လံာ်ပှၤစံၣ်ညီၣ်ကွီၢ် 1:23 - Sgaw Karen Common Bible

²³ အကတီၢ်ဖဲန့ၣ်ဝ့ၢ်အံၤဘၣ်တၢ်ကိးအီၤလၢဝ့ၢ်လူးစးန့ၣ်လီၤ. အဝဲသ့ၣ်ဆှၢလီၤပှၤကွၢ်ဟုၣ်ကွၢ်စုးတၢ်တဖၣ်ဆူဝ့ၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:23 Iomraidhean Croise

လံာ်တၢ်ကဲထီၣ်အခီၣ်ထံး 28:19

ဒီးကိးဝဲတၢ်လီၢ်အံၤလၢဝ့ၢ်ဘ့ၤသ့လးန့ၣ်လီၤ. (ဝ့ၢ်လၢအအိၣ်ဖဲအံၤန့ၣ်တဘျီဘၣ်တၢ်သ့ၣ်ညါတ့ၢ်အီၤဒ်ဝ့ၢ်လူး စးအသိးန့ၣ်လီၤ.)

လံာ်တၢ်ကဲထီၣ်အခီၣ်ထံး 35:6

စီၤယၤကိာ်ဟဲဃီၤဝဲဒီးအပှၤဂီၢ်မုၢ်ခဲလၢာ်ဆူဝ့ၢ်လူးစးလၢ ခဲအံၤဘၣ်တၢ်သ့ၣ်ညါအီၤဒ်ဝ့ၢ်ဘ့ၤသ့လး, လၢအအိၣ်လၢကီၢ်ကနၤဧၣ်အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 48:3

စီၤယၤကိာ်စံးဘၣ်စီၤယိၤသး, “သ့တၢ်လၢာ်ကစၢ်ယွၤလီၣ်ဖျါ ထီၣ်အသးလၢယၤဖဲဝ့ၢ်လူးစလၢကီၢ်ကနၤဧၣ်အပူၤဒီးဆိၣ်ဂ့ၤ ယၤလီၤ.

လံာ်စီၤယိၤၡူ 16:1

စီၤယိၤသးအစၢၤအသွဲၣ်တဖၣ်အဂီၢ်တၢ်လီၢ်လၢတၢ်နီၤလီၤန့ၢ်အီၤန့ၣ် စးထီၣ်လၢထံကျိယၢ်ဒ့ၣ်ဖဲဝ့ၢ်ယရံၤဃိအဃၢၤ, ယရံၤဃိ အထံမူကျိအမုၢ်ထီၣ်တခီပၢၢ်တုၤလၢပှၢ်မုၢ်ကနၢ လၢအလဲၤထီၣ်လၢဝ့ၢ်ယရံၤဃိပၢၢ်တုၤလၢကစၢၢ်ကလိအကျါလၢ ဝ့ၢ်ဘ့ၤသ့လး,

လံာ်စီၤယိၤၡူ 16:2

ဝံၤဒီးလဲၤထီၣ်လၢဝ့ၢ်ဘ့ၤသ့လးဆူဝ့ၢ်လူးစးဒီးလဲၤတုၤ လၢဧးတၤရိးလၢအမ့ၢ်ပှၤအၢ်ကံဖိအကီၢ်,

လံာ်စီၤယိၤၡူ 18:13

ဝံၤဒီးကီၢ်ဆၢန့ၣ်လဲၤဆူတၢ်ပၤလီၤလၢဝ့ၢ်လူးစးအကလံၤထံး (ဘၣ်တၢ်ကိးစ့ၢ်ကီးလၢဘ့ၤသ့လး) ဒီးဆူဝ့ၢ်ဧးတၤရိးအးဒၢ်, လၢအအိၣ်လၢကစၢၢ်လၢအအိၣ်လၢဝ့ၢ်အကလံၤထံးလာ်ခီ အလိၤန့ၣ်လီၤ.

လံာ်စီၤယိၤၡူ 2:1

ဒီးစီၤနိၣ်အဖိခွါစီၤယိၤၡူမၢလီၤပှၤကွၢ်ဟုၣ်ကွၢ် စုးတၢ်ခံဂၤလၢသူၣ်ဒဲလီၢ်ၡံးတံၣ်အိၣ်ဒီးတၢ်မၤလိာ်အဝဲသ့ၣ် လၢအကလဲၤတၢ်, ဒီးလၢတၢ်ခူသူၣ်အပူၤကကွၢ်ဃုသ့ၣ်ညါကီၢ်ကနၤဧၣ်, လီၤဆီဒၣ်တၢ်ဝ့ၢ်ယရံၤဃိန့ၣ်လီၤ. ဖဲအဝဲသ့ၣ်လဲၤတုၤလၢဝ့ၢ်န့ၣ်ဒီး, လဲၤနုာ်မံဝဲဖဲပှၤဃဲသဲမုၣ်နီၢ်ရၤဃးအဟံၣ်န့ၣ်လီၤ.

လံာ်စီၤယိၤၡူ 7:2

စီၤယိၤၡူမၢလီၤပှၤတနီၤလၢဝ့ၢ်ယရံၤဃိဆူဝ့ၢ်ဂဲ, ဝ့ၢ်လၢအအိၣ်လၢဘ့ၤသ့လးအမုၢ်ထီၣ်ဘူးဒီးဘ့ၤသအၤဝ့ၣ်, ဒီးဟ့ၣ်လီၤအကလုၢ်လၢကလဲၤဒီးကွၢ်ဟုၣ်ကွၢ်စုးကီၢ်န့ၣ်လီၤ. ဖဲအဝဲသ့ၣ်မၤတၢ်အံၤဝံၤဒီး,

လံာ်ပှၤစံၣ်ညီၣ်ကွီၢ် 1:22

ဒီးအ့ဖရဲၣ်ဒီးမနၤၡ့ၤအဒူၣ်တဖၣ်လဲၤဒ်သိးအကဒုးဝ့ၢ်ဘ့ၤသ့လး န့ၣ်လီၤ. ဒီးယွၤမၤစၢၤအဝဲသ့ၣ်လီၤ.

လံာ်ပှၤစံၣ်ညီၣ်ကွီၢ် 18:2

မၤသးဒ်န့ၣ်ဒီး, ပှၤဒၣ်ဖိတဖၣ်ဃုထၢထီၣ်ပှၤအကြၢးအဘၣ်ယဲၢ်ဂၤ လၢဟံၣ်ဒူၣ်ဃီထၢတဖၣ်လၢဒၣ်အဒူၣ်အကျါဒီးဆှၢလီၤအီၤလၢ ဝ့ၢ်စိးရၤဒီးအ့ၤၡတိလး ဒီးမၤလိာ်အီၤလၢကဃုထံၣ်န့ၢ်တၢ်လီၢ်တတီၤန့ၣ်လီၤ. အဝဲသ့ၣ်တုၤဃီၤလၢအ့ဖရဲၣ်အကစၢၢ်ကလိဖဲစီၤမံၤကါအဟံၣ်လီၤ.