လံာ်ပှၤစံၣ်ညီၣ်ကွီၢ် 10:14 - Sgaw Karen Common Bible

¹⁴ လဲၤဒီးကိးထီၣ်တၢ်ဆူကစၢ်အဂၤတဖၣ်လၢသုဃုထၢတ့ၢ်အီၤန့ၣ် တက့ၢ်. မ်အဝဲသ့ၣ်အုၣ်က့ၤခီၣ်က့ၤသုဖဲသုဘၣ်တၢ်ကိၢ်တၢ်ဂီၤန့ၣ် တက့ၢ်.”

လံာ်ပှၤစံၣ်ညီၣ်ကွီၢ် 10:14 Iomraidhean Croise

လံာ်စီၤပၤခံဘ့ၣ်တဘ့ၣ် 3:13

စီၤအလံၤၡါစံးဘၣ်ကီၢ်အံၣ်စရ့လးအစီၤပၤ, “ဘၣ်မနုၤလၢယကဘၣ်မၤစၢၤနၤန့ၣ်လဲၣ်. လဲၤဒီးသံကွၢ်တၢ်လၢ ဝံတဖၣ်လၢနပၢ်မ့ၢ်ဂ့ၤ, နမိၢ်မ့ၢ်ဂ့ၤသံကွၢ်တ့ၢ်အီၤတၢ်တက့ၢ်.” စီၤယဟိရၣ်စံးဆၢအီၤ “တမ့ၢ်ဘၣ်, ပှၤလၢအကိးဖှိၣ်ပဝဲ စီၤပၤသၢဂၤဆူကီၢ်မိၤအးအစီၤပၤအတၢ်သူၣ်ကညီၤသးကညီၤအပူၤ န့ၣ်မ့ၢ်ယွၤလီၤ.”

လံာ်ယၡါယၤ 10:3

ယွၤမ့ၢ်စံၣ်ညီၣ်သုဒီးသုကမၤဒ်လဲၣ်. ယွၤမ့ၢ်ဒုးဘၣ်သုလၢတၢ် နးတၢ်ဖှီၣ်ဖးဒိၣ်လၢအဟဲလၢထံကီၢ်လၢအယံၤတဘ့ၣ်ဒီး, သုကမၤဒ်လဲၣ်. လၢတၢ်မၤစၢၤအဂီၢ်, သုကဃ့ၢ်ဆူ လဲၣ်ခီလဲၣ်. သုတၢ်ထူးတၢ်တီၤတဖၣ်, သုကပာ်ခူသူၣ်အီၤဖဲလဲၣ်.

လံာ်ယၡါယၤ 46:7

အဝဲသ့ၣ်ယိးထီၣ်ဝဲလၢအဖံဘၣ်ခိၣ်ဒီးစိာ်အီၤလီၤ. အဝဲသ့ၣ်ပာ်လီၤအီၤလၢအလီၢ်ဒၣ်ဝဲ, ဒီးအိၣ်ဆၢထၢၣ်ဖဲန့ၣ် ဒီးသုးအသးလၢအအိၣ်ဆၢထၢၣ်အလီၢ်န့ၣ် တသ့ဘၣ်ဝဲဘၣ်. ပှၤတဂၤဂၤမ့ၢ်ဃ့ထုကဖၣ်ဆူအအိၣ်ဒီး, စံးဆၢတၢ်တသ့, ဒီးအုၣ်က့ၤခီၣ်က့ၤအီၤလၢ တၢ်တတၢးတနါတသ့ဘၣ်.

လံာ်ယၡါယၤ 57:13

ဖဲသုကိးထီၣ်လၢတၢ်မၤစၢၤအဂီၢ်န့ၣ်, ပျဲကွၢ်သုတၢ်ဂီၤတၢ် ဖီၣ်တဖၣ်အုၣ်က့ၤခီၣ်က့ၤသုတက့ၢ်. ကလံၤအူတၢ်တဘီဖိဒၣ်လဲာ်ကစိာ်ကွံာ်အဝဲသ့ၣ်ခဲလၢာ်လီၤ. မ့မ့ၢ်, ပှၤတဖၣ်လၢအပာ်အတၢ်နာ်လၢယပူၤန့ၣ်, ကအိၣ်ကဆိးဝဲလၢထံကီၢ်အပူၤဒီးကဘူၣ်ထီၣ်ဘါထီၣ် ယၤလၢယတၢ်လုၢ်ဟံၣ်အပူၤလီၤ.”

လံာ်ယံးရမံယၤ 2:28

ကစၢ်တဖၣ်လၢသုမၤအီၤလၢသုဂီၢ်ဒၣ်ဝဲန့ၣ်, မ့ၢ်အအိၣ်ဖဲလဲၣ်. ဖဲသုအိၣ်လၢတၢ်ကီတၢ်ခဲအပူၤန့ၣ်, အဝဲသ့ၣ်မၤဝဲမ့ၢ်သ့ဒီး မ်အဝဲသ့ၣ်အုၣ်က့ၤခီၣ်က့ၤသုတက့ၢ်. ကီၢ်ယူဒၤဧၢ, နအိၣ်ဒီးနကစၢ်တဖၣ်အါအါဂီၢ်ဂီၢ်ပှဲၤသိးနအိၣ်ဒီးနဝ့ၢ်တဖၣ်န့ၣ်လီၤ.

လံာ်ယဃ့းစက့လး 20:39

ယွၤပၢဘၣ်တၢ်ခဲလၢာ်ကစၢ်, ကစၢ်စံးဝဲ, “ဒီးခဲကနံၣ်အံၤသုဝဲ ပှၤအံၣ်စရ့လးဖိခဲလၢာ်သ့ၣ်သုဧၢ, မၤဖဲသုသးတက့ၢ်. လဲၤဆၣ်ခီ ဒီးမၤသုတၢ်ဂီၤတၢ်ဖီၣ်တဖၣ်အတၢ်မၤတက့ၢ်. ဘၣ်ဆၣ်ယဟ့ၣ်ပလီၢ်သုလၢ, တၢ်အံၤဝံၤအလီၢ်ခံန့ၣ်သုကဘၣ်စူၢ်ယၤ ဒီးသုတၢ်မၤဘၣ်အၢယမံၤစီဆှံအလၤကပီၤခီဖျိတၢ်လုၢ်ထီၣ်တၢ် ဟ့ၣ်တဖၣ်ဆူသုတၢ်ဂီၤတၢ်ဖီၣ်တဖၣ်အအိၣ်န့ၣ်သုကဘၣ်ဆိ ကတီၢ်အီၤန့ၣ်လီၤ.