢ်ဂီၤတၢ်ဖီၣ်တခါလၢအမ့ၢ် ကစၢ်မုၣ်အၡ့ရၤအဂီၤ, ဘူၣ်ထီၣ်ဘါထီၣ်ဆၣ်ဧိၤဖီဧိၤတဖၣ်, ဒီးမၤကစၢ်ဘဧၤလးအတၢ်မၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:13

စီၤယိၤၡံယၤမၤဘၣ်အၢဘၣ်သီကွံာ်တၢ်လုၢ်လီၢ်တဖၣ်လၢစီၤပၤ စီၤၡလိၤမိၤဘှီထီၣ်တ့ၢ်ဝဲလၢအအိၣ်လၢဝ့ၢ်ယရူၤၡလ့ၣ်အမုၢ်ထီၣ်, ဒီးကစၢၢ်သ့ၣ်စၤယံးအကလံၤထံးလၢတၢ်ကဘူၣ်ထီၣ်ဘါထီၣ်တၢ်ဂီၤ တၢ်ဖီၣ်လီၤသးဘၣ်အၢတဖၣ်လၢအမ့ၢ်ပှၤစံဒိၣ်ဖိအကစၢ်မုၣ်ဧၤၡ တြိး, ပှၤမိၤအးဖိအကစၢ်ကမိၣ်, ဒီးပှၤဧၣ်မိၣ်ဖိအကစၢ်မိလးအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:23

အဝဲလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဆူပှၤစူၤရံဖိတဖၣ်လၢ အမၤနၢၤတ့ၢ်အီၤအကစၢ်တဖၣ်လၢအမၤနၢၤတ့ၢ်အီၤအအိၣ်န့ၣ်လီၤ. အဝဲစံးဝဲ, “ပှၤစူၤရံဖိအကစၢ်တဖၣ်မၤစၢၤတ့ၢ်ကီၢ်စူၤရံ အစီၤပၤတဖၣ်, အဃိယမ့ၢ်လုၢ်ထီၣ်ပာ်ထီၣ်တၢ်ဆူ အဝဲသ့ၣ်အအိၣ်န့ၣ်, ဘၣ်သ့ၣ်သ့ၣ်, အဝဲသ့ၣ်ကမၤစၢၤယၤစ့ၢ်ကီး လီၤ.” တၢ်အံၤဟဲစိာ်တၢ်တတၢးတနါတဖၣ်လၢအဝဲအဖီခိၣ်ဒီးအပှၤကလုာ် အဖီခိၣ်န့ၣ်လီၤ.

စံးထီၣ်ပတြၢၤ 106:36

ကစၢ်ယွၤအပှၤဂီၢ်မုၢ်ဘါထီၣ်တၢ်ဂီၤတၢ်ဖီၣ်တဖၣ် ဒီးတၢ်အံၤဒုးအိၣ်ထီၣ်အဝဲသ့ၣ် အတၢ်ဟးဂီၤန့ၣ်လီၤ.

လံာ်ယၡါယၤ 23:4

ဝ့ၢ်စံဒိၣ်ဧၢ, နဘၣ်တၢ်မဲာ်ဆှးလီၤ. ပီၣ်လဲၣ်ဒီးပီၣ်လဲၣ်ဖးဒိၣ် အထံယိာ်တဖၣ်ညိကွံာ်နၤဒီးစံးဝဲ, “ယဖိတအိၣ်နီတဂၤ, နီတစုဘၣ်. ယတလုၢ်ဒိၣ်ထီၣ်ဘၣ်ဖိခွါတဖၣ်ဒီးဖိမုၣ်တဖၣ်နီ တဘျီဘၣ်.”

လံာ်ယံးရမံယၤ 2:13

အဂ့ၢ်ဒ်အံၤ, ယပှၤဂီၢ်မုၢ်မၤတ့ၢ်တၢ်ဒဲးဘးခံမံၤလၢအမ့ၢ်, အဝဲသ့ၣ်ဃၣ်ကွံာ်အသးလၢယၤ, လၢအမ့ၢ်ထံဆှံအထံမူထီၣ်ပၢၢ်, ဒီးအဝဲသ့ၣ်ခူၣ်ကမါတဖၣ်, ကမါလၢအတဲၤဖးအသးတဖၣ်ဒီးတၢ်ပဒၢးဃာ်ထံန့ၢ်တသ့လ့ၤတ က့ၤဘၣ်န့ၣ်လီၤ.

