လံာ်ပှၤစံၣ်ညီၣ်ကွီၢ် 1:16 - Sgaw Karen Common Bible

¹⁶ ဒီးပှၤက့ၣ်ဖိ, စီၤမိၤၡ့အမံၤပှၢ်အစၢၤအသွဲၣ်တဖၣ်လဲၤဃုာ်တၢ် ဒီးယူဒၤအပှၤဂီၢ်မုၢ်စးထီၣ်လၢဝ့ၢ်ယရံၤဃိ, ဝ့ၢ်လၢအအိၣ်ဒီးသ့ၣ်စူၣ်ပလူၣ်တဖၣ်ဒီးပၢၢ်တုၤဆူကီၢ်ယူဒၤ အဝ့ၢ်ဧရးအကလံၤထံးဖဲတၢ်မုၢ်တၢ်ဘိတကဲထီၣ်ဘၣ်အလီၢ်န့ၣ်လီၤ. ဒီးဖဲန့ၣ်အဝဲသ့ၣ်အိၣ်ဆိးဃုာ်ဒီးပှၤဧမၤလ့းဖိတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:16 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 2:55

(ပှၤတံရသးဖိ, ပှၤၡံမဧးဖိဒီးပှၤစူးကိၤသးဖိလၢအအိၣ်လၢ ဝ့ၢ်ယၤဘး, မ့ၢ်ဒူၣ်ထၢတဖၣ်လၢအအိၣ်ဒီးတၢ်သ့တၢ်ဘၣ်လၢတၢ်ကွဲးလံာ်ကွဲး လဲၢ်ဒီးတၢ်ကွဲးဆဲတၢ်ဂ့ၢ်တၢ်ကျိၤတဖၣ်န့ၣ်လီၤ.) အဝဲသ့ၣ်မ့ၢ်ပှၤက့ၣ်ဖိတဖၣ်လၢအဒိးတ့ဒိးဖျီဃုာ်တ့ၢ်အသးဒီး ပှၤဃၤမးရ့ကးဖိတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:16

စီၤပၤအၤဃးမၢကီၢ်အၤၡူၢ်အစီၤပၤဖးဒိၣ်, စီၤတံးကလးပလ့စ့ၢ်ဆှၢလီၤန့ၢ်အီၤတၢ်မၤစၢၤ,

လံာ်တၢ်ဟးထီၣ်ကွံာ် 18:1

စီၤမိၤၡ့အမံၤပှၢ်ပိာ်ခွါ, ပှၤမံးဒယၣ်ဖိအပှၤလုၢ်တၢ်အခိၣ် စီၤယံးသရိၤနၢ်ဟူတၢ်ဂ့ၢ်ကိးမံၤလၢကစၢ်ယွၤမၤတၢ်လၢစီၤမိၤၡ့အဂီၢ်ဒီးကီၢ်အံၣ်စရ့လးအပှၤဂီၢ်မုၢ်အဂီၢ်ဖဲအထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 18:12

အန့ၣ်ဝံၤဒီးစီၤယံးသရိၤဟဲစိာ်တၢ်လုၢ်မၤဘူၣ်တမံၤလၢတၢ် ကဘၣ်ဆူးကဲၤထီၣ်အီၤခဲလၢာ်ဒီးတၢ်လုၢ်တၢ်ပာ်အဂၤတဖၣ်လၢ ကဘၣ်တၢ်လုၢ်ထီၣ်ပာ်ထီၣ်အီၤဆူကစၢ်ယွၤအအိၣ်န့ၣ်လီၤ. ဒီးစီၤအၤဟရိၣ်ဒီးကယဲၢ်ပှၤအံၣ်စရ့လးဖိအခိၣ်အနၢ်တဖၣ်လဲၤ ဃုာ်ဒီးအီၤဒ်သိးကအီၣ်တၢ်အီၣ်စီဆှံဒ်တၢ်ဘူၣ်ထီၣ်ဘါထီၣ်အတၢ် မၤတမံၤအသိးန့ၣ်လီၤ.

လံာ်တၢ်ဟးထီၣ်ကွံာ် 18:27

အန့ၣ်ဝံၤဒီး, စီၤမိၤၡ့ဆၢဂ့ၤဆၢဝါစီၤယံးသရိၤဖဲကလီၤ ဖးလိာ်သးအကတီၢ်ဒီးစီၤယံးသရိၤက့ၤက့ၤဝဲဆူအဟံၣ်န့ၣ်လီၤ.

