လံာ်ပှၤစံၣ်ညီၣ်ကွီၢ် 10:13 - Sgaw Karen Common Bible

¹³ ဘၣ်ဆၣ်ဒီးသုညိကွံာ်ဒံးယၤဒီးဘါထီၣ်ကစၢ်အဂၤတဖၣ်လီၤ. မၤသးဒ်န့ၣ်ဒီး, ယတအုၣ်က့ၤခီၣ်က့ၤကဒီးသုလၢၤဘၣ်.

လံာ်ပှၤစံၣ်ညီၣ်ကွီၢ် 10:13 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 12:5

ဝံၡမါယၤလဲၤဃီၤဆူစီၤပၤရဃၤဘၣ်ဒီးယူဒၤဖိအခိၣ်အနၢ်တဖၣ် အအိၣ်န့ၣ်လီၤ. အဝဲသ့ၣ်ဟဲပာ်ဖှိၣ်အသးလၢဝ့ၢ်ယရူၤရှလ့ၣ်အပူၤဒ်သိးကဃ့ၢ်ပူၤ ဖျဲးအသးလၢစီၤပၤၡံၡးအဂီၢ်န့ၣ်လီၤ. ဝံစံးဘၣ်အဝဲသ့ၣ်, “အဝဲအံၤမ့ၢ်ယွၤအတၢ်ကစီၣ်လၢသုဂီၢ်န့ၣ်လီၤ. သုလဲၤသဒၣ်ကွံာ်တ့ၢ်လံယၤအဃိဒီး, ခဲအံၤယလဲၤသဒၣ်သု ဒီးဟ့ၣ်လီၤကွံာ်သုဆူစီၤၡံၡးအစုပူၤန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 15:2

ဒီးအဝဲဟးထီၣ်ဒ်သိးကလဲၤထံၣ်စီၤပၤအၤစါအဂီၢ်န့ၣ်လီၤ. ဒီးအဝဲကိးထီၣ်ဝဲ, “စီၤပၤအၤစါဒီးကယဲၢ်ပှၤဂီၢ်မုၢ်လၢ ယူဒၤဒီးဘံၣ်ယၤမံၣ်သ့ၣ်ဧၢ, ဒိကနၣ်ယၤတက့ၢ်. တုၤသုအိၣ်ဒီးယွၤန့ၣ်, ယွၤအိၣ်ဒီးသုန့ၣ်လီၤ. သုမ့ၢ်ဃုထံၣ်န့ၢ်အီၤဒီးအဝဲကပျဲသုထံၣ်န့ၢ်အီၤ, မ့မ့ၢ်, သုမ့ၢ်ဃၣ်ကွံာ်သုသးဒီးအဝဲကပာ်လီၤတဲာ်ကွံာ်သုန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 21:10

လၢန့ၣ်လံၤလံၤကီၢ်အဒိၣ်အိၣ်သဘျ့ထီၣ်ကွံာ်လၢကီၢ်ယူဒၤန့ၣ် လီၤ. တကတီၢ်ဃီအံၤ, ဝ့ၢ်လံးဘနၤစ့ၢ်ကီးပူထီၣ်ထီဒါကွံာ်တၢ်, မ့ၢ်လၢစီၤယဟိရၣ်ညိကွံာ်ယွၤ, အမိၢ်ပၢ်ဖံဖုလၢပျၢၤတဖၣ်အကစၢ်ယွၤအဃိန့ၣ်လီၤ.

လံာ်ယံးရမံယၤ 2:13

အဂ့ၢ်ဒ်အံၤ, ယပှၤဂီၢ်မုၢ်မၤတ့ၢ်တၢ်ဒဲးဘးခံမံၤလၢအမ့ၢ်, အဝဲသ့ၣ်ဃၣ်ကွံာ်အသးလၢယၤ, လၢအမ့ၢ်ထံဆှံအထံမူထီၣ်ပၢၢ်, ဒီးအဝဲသ့ၣ်ခူၣ်ကမါတဖၣ်, ကမါလၢအတဲၤဖးအသးတဖၣ်ဒီးတၢ်ပဒၢးဃာ်ထံန့ၢ်တသ့လ့ၤတ က့ၤဘၣ်န့ၣ်လီၤ.