လံာ်ယံးရမံယၤ 2:20

ယွၤပၢဘၣ်တၢ်ခဲလၢာ်ကစၢ်စံးဝဲ, “ကီၢ်အံၣ်စရ့လးဧၢ, နညိကွံာ်တ့ၢ်, ယတၢ်စိတၢ်ကမီၤလၢပျၢၤလံၤလံၤလီၤ. နဂ့ၢ်လိာ် လၢနကစူၢ်ယၤဒီးဘူၣ်ထီၣ်ဘါထီၣ်ယၤလီၤ. လၢတၢ်လူၢ်လၢ အထီကိးလူၢ်ဒဲးအလိၤဒီးလၢသ့ၣ်လၢအလါဟ့ကိးထူၣ်ဒဲးအဖီလာ် န့ၣ်, နဘူၣ်ထီၣ်ဘါထီၣ်ပှၤတစူၢ်တနာ်ယွၤ အကစၢ်တဖၣ်ဒီးမၤပှၤဃဲသဲမုၣ်အတၢ်မၤဖဲန့ၣ်လီၤ.

လံာ်ယံးရမံယၤ 32:23

ဘၣ်ဆၣ်, ဖဲအဝဲသ့ၣ်ဟဲနုာ်လီၤဆူ ထံကီၢ်အံၤဒီး မၤန့ၢ်အီၤဝံၤန့ၣ်တစူၢ်နတၢ်မၤလိာ်တဖၣ်မ့ၢ်ဂ့ၤ, တအိၣ်မူဒ် နသိၣ်က့ၤသီက့ၤအီၤ အသိးမ့ၢ်ဂ့ၤဘၣ်. တၢ်လၢနဟ့ၣ် လီၤနကလုၢ်လၢ ကမၤဝဲန့ၣ်, အဝဲသ့ၣ်တမၤဝဲနီတမံၤဘၣ်. လၢတၢ်န့ၣ်အဃိ, နဒုးလီၤဘၣ်တၢ်ဟးဂီၤခဲလၢာ်အံၤလၢ အဝဲသ့ၣ်အလိၤန့ၣ်လီၤ.

လံာ်ယဃ့းစက့လး 27:16

ကီၢ်စူၤရံအပှၤဂီၢ်မုၢ် ပှ့ၤနတၢ်ပနံာ်တၢ်ကၤတၢ်အတၢ်ပီးတၢ်လီ တဖၣ်ဒီး တၢ်ဖိတၢ်လံၤတဖၣ်လၢ အဟးထီၣ်လၢနထံလီၢ်ကီၢ်ပူၤ န့ၣ်လီၤ. အဝဲသ့ၣ်ဟ့ၣ်လီၤတၢ်မျၢ်လါဟ့, တၢ်ကံးယာ်လုးတကုာ်, တၢ်ဆးဒဲးကံၣ်ဒဲးဝ့ၤ, ဖှီဝါကဆှၣ်အဂ့ၤ, လၢၢ်နၢၤဒီး တၢ်မျၢ်ဂီၤဆှုၣ်တဖၣ် ဒ်တၢ်အပှ့ၤလၢ နတၢ်ဖိတၢ်လံၤလၢနဆါအီၤ တဖၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 13:6

သုဒီပုၢ်ဝဲၢ်ခွါမ့တမ့ၢ်သုဖိခွါ, မ့တမ့ၢ်သုဖိမုၣ်မ့ တမ့ၢ်သုမါလၢသုအဲၣ်အီၤမ့တမ့ၢ်သုတံၤသကိးလၢအဘူးတံၢ်ကတၢၢ်ဒီးသုဒၣ်လဲာ်, ကဟ့ၣ်ဂံၢ်ဟ့ၣ်ဘါခူသူၣ်သုလၢသုကဘါထီၣ်ကစၢ်အဂၤတဖၣ်, ကစၢ်တဖၣ်လၢသုဝဲဒီးသုမိၢ်ပၢ်ဖံဖုလၢပျၢၤတဖၣ်တဘါတ့ၢ်အီၤ နီတစုဘၣ်န့ၣ်လီၤ.

လံာ်သိၣ်လီၤသီလီၤတၢ် 13:8

ဘၣ်ဆၣ်ဒီးပျဲအဝဲကတိၤလွဲန့ၢ်သုတဂ့ၤ. ဒိကနၣ်အီၤဒၣ်လဲာ် တဂ့ၤ. ဒုးနဲၣ်အီၤသုတၢ်သူၣ်ကညီၤသးကညီၤမ့ၢ်ဂ့ၤသုတၢ်သးအိၣ်အီၤမ့ၢ်ဂ့ၤ, န့ၣ်တဂ့ၤ. ဒီးဒီဒၣ်အိၣ်ပှိၤအီၤတဂ့ၤ.

