လံာ်ပှၤစံၣ်ညီၣ်ကွီၢ် 1:4 - Sgaw Karen Common Bible

⁴ ဒီးယွၤဟ့ၣ်လီၤကွံာ်ပှၤကနၤဧၣ်ဒီးပှၤပရးစၤဖိတဖၣ်လၢအဝဲ သ့ၣ်အစုပူၤဒီးအဝဲသ့ၣ်တဖၣ်မၤနၢၤမၤဃၣ်ကွံာ်ပှၤအဂၤတကလးဖဲ ဝ့ၢ်ဘ့စ့းအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 1:4 Iomraidhean Croise

လံာ်စီၤပၤအခီၣ်ထံးတဘ့ၣ် 22:15

ဖဲအဝဲဟဲပာ်ဖျါထီၣ်အသးလၢစီၤပၤအၤဃာ်အမဲာ်ညါန့ၣ်စီၤပၤ သံကွၢ်အီၤ, “စီၤမံၤကါယၤဧၢ, မ့ၢ်စီၤပၤယဟိၡၤဖးဒီးယၤပကြၢးလဲၤ ထီၣ်ဒုးဝ့ၢ်ရၤမိးဧါ. မ့တမ့ၢ်ပတကြၢးလဲၤဘၣ်န့ၣ်လဲၣ်.” စီၤမံၤကါယၤစံးဆၢဝဲ, “လဲၤထီၣ်ဒုးတက့ၢ်. သပှၢ်ကတၢၢ်သုကမၤနၢၤတၢ်လီၤ. ယွၤကဟ့ၣ်သုတၢ်မၤနၢၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 22:6

လၢတၢ်န့ၣ်အဃိစီၤအၤဃာ်ကိးနုာ်ဝံတဖၣ်ခဲလၢာ်ပှၤအဂၤလွံၢ် ကယၤဃၣ်ဃၣ်ဒီးသံကွၢ်အဝဲသ့ၣ်, “မ့ၢ်ယကဘၣ်လဲၤထီၣ်ဒုးဝ့ၢ်ရၤမိး, မ့တမ့ၢ်ယတဘၣ်လဲၤဘၣ်ဧါ.” အဝဲသ့ၣ်စံးဆၢဝဲ, “လဲၤထီၣ်ဒုးအီၤတက့ၢ်. ယွၤကဟ့ၣ်နၤတၢ်မၤနၢၤလီၤ.”

စံးထီၣ်ပတြၢၤ 44:2

လၢနစုဒၣ်နဲနနီၣ်ဟးထီၣ်ကွံာ်ပှၤတဘူၣ် ထီၣ်ဘါထီၣ်နၤသ့ၣ်တဖၣ်, ဒီးပာ်လီၤနပှၤဂီၢ်မုၢ်လၢ အဝဲသ့ၣ်အကီၢ်ပူၤဒ်လဲၣ်, နစံၣ်ညီၣ်ဃၣ်ပှၤကလုာ်ဂၤတဖၣ် ဒီးဒုးဘီၣ်ထီၣ်ညီထီၣ်နပှၤဂီၢ်မုၢ်ဒၣ်နဲဒ်လဲၣ်န့ၣ်လီၤ.

စံးထီၣ်ပတြၢၤ 78:55

အဝဲဟီထီၣ်ကွံာ်ပှၤကလုာ်တဖၣ်လၢအပှၤဂီၢ်မုၢ် အမဲာ်ညါ ဒီးနီၤလီၤအထံအကီၢ်ဆူ အပှၤဂီၢ်မုၢ်ဒ် တၢ်န့ၢ်သါအသိးလၢအဝဲသ့ၣ်အဂီၢ်, ဒီးဒုးအိၣ်ဒုးဆိးအံၣ်စရ့လးအဒူၣ်တဖၣ် လၢအဝဲသ့ၣ်အဟံၣ်ပူၤန့ၣ်လီၤ.

လံာ်သိၣ်လီၤသီလီၤတၢ် 7:2

ဖဲယွၤ, သုကစၢ်ယွၤဟ့ၣ်လီၤပှၤဂီၢ်မုၢ်တဖၣ်အံၤလၢသုစုပူၤ ဒီးသုမၤနၢၤကွံာ်အီၤန့ၣ်, သုကဘၣ်မၤသံကွံာ်အီၤခဲလၢာ်န့ၣ်လီၤ. မၤတၢ်ဒီသိၣ်ဒီမှံၤဒီးအဝဲသ့ၣ်မ့ၢ်ဂ့ၤ, ဒုးနဲၣ်အဝဲသ့ၣ်လၢသုတၢ်သးကညီၤမ့ၢ်ဂ့ၤ, န့ၣ်တဂ့ၤ.