လံာ်တၢ်ဟးထီၣ်ကွံာ် 18:7

လၢတၢ်န့ၣ်အဃိစီၤမိၤၡ့လဲၤထီၣ်ဒ်သိးကသဂၢၢ်အီၤဒီးဆုးလီၤ အခိၣ်လၢအမဲာ်ညါဒီးနၢမူအီၤန့ၣ်လီၤ. အဝဲသ့ၣ်သံကွၢ်လိာ်သကိးအသးတဂၤဒီးတဂၤလၢအတၢ်အိၣ်ဆူၣ်အိၣ် ချ့အဂ့ၢ်ဝံၤဒီးလဲၤနုာ်ဝဲဆူစီၤမိၤၡ့အဒဲပူၤန့ၣ်လီၤ.

လံာ်တၢ်ဟးထီၣ်ကွံာ် 3:1

ဒီးမုၢ်တနံၤဖဲစီၤမိၤၡ့ကွၢ်အမံၤပှၢ်ပှၤမံးဒယၣ်ဖိအပှၤလုၢ် တၢ်အခိၣ်စီၤယံးသရိၤအသိဒီးမဲာ်တဲးလဲးတဖၣ်အခါန့ၣ်, အဝဲလဲၤခီဖျိဝဲပှၢ်မုၢ်ကနၢဒီးလဲၤဝဲဆူကစၢၢ်ဃိၤရ့းလၢ အမ့ၢ်ယွၤအကစၢၢ်န့ၣ်လီၤ.

လံာ်တၢ်ဟးထီၣ်ကွံာ် 4:18

တုၤနုၤတစု, စီၤမိၤၡ့က့ၤကဒါက့ၤဆူအမံၤပှၢ်စီၤယံးသရိၤ အအိၣ်ဒီးစံးဘၣ်အီၤ, “ဝံသးစူၤပျဲယက့ၤကဒါက့ၤဆူယ ဘူးယတံၢ်တဖၣ်အအိၣ်လၢကီၢ်အဲၤကူပတူးအပူၤဒီးကွၢ်, မ့ၢ်အဝဲသ့ၣ်အိၣ်မူဒံးတဂၤဂၤဧါ.” ဒီးစီၤယံးသရိၤစံးဘၣ်အီၤ, “က့ၤမုာ်မုာ်တက့ၢ်,” န့ၣ်လီၤ.

လံာ်ယံးရမံယၤ 35:2

“လဲၤဆူပှၤရ့ကးဖိအဒူၣ်ထၢ အဟံၣ်ဖိဃီဖိတဖၣ်အအိၣ်ဒီး ကတိၤတၢ်ဒီး အဝဲသ့ၣ်တက့ၢ်. ဝံၤဒီးဟဲက့ၤ ကိးအဝဲ သ့ၣ်ဆူဒၢးအကျါတဒၢးလၢ ယွၤအတၢ်လုၢ်ဟံၣ်အပူၤဒီး ဟ့ၣ်အီအဝဲသ့ၣ် လၢစပံးထံတနီၤတက့ၢ်.”

လံာ်တၢ်ဂံၢ် 21:1

ဖဲကီၢ်ကနၤဧၣ်ကလံၤထံး, ကီၢ်ဧရးအစီၤပၤနၢ်ဟူဘၣ်ဝဲလၢပှၤ အံၣ်စရ့လးဖိတဖၣ်ဟဲဝဲလၢအသၤရံၣ်အကျဲန့ၣ်အဝဲလဲၤထီၣ်ဒုး ပှၤအံၣ်စရ့လးဖိဒီးဖီၣ်န့ၢ်အဝဲသ့ၣ်တနီၤန့ၣ်လီၤ.

လံာ်မးသဲ 3:1

လၢမုၢ်နံၤတဖၣ်န့ၣ်, ပှၤဘျၢတၢ်စီၤယိၤဟၣ်တဂၤလဲၤဝဲဆူပှၢ်မုၢ်ကနၢ လၢကီၢ်ယူဒၤအပူၤဒီးစံၣ်တဲၤတဲလီၤတၢ်လီၤ.

လံာ်သိၣ်လီၤသီလီၤတၢ် 34:3

ယူဒၤအတၢ်လီၢ်လၢကလံၤထံးတကပၤ, ဒီးတၢ်ပၢၤခိၣ်လၢအစးထီၣ် အသးလၢဝ့ၢ်စိၤဧၢ်တုၤဃီၤဆူသ့ၣ်စူၣ်ပလူၣ်တဖၣ်အဝ့ၢ်, ဝ့ၢ်ယရံၤဃိန့ၣ်လီၤ.