လံာ်သိၣ်လီၤသီလီၤတၢ် 31:16

ယွၤစံးဘၣ်စီၤမိၤၡ့, “တယံာ်ဘၣ်န့ၣ်နကသံ, ဒီးဖဲနသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤလၢအသူၣ်တ တီသးတရၤဒီးယၤဘၣ်ဒီးကမၤဟးဂီၤကွံာ်တၢ်အၢၣ်လီၤအီလီၤလၢ ယကမၤတ့ၢ်ဒီးအဝဲသ့ၣ်န့ၣ်လီၤ. အဝဲသ့ၣ်ကလဲၤသဒၣ်ကွံာ်ယၤဒီးဘူၣ်ထီၣ်ဘါထီၣ်ပှၤတစူၢ်တနာ်ယွၤ တဖၣ်အကစၢ်တဖၣ်လၢအအိၣ်ဝဲလၢကီၢ်လၢအဝဲသ့ၣ်ကဘၣ်လဲၤနုာ်လီၤဝဲ တဘ့ၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 31:17

တုၤတၢ်မၤအသးဒီး, ယကသးဒိၣ်ထီၣ်ဘၣ်အဝဲသ့ၣ်, ယကဲၤသဒၣ်ကွံာ်အဝဲသ့ၣ်ဒီးအဝဲသ့ၣ်ကဘၣ်တၢ်မၤဟးဂီၤကွံာ်အီၤ လီၤ. တၢ်တတၢးတနါတဖၣ်လၢအလီၤပျံၤအါမံၤကလီၤဘၣ်လၢအဝဲသ့ၣ်အ လိၤ, ဒီးအန့ၣ်တစုအဝဲသ့ၣ်ကသ့ၣ်ညါနီၣ်ဝဲလၢတၢ်တဖၣ်အံၤမၤအသးဒီး အဝဲသ့ၣ်မ့ၢ်လၢ, ယၤ, အဝဲသ့ၣ်အကစၢ်ယွၤတအိၣ်လၢၤဘၣ်ဒီးအဝဲသ့ၣ်အဃိ န့ၣ်လီၤ.

လံာ်သိၣ်လီၤသီလီၤတၢ် 32:15

ယွၤအပှၤဂီၢ်မုၢ်ထူးထီၣ်တီၤထီၣ်ဝဲ, ဘၣ်ဆၣ်ထီဒုၣ်ထီဒါတၢ်, အဝဲသ့ၣ်ဘီၣ်ထီၣ်သိထီၣ်ဒီးပှဲၤလုာ်ကွံာ်ဒီးတၢ်အီၣ်တၢ်အီ လီၤ. အဝဲသ့ၣ်လဲၤသဒၣ်ကွံာ်ကစၢ်ယွၤအဝဲသ့ၣ်အတၢ်ဘၣ်တ့အကစၢ် ဒီးစူးကွံာ်ညိကွံာ်အတၢ်အုၣ်က့ၤခီၣ်က့ၤကစၢ်လၢအဒိၣ်ဝဲမုၢ်ဝဲန့ၣ်လီၤ.

လံာ်စီၤယိၤၡူ 13:31

ပၣ်ဃုာ်ဒီးကီၢ်ကံးလဧးတဝာ်, ဃုာ်ဒီးဧၤၡတြိးဒီးအ့ဒြံၤ, လၢအမ့ၢ်ဝ့ၢ်ခိၣ်တဖၣ်လၢစီၤပၤစီၤဧိာ်အဘီအမုၢ်လၢ ကီၢ်ဘၤၡၣ်အပူၤန့ၣ်လီၤ. တၢ်ခဲလၢာ်အံၤဘၣ်တၢ်ဟ့ၣ်လီၤအီၤဆူစီၤမနၤၡ့ၤအဖိခွါစီၤ မၤက့ၢ်အဖိအလံၤအဒူၣ်ဖိထၢဖိတဝာ်န့ၣ်လီၤ.

လံာ်ပှၤစံၣ်ညီၣ်ကွီၢ် 10:5

ဒီးစီၤယၤအံၢ်သံဝဲဒီးဘၣ်တၢ်ခူၣ်လီၤအီၤဖဲဝ့ၢ်ကၤမံၣ်အပူၤလီၤ.

