လံာ်ပှၤစံၣ်ညီၣ်ကွီၢ် 1:18 - Sgaw Karen Common Bible

¹⁸ ယူဒၤအပှၤဂီၢ်မုၢ်မၤန့ၢ်ဝ့ၢ်ဂါစၤဒီးအလီၢ်ကဝီၤ, ဝ့ၢ်အၤၡကလိၣ်ဒီးအလီၢ်ကဝီၤ, ဝ့ၢ်ဧ့ဘြိၣ်ဒီးအလီၢ်ကဝီၤန့ၣ်လီၤ.

လံာ်ပှၤစံၣ်ညီၣ်ကွီၢ် 1:18 Iomraidhean Croise

လံာ်စီၤပၤအခီၣ်ထံးတဘ့ၣ် 4:24

စီၤၡလိၤမိၤပၢဘၣ်ထံကီၢ်ခဲလၢာ်လၢအအိၣ်လၢထံကျိဖရၤသး အမုၢ်နုာ်, စးထီၣ်လၢဝ့ၢ်တံပစၤလၢအအိၣ်ထံကျိဖရၤသးအကၢၢ်ခိၣ် ဒီးယံၤဝဲလၢမုၢ်နုာ်, တုၤဆူဝ့ၢ်ဂါစၤန့ၣ်လီၤ. ကယဲၢ်စီၤပၤလၢအအိၣ်လၢထံကျိဖရၤသးအမုၢ်နုာ်တဖၣ်အိၣ်လၢအဝဲ အတၢ်ပၢအဖီလာ်ဒီးအဝဲအိၣ်ဃူအိၣ်ဖိးဒီးထံကီၢ်အိၣ်ဘူးအိၣ် တံၢ်ခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 23:31

ယကမၤလဲၢ်ထီၣ်သုကီၢ်အဆၢစးထီၣ်လၢပီၣ်လဲၣ်က့ၣ်ကျီၤအကၣ်ဘၣ် ပၢၢ်တုၤလၢထံကျိဖးဒိၣ်ဖရၤသးဒီးစးထီၣ်လၢပီၣ်လဲၣ်ဖးဒိၣ် မဲးဒံးထၢၣ်ရ့နယၢၣ်တုၤလၢပှၢ်မုၢ်ကနၢန့ၣ်လီၤ. ယကဟ့ၣ်သုတၢ်စိတၢ်ကမီၤလၢပှၤအိၣ်လၢကီၢ်န့ၣ်တဖၣ်အဖီခိၣ်ဒီး သုကနီၣ်ထီၣ်ကွံာ်အီၤဖဲသုလဲၤထီၣ်ဒုးတၢ်န့ၣ်လီၤ.

လံာ်ယံးရမံယၤ 25:20

ကီၢ်အဲၤကူပတူးအစီၤပၤ, အပဒိၣ်ပပှၢ်တဖၣ်ဒီး အခိၣ်အနၢ်တဖၣ်, ဒီးပှၤအဲၤကူပတူးဖိခဲလၢာ်, ပှၤတခီဘီမုၢ်ဖိတဖၣ်လၢ အအိၣ်လၢ ကီၢ်အဲၤကူပတူးအပူၤ ကီၢ်ဧူးစးအစီၤပၤခဲလၢာ်, စီၤပၤခဲလၢာ်လၢ ကီၢ်ဖလ့ၡသးအဝ့ၢ်တဖၣ်လၢ အမ့ၢ်ဝဲ အၤၡကလိၣ်, ဂါစၤဒီးဧ့ကြိၣ်အပူၤ, ဒီးဝ့ၢ်အၤစဒိးအပှၤအိၣ် လီၤတဲာ်တဖၣ်.

လံာ်ယံးရမံယၤ 47:5

တၢ်သူၣ်အုးသးအုးဖးဒိၣ် တုၤအိၣ်ဝ့ၢ်ဂါစၤအပှၤဂီၢ်မုၢ် ဒီးဝ့ၢ်အၤၡကလိၣ်အပှၤဂီၢ်မုၢ်အိၣ်ဘှ့ၣ်အိၣ်ဘှီၣ်ဝဲလီၤ. တၢ်လီၢ်အဂၤအိၣ်လီၤတဲာ်လၢကီၢ်ဖလ့ၡသး, ကဘၣ်မိၢ်ဘၣ်မးဒီး ဂဲာ်လီၤအသး, ဒံးဆံးယံာ်လဲၣ်.

လံာ်သိၣ်လီၤသီလီၤတၢ် 2:23

ဖဲကီၢ်လၢအအိၣ်လၢ ပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အကၢၢ် ခိၣ်တရဲာ်န့ၣ်ပှၤဂီၢ်မုၢ်လၢကီးကြ့တ့ၤတဖၣ် သူၣ်လီၤဆီလီၤအတၢ်အိၣ်တၢ်ဆိးအလီၢ်န့ၣ်လီၤ. အဝဲသ့ၣ်မၤဟးဂီၤကွံာ် ပှၤဧ့ၤဝံဖိလၢအအိၣ်ဆိးတ့ၢ်လၢပျၢၤလံၤ လံၤဖဲန့ၣ်တဖၣ်ဒီးဟံးန့ၢ်ကွံာ်အဝဲသ့ၣ်အကီၢ်ယံၤဝဲလၢ ကလံၤထံးတကပၤတုၤလၢဝ့ၢ်ဧးစၤန့ၣ်လီၤ.)