လံာ်သိၣ်လီၤသီလီၤတၢ် 9:3

မ့မ့ၢ်ခဲကနံၣ်အံၤ, သုကထံၣ်ဘၣ်လၢသုနီၢ်ကစၢ်ဒၣ်သုဝဲလၢ ယွၤ, သုကစၢ်ယွၤကလဲၤဆိတၢ်လၢသုမဲာ်ညါလီၤဂာ်ဒ်မ့ၣ်အူအီၣ်တၢ် တပျုာ်တပျီၤအသိးန့ၣ်လီၤ. ယွၤကမၤနၢၤကွံာ်အဝဲသ့ၣ်, ဖဲသုလဲၤထီၣ်ဒုးတၢ်အခါ, ဒ်သိးသုကနီၣ်ထီၣ်ကွံာ်အဝဲသ့ၣ် ဒီးမၤဟးဂီၤကွံာ်အီၤချ့သဒံးဒ်အဝဲအၢၣ်လီၤတ့ၢ်ဝဲအသိး န့ၣ်လီၤ.

လံာ်ပှၤစံၣ်ညီၣ်ကွီၢ် 1:3

ဒီးယူဒၤအပှၤဂီၢ်မုၢ်စံးဘၣ်စူၤမ့းအိၣ်အပှၤဂီၢ်မုၢ်, “လဲၤဃုာ်ဒီးပှၤဆူကီၢ်လၢတၢ်ဟ့ၣ်လီၤပှၤမူဒါဒ်သိးပကဒုးသကိးပှၤကနၤဧၣ်ဖိတဖၣ်တက့ၢ်. မ့ၢ်ဝံၤဒီးပကလဲၤသကိးဒီးသုဆူကီၢ်လၢတၢ်ဟ့ၣ်မူဟ့ၣ်ဒါသု န့ၣ်လီၤ.” မၤသးဒ်န့ၣ်ဒီးစူၤမ့းအိၣ်အဒူၣ်ဒီးယူဒၤအဒူၣ်လဲၤသကိးဆူ တၢ်ဒုးတၢ်ယၤအပူၤလီၤ.

လံာ်ပှၤစံၣ်ညီၣ်ကွီၢ် 1:5

ဒီးအဝဲသ့ၣ်ထံၣ်န့ၢ်စီၤပၤအဒိနံၤဘ့စ့းဖဲန့ၣ်ဒီးဒုးအီၤလီၤ.

လံာ်ပှၤစံၣ်ညီၣ်ကွီၢ် 11:32

မၤသးဒ်န့ၣ်, ဒီးစီၤယံးဖသၤလဲၤခီဂာ်ထံကျိဒ်သိးအကဒုးပှၤဧၣ် မိၣ်ဖိတဖၣ်ဒီးယွၤဟ့ၣ်အီၤတၢ်မၤနၢၤလီၤ.

လံာ်ပှၤစံၣ်ညီၣ်ကွီၢ် 3:5

လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်အိၣ်ဝဲဆိးဝဲလၢပှၤကနၤဧၣ်ဖိ, ပှၤဃံၤဝံဖိ, ပှၤအမိၢ်ဖိ, ပှၤပရးစၤဖိဒီးပှၤယဘူၣ်ဖိတဖၣ်အကျါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 11:8

စီၤစီလူးပာ်ဖှိၣ်ထီၣ်အဝဲသ့ၣ်ဖဲဝ့ၢ်ဘ့စ့းဒီးပှၤအိၣ်ဝဲ လၢကီၢ်အံၣ်စရ့လးအပူၤအဂၤသၢကလီၢ်ဒီးပှၤအဂၤသၢကလး လၢကီၢ်ယူဒၤအပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:10

ဘၣ်ဆၣ်ဒီးအဝဲသ့ၣ်မ့ၢ်မၢပလဲၤဆူအဝဲသ့ၣ်အအိၣ်န့ၣ်, အန့ၣ်တစုပကလဲၤလီၤ. အဂ့ၢ်ဒ်အံၤ, တၢ်န့ၣ်ကမ့ၢ်တၢ်ပနီၣ်တမံၤလၢ ယွၤဟ့ၣ်ပှၤတၢ်မၤနၢၤလၢအဝဲသ့ၣ်အဖီခိၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:6

စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤန့ၣ်, “မ်ပလဲၤခီဃီၤဆူပှၤတစူၢ်တနာ်ယွၤ, ပှၤဖလ့ၡသးဖိတဖၣ် အသူၣ်ဒဲလီၢ်တက့ၢ်. ဘၣ်သ့ၣ်သ့ၣ်ယွၤကမၤစၢၤပှၤလီၤ. အဝဲမ့ၢ်မၤစၢၤပှၤဒီးဖဲန့ၣ်ပမ့ၢ်အိၣ်စှၤဂၤသနာ်က့, တၢ်လၢအကတြီအီၤ ဒ်သိးကဟ့ၣ်ပှၤတၢ်မၤနၢၤန့ၣ်တအိၣ်ဘၣ်နီတမံၤဘၣ်.”