လံာ်ပှၤစံၣ်ညီၣ်ကွီၢ် 11:24

မ့ၢ်နအဲၣ်ဒိးမၤန့ၢ်က့ၤအီၤဧါ. တၢ်လၢနကစၢ် “ကမိၣ်” ဟ့ၣ်နၤန့ၣ်နဟံးဃာ်အီၤသ့လီၤ. မ့မ့ၢ်ပဝဲဒၣ်အံၤပကဟံးဃာ် တၢ်ကိးမံၤဒဲးလၢယွၤ, ပကစၢ်ဟ့ၣ်လီၤပှၤန့ၣ်လီၤ.

လံာ်ပှၤစံၣ်ညီၣ်ကွီၢ် 13:1

ပှၤအံၣ်စရ့လးဖိသ့ၣ်တဖၣ်မၤကဒီးတၢ်ဒဲးဘးထီဒါယွၤဒီး ယွၤပျဲပှၤဖလ့ၡသးဖိတဖၣ်ပၢအဝဲသ့ၣ်အနံၣ်လွံၢ်ဆံန့ၣ်လီၤ.

လံာ်ပှၤစံၣ်ညီၣ်ကွီၢ် 16:23

ဒီးပှၤဖလ့ၡသးဖိအစီၤပၤတဖၣ်ပာ်ဖှိၣ်ထီၣ်အသးဒ်သိးအကလုၢ် ထီၣ်တၢ်လုၢ်ဖးဒိၣ်တမံၤဆူအကစၢ်ဒၤကိၣ်န့ၣ်လီၤ. အဝဲသ့ၣ်သးဝံၣ်ထီၣ်တၢ်စံးဝဲ, “ပကစၢ်ဟ့ၣ်လံပှၤလၢတၢ်မၤနၢၤ ပဒုၣ်ပဒါစီၤၡံၣ်ၡိၣ်လံ.”

လံာ်ပှၤစံၣ်ညီၣ်ကွီၢ် 3:7

ကီၢ်အံၣ်စရ့လးအပှၤဂီၢ်မုၢ်သးပ့ၤနီၣ်ကွံာ်အကစၢ်ယွၤ, ဒီးမၤတၢ်ဒဲးဘးထီဒါအီၤ, ဒီးဘူၣ်ထီၣ်ဘါထီၣ်ဘဧၤလးဒီး အၡ့ရၤအတၢ်ဂီၤတၢ်ဖီၣ်တဖၣ်လီၤ.

လံာ်ပှၤစံၣ်ညီၣ်ကွီၢ် 4:1

ဖဲစီၤအ့ဟူာ်သံဝံၤအလီၢ်ခံန့ၣ်အံၣ်စရ့လးအပှၤဂီၢ်မုၢ် မၤကဒီးတၢ်ဒဲးဘးထီဒါယွၤန့ၣ်လီၤ.

လံာ်ပှၤစံၣ်ညီၣ်ကွီၢ် 6:1

မၤကဒီးတစု, အံၣ်စရ့လးအပှၤဂီၢ်မုၢ်မၤတၢ်ဒဲးဘးထီဒါယွၤ အဃိဒီး, အဝဲပျဲကီၢ်မံးဒယၣ်အပှၤဂီၢ်မုၢ်ပၢအဝဲသ့ၣ်နွံနံၣ်လီၤ.

လံာ်ပှၤစံၣ်ညီၣ်ကွီၢ် 8:33

တုၤစီၤကံးဒဧိၣ်သံဝဲအလီၢ်ခံန့ၣ်အံၣ်စရ့လးအပှၤဂီၢ်မုၢ် မၤကဒီးတၢ်တတီတလိၤလၢကစၢ်ယွၤအမဲာ်ညါဒီးဘူၣ်ထီၣ်ထါထီၣ်ဘဧၤလးတဖၣ်န့ၣ်ဒီး, ဒီးအဝဲသ့ၣ်မၤတၢ်အၢၣ်လီၤအီလီၤဒီးဘဧၤလးဒ်အဝဲသ့ၣ်အယွၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:2

လဲၤစိာ်ဝဲဆူအကစၢ်ဒၤကိၣ်အတၢ်လုၢ်လီၢ်အပူၤ ဒီးပာ်အီၤဖဲတၢ်ဂီၤန့ၣ်အကပၤလီၤ.