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်ယိၤနါ 2:8

ပှၤလၢအဘူၣ်ထီၣ်ဘါထီၣ်တၢ်ဂီၤ တၢ်ဖီၣ်တဂိာ်တသီၣ်ဘၣ်တဖၣ်န့ၣ်ညိကွံာ်အတၢ်သးတီဒီးနၤလီၤ.

လံာ်သိၣ်လီၤသီလီၤတၢ် 32:15

ယွၤအပှၤဂီၢ်မုၢ်ထူးထီၣ်တီၤထီၣ်ဝဲ, ဘၣ်ဆၣ်ထီဒုၣ်ထီဒါတၢ်, အဝဲသ့ၣ်ဘီၣ်ထီၣ်သိထီၣ်ဒီးပှဲၤလုာ်ကွံာ်ဒီးတၢ်အီၣ်တၢ်အီ လီၤ. အဝဲသ့ၣ်လဲၤသဒၣ်ကွံာ်ကစၢ်ယွၤအဝဲသ့ၣ်အတၢ်ဘၣ်တ့အကစၢ် ဒီးစူးကွံာ်ညိကွံာ်အတၢ်အုၣ်က့ၤခီၣ်က့ၤကစၢ်လၢအဒိၣ်ဝဲမုၢ်ဝဲန့ၣ်လီၤ.

လံာ်ပှၤစံၣ်ညီၣ်ကွီၢ် 10:14

လဲၤဒီးကိးထီၣ်တၢ်ဆူကစၢ်အဂၤတဖၣ်လၢသုဃုထၢတ့ၢ်အီၤန့ၣ် တက့ၢ်. မ်အဝဲသ့ၣ်အုၣ်က့ၤခီၣ်က့ၤသုဖဲသုဘၣ်တၢ်ကိၢ်တၢ်ဂီၤန့ၣ် တက့ၢ်.”

လံာ်ပှၤစံၣ်ညီၣ်ကွီၢ် 2:12

အဝဲသ့ၣ်ဆိတ့ၢ်ဘူၣ်ထီၣ်ဘါထီၣ်ယွၤ, လၢအမ့ၢ်အဝဲသ့ၣ် အမိၢ်ပၢ်ဖံဖုလၢပျၢၤတဖၣ်အကစၢ်ယွၤလၢအထုးထီၣ်အဝဲသ့ၣ် လၢကီၢ်အဲၤကူပတူးအပူၤ, ဒီးအဝဲသ့ၣ်စးထီၣ်ဘူၣ်ထီၣ်ဘါထီၣ်ကစၢ်အဂၤတဖၣ်, လၢအမ့ၢ်ပှၤဂီၢ်မုၢ်လၢအခိၣ်အဃၢၤတဖၣ်အကစၢ်တဖၣ်န့ၣ်လီၤ. အဝဲသ့ၣ်တီၤလီၤလၢကစၢ်တဖၣ်န့ၣ်အမဲာ်ညါဒီးမၤသးဒိၣ်ထီၣ် ကစၢ်ယွၤန့ၣ်လီၤ.

လံာ်ပှၤစံၣ်ညီၣ်ကွီၢ် 2:19

ဘၣ်ဆၣ်တုၤခိၣ်နၢ်တဂၤသံန့ၣ်, ပှၤဂီၢ်မုၢ်က့ၤကဒါက့ၤဆူ အကျဲလီၢ်လံၤတဖၣ်ဒီးမၤအသးအၢန့ၢ်ဒံးပှၤလၢအပူၤကွံာ် တစိၤန့ၣ်လီၤ. အဝဲသ့ၣ်မၤကစၢ်အဂၤတဖၣ်အတၢ်ဒီးဘူၣ်ထီၣ်ဘါထီၣ်အီၤန့ၣ်လီၤ. ဒီးအဝဲသ့ၣ်တဆိကတီၢ်လၢအကျဲအၢကျဲသီတဖၣ်န့ၣ်ဘၣ်လီၤ.