လံာ်ပှၤစံၣ်ညီၣ်ကွီၢ် 1:17 - Sgaw Karen Common Bible

¹⁷ ဒီးယူဒၤအပှၤဂီၢ်မုၢ်လဲၤဃုာ်တၢ်ဒီးစူၤမ့းအိၣ်အပှၤ, ဒီးအဝဲသ့ၣ်မၤနၢၤကွံာ်ပှၤကနၤဧၣ်ဖိတဖၣ်လၢအအိၣ်ဆိးဝဲလၢ ဝ့ၢ်စ့ဖးအပူၤန့ၣ်လီၤ. အဝဲသ့ၣ်ဆိၣ်အၢဝ့ၢ်န့ၣ်, ဒီးအဝဲသ့ၣ်မၤဟးဂီၤဝ့ၢ်န့ၣ်ဒီးကိးအီၤလၢဝ့ၢ်ဃိၢ်မါလီၤ.

လံာ်ပှၤစံၣ်ညီၣ်ကွီၢ် 1:17 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 14:10

စီၤအၤစါဟးထီၣ်လၢကလဲၤဒုးအီၤအဂီၢ်, ဒီးပှၤခံခီလိာ်ဟံး န့ၢ်အတၢ်လီၢ်ဖဲကစၢၢ်ကဆူးစဖၤသး, ဘူးဒီးဝ့ၢ်မရ့ၡၤန့ၣ်လီၤ.

လံာ်တၢ်ဂံၢ် 14:45

တုၤနုၤတစု, ပှၤဧမၤလ့းဖိတဖၣ်ဒီးပှၤကနၤဧၣ်ဖိတဖၣ်လၢအအိၣ် လၢတၢ်လီၢ်ဖဲန့ၣ်, ဒုးအဝဲသ့ၣ်ဒီးမၤနၢၤကွံာ်အဝဲသ့ၣ်ဒီးလူၤထွဲ အဝဲသ့ၣ်ယံၤတုၤလၢဃိၢ်မါန့ၣ်လီၤ.

လံာ်တၢ်ဂံၢ် 21:3

ယွၤနၢ်ဟူအဝဲသ့ၣ်ဒီးမၤစၢၤအီၤလၢကမၤနၢၤပှၤကနၤဧၣ်ဖိ တဖၣ်လီၤ. မၤသးဒ်န့ၣ်ဒီး, ပှၤအံၣ်စရ့လးဖိတဖၣ်မၤဟးဂီၤကွံာ် ပှၤကနၤဧၣ်ဖိဒီးအဝ့ၢ်တဖၣ်လၢာ်လၢာ်ဆ့ဆ့ဒီးယုၢ်တၢ်လီၢ်န့ၣ် အမံၤလၢကီၢ်ဃိၢ်မါလီၤ.

လံာ်စီၤယိၤၡူ 19:4

အ့းလတိလး, ဘသူလး, ဃိၢ်မါ,

လံာ်ပှၤစံၣ်ညီၣ်ကွီၢ် 1:3

ဒီးယူဒၤအပှၤဂီၢ်မုၢ်စံးဘၣ်စူၤမ့းအိၣ်အပှၤဂီၢ်မုၢ်, “လဲၤဃုာ်ဒီးပှၤဆူကီၢ်လၢတၢ်ဟ့ၣ်လီၤပှၤမူဒါဒ်သိးပကဒုးသကိးပှၤကနၤဧၣ်ဖိတဖၣ်တက့ၢ်. မ့ၢ်ဝံၤဒီးပကလဲၤသကိးဒီးသုဆူကီၢ်လၢတၢ်ဟ့ၣ်မူဟ့ၣ်ဒါသု န့ၣ်လီၤ.” မၤသးဒ်န့ၣ်ဒီးစူၤမ့းအိၣ်အဒူၣ်ဒီးယူဒၤအဒူၣ်လဲၤသကိးဆူ တၢ်ဒုးတၢ်ယၤအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:30

ဒီးဆူပှၤဂီၢ်မုၢ်လၢဝ့ၢ်ဃိၢ်မါ, ဒီးဆူဝ့ၢ်ဘီၣ်ရၤၡၣ်ဒီး ဝ့ၢ်ဧၤသး,