လံာ်ပှၤစံၣ်ညီၣ်ကွီၢ် 1:6 - Sgaw Karen Common Bible

⁶ စီၤပၤအဒိနံၤဘ့စ့းထွးထီၣ်ဃ့ၢ်ဝဲဘၣ်ဆၣ်ဒီး, အဝဲသ့ၣ်လူၤဝဲဒီးဖီၣ်န့ၢ်အီၤဒီး ကျီတဲာ်ကွံာ်အစုမုၢ်ကျၢၢ်ခီၣ်မုၢ်ကျၢၢ်တဖၣ်လီၤ.

လံာ်ပှၤစံၣ်ညီၣ်ကွီၢ် 1:6 Iomraidhean Croise

လံာ်နီၢ်အ့ၤစတၢ် 8:12

တၢ်စံၣ်ညီၣ်ဟ့ၣ်လီၤကလုၢ်အံၤကဘၣ်ကဲထီၣ်လိၣ်ထီၣ်ဝဲ သကုၤကီၢ်ပၤရၣ်အဘီအမုၢ်ဖဲမုၢ်တနံၤလၢတၢ်ပာ်လီၤတ့ၢ်အီၤ ဒ်တၢ်ကမၤသံပှၤယူဒၤဖိတဖၣ်အနံၤလၢအမ့ၢ်လါတဆံခံလါတလါ, လါအးဒၢ်ထီၣ်တဆံသၢနံၤတနံၤန့ၣ်လီၤ.

စံးထီၣ်ပတြၢၤ 107:40

အဝဲဒုးနဲၣ်အတၢ်သးဘၣ်အၢလၢ ပှၤလၢအမၤအၢမၤနးအဝဲသ့ၣ်, ဒီးဒုးလဲၤဝ့ၤဝီၤအဝဲသ့ၣ်လၢမဲးမုၢ်ခိၣ် လၢကျဲတအိၣ်ဘၣ်အပူၤန့ၣ်လီၤ.

စံးထီၣ်ပတြၢၤ 149:8

ဒ်သိးအကစၢဃာ်အစီၤပၤတဖၣ်လၢထးသွဲတဖၣ် ဒီးအခိၣ်တဖၣ်လၢပျံၤထး,

စံးထီၣ်ပတြၢၤ 59:11

မၤသံအဝဲသ့ၣ်တဂ့ၤ, ကစၢ်ယွၤဧၢ, မ့တမ့ၢ်ဘၣ်န့ၣ် ယပှၤဂီၢ်မုၢ်ကသးပ့ၤနီၣ်ဘၣ်ဖုးတၢ်လီၤ. ယွၤလၢအမ့ၢ်ပကတီၤတဘ့ၣ်ဧၢ, လၢနဂံၢ်နဘါန့ၣ် မၤလီၤပြံလီၤပြါအီၤဒီး မၤနၢၤကွံာ်အဝဲသ့ၣ်တက့ၢ်.

လံာ်တၢ်ဟးထီၣ်ကွံာ် 14:26

ဒီးယွၤစံးဘၣ်စီၤမိၤၡ့, “ယူာ်ထီၣ်နစုလၢပီၣ်လဲၣ်ဖီခိၣ်တက့ၢ်. ဒီးထံကဟဲက့ၤကဒါက့ၤဒီးလုၣ်ဘၢကွံာ်ပှၤအဲၤကူပတူးဖိတဖၣ် ဒီးအလ့ၣ်ကဟၣ်ဒုးသုးတဖၣ်ဒီးအပှၤနီၣ်တၢ်တဖၣ်န့ၣ်လီၤ.”

လံာ်တၢ်ဟးထီၣ်ကွံာ် 21:24

မဲာ်ချံတတိၣ်လၢမဲာ်ချံတတိၣ်အဂီၢ်, မဲတဘ့ၣ်လၢမဲတဘ့ၣ်အဂီၢ်,

လံာ်တၢ်ဟးထီၣ်ကွံာ် 29:20

မၤသံကွံာ်အီၤ, ဒီးဟံးန့ၢ်အသွံၣ်တနီၤဒီးထွါအီၤဖဲစီၤအၤဟရိၣ်ဒီးအဖိခွါတဖၣ်အနၢ်အစဲၤအထွဲ တဖၣ်ဒီးလၢအစုမုၢ်ကျၢၢ်အထွဲတဖၣ်, အခီၣ်မုၢ်ကျၢၢ်အထွဲတဖၣ်အလိၤန့ၣ်တက့ၢ်. တၢ်သွံၣ်အိၣ်တ့ၢ်အဂၤတဖၣ်ဖှံလီၤအီၤလၢတၢ်လုၢ်လီၢ်အကပၤလွံၢ်ခီတက့ၢ်.

