လံာ်ပှၤစံၣ်ညီၣ်ကွီၢ် 10:2 - Sgaw Karen Common Bible

² အဝဲကဲပှၤအံၣ်စရ့လးဖိအခိၣ်အနၢ်ခံဆံသၢနံၣ်လီၤ. အန့ၣ်ဝံၤဒီးအဝဲသံဝဲဒီးဘၣ်တၢ်ခူၣ်လီၤအီၤဖဲဝ့ၢ်ၡၤမံၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 10:2 Iomraidhean Croise

လံာ်ပှၤစံၣ်ညီၣ်ကွီၢ် 10:1

ဖဲစီၤအဘံၤမ့လ့းသံဝံၤအလီၢ်ခံန့ၣ်, စီၤကိလၤလၢအမ့ၢ်စီၤဒိဒိၤအလံၤခွါ, စီၤပူအၤအဖိခွါအိၣ်ထီၣ်ဝဲလၢကမၤထူၣ်ဖျဲးထီၣ် အံၣ်စရ့လးန့ၣ်လီၤ. အဝဲဟဲလၢပှၤယံးစၣ်ကၢ်အဒူၣ်ဒီးအိၣ်ဆိးဝဲ လၢဝ့ၢ်ၡၤမံၣ်ဖဲအ့ဖရဲၣ်အကစၢၢ်ကလိန့ၣ်လီၤ.

လံာ်ပှၤစံၣ်ညီၣ်ကွီၢ် 10:3

လၢစီၤကိလၤအလီၢ်ခံန့ၣ်ပှၤကံးလဧးဖိစီၤယၤအံၢ် အိၣ်ထီၣ်ဝဲဒၣ်လီၤ. အဝဲဆှၢပှၤအံၣ်စရ့လးဖိခံဆံခံနံၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 11:26

ဒီးလၢအနံၣ်သၢကယၤအတီၢ်ပူၤန့ၣ်ပှၤအံၣ်စရ့လးဖိဟံးန့ၢ်ပၢ ဘၣ်ဝ့ၢ်ဃ့ၡဘိၣ်ဒီးဝ့ၢ်ဧရိၤဧ့ၢ်ဒီးဝ့ၢ်ဖိလၢအအိၣ်လၢအခိၣ်အဃၢၤတဖၣ်, ဒီးကယဲၢ်ဝ့ၢ်လၢအအိၣ်လၢထံကျိအၢ်နိၣ်အကၢၢ်ခိၣ်တဖၣ်န့ၣ်လီၤ. ဘၣ်မနုၤသုတဟံးန့ၢ်က့ၤအီၤလၢအခါဖဲန့ၣ်လဲၣ်.