လံာ်စီၤယိၤၡူ 11:22

ဒီးလၢပှၤအံၣ်စရ့လးဖိတဖၣ်အကီၢ်ပူၤန့ၣ်, ပှၤဧနးဖိ တအိၣ်လီၤတဲာ်နီတဂၤလၢၤဘၣ်န့ၣ်လီၤ. အိၣ်တီၢ်ဒၣ်စှၤဂၤလၢဝ့ၢ်ဂါစၤ, ဝ့ၢ်ကၤသးဒီးဝ့ၢ်အၤစဒိာ် အပူၤန့ၣ်လီၤ.

လံာ်စီၤယိၤၡူ 13:3

ဃုာ်ဒီးပှၤဧၤဝံဖိအကီၢ်လၢကလံၤထံးန့ၣ်လီၤ. (ကီၢ်လၢထံကျိဖိၡံဃိၢ်လၢကီၢ်အဲၤကူပတူးအမုၢ်ထီၣ်ဆူကလံၤစိး တုၤဆူဧ့ကြိၣ်အကီၢ်ဆၢလၢတၢ် ပာ်လၢပှၤကနၤဧၣ်ဖိအဂီၢ်န့ၣ်လီၤ. ပှၤဖလ့ၡသးဖိအစီၤပၤအိၣ်ဝဲယဲၢ်ဂၤ လၢအမ့ၢ်ဝဲဂါစၤအၤစဒိာ်, အၤၡကလိၣ်, ကၤသး, ဧ့ကြိၣ်အစီၤပၤန့ၣ်လီၤ).

လံာ်စီၤယိၤၡူ 15:11

ကီၢ်ဆၢန့ၣ်လဲၤထီၣ်ဆူကစၢၢ်လၢဝ့ၢ်ဧ့ကြိၣ်အကလံၤစိး, တရံးအသးဆူဝ့ၢ်ၡံကြိၣ်ပူၤကွံာ်ကစၢၢ်ဘဧၤလးဒီးဆူညါဆူ ဝ့ၢ်ယးဘန့လးလီၤ. လဲၤကတၢၢ်ဝဲဖဲပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်

လံာ်ပှၤစံၣ်ညီၣ်ကွီၢ် 14:19

သတူၢ်ကလာ်န့ၣ်ယွၤအစိကမီၤမၤဆူၣ်ထီၣ်အဂံၢ်အဘါဒီးအဝဲဒၣ်လဲၤ လီၤဝဲဆူဝ့ၢ်အၤၡကလိၣ်ဒီးမၤသံကွံာ်ပှၤအဂၤသၢဆံ, ဘ့ၣ်ကွံာ်အကူအသိး, ဒီးဟ့ၣ်လီၤကွံာ်အတၢ်ကူတၢ်သိးတဖၣ်န့ၣ် ဆူပှၤလၢအစံးဆၢတၢ်ပှိၤပှံပှိၤပှီၢ်တဖၣ်အအိၣ်န့ၣ်လီၤ. အန့ၣ်ဝံၤဒီးက့ၤဝဲဒၣ်ဆူအဟံၣ်လၢတၢ်သူၣ်ဒိၣ်သးဖျိးအပူၤလၢ တၢ်မၤတ့ၢ်အသးတဖၣ်အဃိလီၤ.

လံာ်ပှၤစံၣ်ညီၣ်ကွီၢ် 16:21

ပှၤဖလ့ၡသးဖိတဖၣ်ဖီၣ်န့ၢ်အီၤဒီးထုးထီၣ်ကွံာ်အမဲာ်ချံလီၤ. ဒီးအဝဲသ့ၣ်လဲၤစိာ်အီၤဆူဝ့ၢ်ဂါစၤ, စၢအီၤလၢထးသွဲတိၢ်ဘီတဖၣ်ဒီးမၢအဂူာ်ဆၢၣ်ဂူာ်လၢဃိာ်ပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 3:3

ပှၤတဖၣ်လၢအအိၣ်လီၤတဲာ်လၢကီၢ်ပူၤမ့ၢ်ဝဲ, ပှၤဖလ့ၡသးဖိ အပဒိၣ်ယဲၢ်ဂၤ, ပှၤကနၤဧၣ်ဖိခဲလၢာ်, ပှၤစံဒိၣ်ဖိတဖၣ်, ဒီးပှၤဃံၤဝံဖိတဖၣ်လၢအအိၣ်ဆိးလၢလဘၤနိၣ်အကစၢၢ်ကလိအကျါ စးထီၣ်လၢကစၢၢ်ဘဧၤလးဃ့ရမိၣ်တုၤလၢဝ့ၢ်ဃမါသးအတၢ်ဟဲနုာ်ဟးထီၣ်အကျဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:17

ပှၤဖလ့ၡသးဖိတဖၣ်ဆှၢလီၤတၢ်အချံထီၣ်ဒီးညိးအဂီၤထူယဲၢ်ခါ ဆူယွၤအအိၣ်ဒ်တၢ်ဟ့ၣ်ကနၢၤအသိး လၢတၢ်လိးက့ၤတၢ်လၢအတၢ်ဒဲးဘးတဖၣ်အဂီၢ်, လၢဝ့ၢ်အၤစဒိး, ဝ့ၢ်ဂါစၤ, ဝ့ၢ်အၤၡကလိၣ်, ဝ့ၢ်ကၤသးဒီးဝ့ၢ်ဧ့ကြိၣ်အဂီၢ်တခါစုာ်စုာ်န့ၣ်လီၤ.