လံာ်ပှၤစံၣ်ညီၣ်ကွီၢ် 1:20 - Sgaw Karen Common Bible

²⁰ ဒ်စီၤမိၤၡ့မၤလိာ်တ့ၢ်ဝဲအသိးတၢ်ဟ့ၣ်လီၤဝ့ၢ်ဃ့ဘြိၣ်ဆူ စီၤကၤလ့းန့ၣ်လီၤ. ဒီးအဝဲနီၣ်ထီၣ်ကွံာ်စီၤဧနးအဒူၣ်အထၢသၢဒူၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:20 Iomraidhean Croise

လံာ်တၢ်ဂံၢ် 13:22

အဆိကတၢၢ်အဝဲသ့ၣ်လဲၤဆူကီၢ်န့ၣ်အကလံၤထံးတကပၤ တုၤဆူဝ့ၢ်ဃ့ဘြိၣ်, တၢ်လီၢ်ဖဲစီၤအဃံမ့ၣ်, စီၤၡ့ၤၡဲ, ဒီးစီၤတးလမဲအဒူၣ်ထၢတဖၣ်ပှၤဟဲလီၤစၢၤလၢပှၤတကလုာ်လၢအနီၢ် ဒိၣ်နီၢ်သွါတဖၣ်လၢပှၤကိးအီၤလၢပှၤဧနးဖိအိၣ်ဝဲဆိးဝဲအလီၢ်န့ၣ်လီၤ. (ဝ့ၢ်ဃ့ဘြိၣ်န့ၣ်ဘၣ်တၢ်သူၣ်ထီၣ်အီၤဆိန့ၣ်ဝ့ၢ်စိၤဧၢ်လၢကီၢ် အဲၤကူပတူးအပူၤနွံနံၣ်န့ၣ်လီၤ.)

လံာ်တၢ်ဂံၢ် 14:24

ဘၣ်ဆၣ်, မ့ၢ်လၢယခ့ယပှၤစီၤကၤလ့းအိၣ်ဒီးတၢ်ပာ်သူၣ်ပာ်သးလီၤ ဆီတမံၤဒီးအသးတီတ့ၢ်ဒီးယၤအဃိ, ယကလဲၤကိးနုာ်အီၤဆူကီၢ်တဘ့ၣ်လၢအလဲၤဃုထံၣ်သ့ၣ်ညါတ့ၢ်ဝဲ အပူၤဒီးအဝဲအစၢၤအသွဲၣ်တဖၣ်ကမၤန့ၢ်ကီၢ်တဘ့ၣ်န့ၣ်,

လံာ်သိၣ်လီၤသီလီၤတၢ် 1:36

ထဲဒၣ်စီၤယဖူန့ၤအဖိခွါစီၤကၤလ့းဧိၤကနုာ်လီၤဘၣ်ဆူကီၢ် န့ၣ်လီၤ. အဝဲအသးတီတ့ၢ်ယၤဒီးယကဟ့ၣ်အီၤဒီးအဝဲအစၢၤအသွဲၣ်တဖၣ်လၢ ကီၢ်တဘ့ၣ်လၢအဝဲလဲၤကွၢ်ဟုၣ်ကွၢ်စုးတ့ၢ်ဝဲန့ၣ်လီၤ.

လံာ်စီၤယိၤၡူ 10:36

တၢ်အံၤဝံၤဒီး, စီၤယိၤၡူဒီးအသုးမုၢ်ဟးထီၣ်လၢဝ့ၢ်ဧ့းက လိၣ်ဆူဝ့ၢ်ဃ့ဘြိၣ်ဒီးဒုးအီၤန့ၣ်လီၤ.

လံာ်စီၤယိၤၡူ 11:21

ဒီးအကတီၢ်ဖဲန့ၣ်စီၤယိၤၡူလဲၤဒီးမၤဟး ဂီၤကွံာ်ပှၤနီၢ်ဒိၣ်တကလုာ်လၢအဘၣ်တၢ်ကိးအီၤလၢပှၤဧနးဖိလၢ အအိၣ်လၢကီၢ်လၢကစၢၢ်ကလိအလိၤလၢအမ့ၢ်ဃ့ဘြိၣ်, ဒဘံၢ်, ဧနး, ဒီးလၢယူဒၤဒီးအံၣ်စရ့လးအကီၢ်လၢကစၢၢ်ကလိအလိၤခဲ လၢာ်န့ၣ်လီၤ.

လံာ်စီၤယိၤၡူ 14:15

တချုးတၢ်အံၤန့ၣ်, ဝ့ၢ်ဃ့ဘြိၣ်ဘၣ်တၢ်ကိးအီၤလၢဝ့ၢ်အၢ်ဘၤလီၤ. (အၢ်ဘၤမ့ၢ်တ့ၢ်ပှၤအဒိၣ်ကတၢၢ်လၢပှၤဧနးက့ၣ်ဖိအကျါန့ၣ်လီၤ.) ဒီးထံကီၢ်ဆိကတီၢ်ဝဲလၢတၢ်ဒုးတၢ်ယၤလီၤ.

လံာ်ပှၤစံၣ်ညီၣ်ကွီၢ် 1:10

ဒီးအဝဲသ့ၣ်လဲၤထီၣ်ထီဒါပှၤကနၤဧၣ်ဖိအိၣ်လၢဝ့ၢ်ဃ့ဘြိၣ်လၢ တၢ်ညီနုၢ်ကိးအီၤလၢဝ့ၢ်ကံးရယးအၢ်ဘၤန့ၣ်လီၤ. ဖဲန့ၣ်, အဝဲသ့ၣ်မၤနၢၤကွံာ်စီၤၡ့ၤၡဲအဒူၣ်, စီၤအဃံမ့ၣ်အဒူၣ်ဒီး စီၤတၤလမဲအဒူၣ်တဖၣ်န့ၣ်လီၤ.