လံာ်ယံးရမံယၤ 34:17

လၢတၢ်န့ၣ်အဃိ အခဲအံၤ, ယၤ, ယွၤစံးလၢ သုတစူၢ်ယၤဘၣ်လီၤ. သုတဟ့ၣ်သုပှၤအံၣ်စရ့လး ဖိကဒဲကဒဲအတၢ်သဘျ့န့ၣ်ဘၣ်. ဂ့ၤလံ, မ့မ့ၢ်ဒ်န့ၣ်ဒီး, ယကဟ့ၣ်သုတၢ်သဘျ့လီၤ. တၢ်သဘျ့လၢ သုကသံ လၢတၢ်ဒုးတၢ်ယၤ, တၢ်ဆူးတၢ်ဆါ, ဒီးတၢ်သၣ်ဝံၤလီၤဒိ အပူၤန့ၣ်လီၤ. ဒီးယကဒုးလီၤဘၣ်ပှၤကိးကလုာ်ဒဲးလၢ ဟီၣ်ခိၣ်ချၢအံၤလၢ တၢ်ပျံၤတၢ်ဖုးလၢ တၢ်လၢယမၤဘၣ် သုအဃိန့ၣ်လီၤ.

လံာ်ယံးရမံယၤ 50:15

ကိးပသူထီၣ်တၢ်ဒုးအတၢ်ကိးဝးတရံးန့ၣ်တက့ၢ်. ခဲကနံၣ်အံၤ, ကီၢ်ဘၤဘူၤလိၣ်ပာ်လီၤအစုကဝဲၤလံ. အဝ့ၢ်ခိၣ်ဒူတဖၣ်ဘၣ်တၢ်မၤဟးဂီၤအီၤဒီး ဘၣ်တၢ်မၤလီၤပှီၢ်အီၤလံ. သုဝဲစ့ၢ်ကီးဟ့ၣ်ကၣ်ဆၢက့ၤတၢ်အၢလၢ အဝဲသ့ၣ်အလိၤတက့ၢ်. မၤအဝဲသ့ၣ် ဒ်အဝဲသ့ၣ်မၤဘၣ်တ့ၢ်ပှၤအဂၤတဖၣ်အသိးန့ၣ်တက့ၢ်.

လံာ်စီၤယိၤၡူ 15:16

ဒီးစီၤကၤလ့းစံးဝဲ, “ပှၤလၢအဒုးဒီးမၤန့ၢ်ဝ့ၢ်ကံးရယးစ့ဖ့ၢ်န့ၣ်, ယကဟ့ၣ်လီၤယဖိမုၣ်နီၢ်ဧၤကစ့ၤလၢကကဲထီၣ်အမါအဂီၢ် န့ၣ်လီၤ.

လံာ်ပှၤစံၣ်ညီၣ်ကွီၢ် 1:5

ဒီးအဝဲသ့ၣ်ထံၣ်န့ၢ်စီၤပၤအဒိနံၤဘ့စ့းဖဲန့ၣ်ဒီးဒုးအီၤလီၤ.

လံာ်ပှၤစံၣ်ညီၣ်ကွီၢ် 1:7

ဒီးစီၤပၤအဒိနံၤဘ့စ့းစံးဝဲ, “စီၤပၤအဂၤနွံဆံလၢ အစုမုၢ်ကျၢၢ်ခီၣ်မုၢ်ကျၢၢ်တဖၣ်ဘၣ်တၢ်ကျီတဲာ်ကွံာ်အီၤန့ၣ် ထၢအီၣ်တၢ်လီၤဆှုလီၤပလ့ၤလၢယစီၤနီၤခိၣ်အဖီလာ်လီၤ. ခဲအံၤကစၢ်ယွၤမၤယၤဒ်ယမၤတ့ၢ်အဝဲသ့ၣ်တဖၣ်အသိးန့ၣ်လီၤ.” ဒီးအဝဲဘၣ်တၢ်စိာ်ကွံာ်အီၤဆူဝ့ၢ်ယရူၤၡလ့ၣ်ဒီးသံဝဲဖဲန့ၣ်လီၤ.