လံာ်ပှၤစံၣ်ညီၣ်ကွီၢ် 1:33 - Sgaw Karen Common Bible

³³ ဒီးနးသၤလံအဒူၣ်တနီၣ်ထီၣ်ကွံာ်ပှၤအိၣ်လၢဝ့ၢ်ဘ့ၤသၡ့မ့ၣ် ဒီးဝ့ၢ်ဘ့ၤသၤနးအပူၤဘၣ်န့ၣ်လီၤ. ဒီးနးသၤလံအပှၤဂီၢ်မုၢ်အိၣ်ဆိးဃုာ်ဒီးပှၤကနၤဧၣ်ဖိလၢ အအိၣ်ဖဲန့ၣ်တဖၣ်ဒီးမၢဆူၣ်အဝဲသ့ၣ်လၢကမၤတၢ်လၢအဝဲသ့ၣ်အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:33 Iomraidhean Croise

စံးထီၣ်ပတြၢၤ 18:24

ယွၤဟ့ၣ်ဘျုးက့ၤယၤဒ်ယတၢ်တီတၢ်လိၤအသိး, အဝဲဆိၣ်ဂ့ၤယၤမ့ၢ်လၢ ယတၢ်ဒဲးဘးတအိၣ်ဘၣ်အဃိန့ၣ်လီၤ.

လံာ်စီၤယိၤၡူ 15:10

ဒီးဖဲန့ၣ်လဲၤတရံးတၢ်လၢဘဧၤလၤအမုၢ်နုာ် ဆူကီၢ်အဒိၣ်အကစၢၢ်ကလိ, ဒီးလဲၤဆူကစၢၢ်ယဧၤရံၣ်အကလံၤစိး (မ့တမ့ၢ်ကစ့လိၣ်), ဒီးလီၤဆူဝ့ၢ်ဘ့ၤသၡ့မ့ၣ်ဒီးလဲၤပူၤကွံာ်ဝ့ၢ်တံးမနၤလီၤ.

လံာ်ပှၤစံၣ်ညီၣ်ကွီၢ် 1:30

ဒီးစဘူလိၣ်အဒူၣ်တနီၣ်ထီၣ်ကွံာ်ပှၤအိၣ်ဖဲဝ့ၢ်ကံဘြိၣ်ဒီးဝ့ၢ်နၤဟလိလးအပူၤဘၣ်အဃိ ပှၤကနၤဧၣ်ဖိလၢအအိၣ်ဆိးဃုာ်ဒီးအဝဲသ့ၣ်တဖၣ်ဖဲန့ၣ်, ဘၣ်တၢ်မၤဆူၣ်အီၤလၢကမၤတၢ်လၢအဝဲသ့ၣ်အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:32

ဒီးအၤၡ့ၢ်အပှၤဂီၢ်မုၢ်အိၣ်ဆိးဃုာ်ဒီးပှၤကနၤဧၣ်လၢအအိၣ်ဖဲ န့ၣ်တဖၣ်မ့ၢ်လၢတဟီထီၣ်ကွံာ်အဝဲသ့ၣ်ဘၣ်အဃိန့ၣ်လီၤ.

လံာ်ပှၤစံၣ်ညီၣ်ကွီၢ် 1:34

ဒီးပှၤအမိၢ်ဖိတဖၣ်မၢဆူၣ်ဒၣ်အဒူၣ်အပှၤဂီၢ်မုၢ်လဲၤဆူကစၢၢ်ကလိဒီးတပျဲအဝဲသ့ၣ်ဟဲလီၤဆူတၢ်ပၢၤခိၣ်ဘၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:35

ဒီးပှၤအမိၢ်ဖိတဖၣ်အိၣ်ဆိးထွဲဒံးဖဲဝ့ၢ်အးယၤလိၣ်ဒီးဝ့ၢ်ၡးလဘံၣ်အပူၤဒီးကစၢၢ်ဃ့ရ့းအလိၤန့ၣ်လီၤ. ဘၣ်ဆၣ်အ့ဖရဲၣ်ဒီးမနၤၡ့ၤအဒူၣ်ပာ်အီၤလၢအဝဲသ့ၣ်အတၢ်ပၢအဖီ လာ်ဒီးမၢဆူၣ်အီၤလၢကမၤတၢ်လၢအဝဲသ့ၣ်အဂီၢ်န့ၣ်လီၤ.