လံာ်သိၣ်လီၤသီလီၤတၢ် 34:4

အန့ၣ်ဝံၤဒီး, ယွၤစံးဘၣ်စီၤမိၤၡ့, “တၢ်အံၤမ့ၢ်ကီၢ်လၢ ယအၢၣ်လီၤတ့ၢ်စီၤအၤဘြၤဟၣ်, ဒီၤအံၤစဲးဒီးစီၤယၤကိာ်, လၢယကဟ့ၣ်လီၤအီၤဆူအဝဲသ့ၣ်အစၢၤအသွဲၣ်တဖၣ်န့ၣ်လီၤ. ယဒုးထံၣ်နၤတၢ်အံၤ, ဘၣ်ဆၣ်ယတပျဲနလဲၤနုာ်ဖဲန့ၣ်ဘၣ်.”

လံာ်စီၤယိၤၡူ 18:21

ဝ့ၢ်တဖၣ်လၢအဘၣ်ဃးဒီးဘံၣ်ယၤမံၣ်အဒူၣ်, ဒ်အဒူၣ်ဖိထၢဖိ အိၣ်ဝဲအသိးန့ၣ်မ့ၢ်ဝဲ, ယရံၤဃိ, ဘ့ၤသဃါကလၤ, ဧ့မဲးကစံး,

လံာ်ပှၤစံၣ်ညီၣ်ကွီၢ် 1:15

ဒီးအဝဲစံးဘၣ်အီၤ, “ယသးလီထံပူၤတနီၤလီၤ. တၢ်လီၢ်လၢနဟ့ၣ်တ့ၢ်ယၤန့ၣ်အိၣ်လၢကီၢ်အဃ့ထီတဘ့ၣ်အပူၤလီၤ.” မၤသးဒ်န့ၣ်ဒီးစီၤကၤလ့းဟ့ၣ်အီၤလၢထံထီၣ်ပၢၢ်လၢထးခီဒီး လာ်ခီတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:13

ဒီးစီၤပၤဧ့းကလိၣ်ပာ်ဖှိၣ်အသးဒီးပှၤအမိၢ်ဖိ, ဒီးပှၤဧမၤလ့းဖိ, ဒီးမၤနၢၤပှၤအံၣ်စရ့လးဖိဒီးမၤန့ၢ်ဝ့ၢ်ယရံၤဃိလၢအမ့ၢ် သ့ၣ်စူၣ်ပလိၣ်အဝ့ၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:11

ဖဲအကတီၢ်အဝဲန့ၣ်, ပှၤက့ၣ်ဖိစီၤဃ့ဘ့ၢ်သူၣ်ထီၣ်အဒဲဘူးဒီးက့ဒ့ၣ်, ဖဲပျီစၤဧနဲၣ်အသ့ထိးဖၣ်တထံးအဃၢၤန့ၣ်လီၤ. အဝဲဟးဖးတ့ၢ်ဒီးပှၤက့ၣ်ဖိအဂၤတဖၣ်လၢအမ့ၢ်စီၤမိၤၡ့အမံၤပှၢ်စီၤဃိဘာ်အစၢၤအသွဲၣ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:17

စီၤစံစရၤဃ့ၢ်နုၢ်ဆူပှၤက့ၣ်ဖိစီၤဃ့ဘ့ၢ်အမါနီၢ်ယဧ့လး အဒဲပူၤလီၤ. အဂ့ၢ်ဒ်အံၤ, ဝ့ၢ်ဃါစိၢ်အစီၤပၤယၤဘံၣ်မၤတ့ၢ်တၢ်ဃူတၢ်ဖိးဒီးပှၤဃ့ဘ့ၢ်အဒူၣ်ဖိထၢဖိ န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:6

အဝဲဆှၢလီၤတၢ်ဟ့ၣ်ပလီၢ်ဆူပှၤက့ၣ်ဖိတဖၣ်, ပှၤလၢအမိၢ်ပၢ်ဖံဖုလၢပျၢၤတဖၣ်သူၣ်အိၣ်သးအိၣ်တ့ၢ်ပှၤ အံၣ်စရ့လးဖိတဖၣ်ဖဲအဝဲသ့ၣ်ဟးက့ၤလၢကီၢ်အဲၤကူပတူးအပူၤဒီးစံးဝဲ, “ဟးထီၣ်ကွံာ်ဒီးပာ်တ့ၢ်ပှၤဧမၤလ့းဖိတဖၣ်ဒ်သိးယသုတမၤသံ ဘၣ်သုဃုာ်ဒီးအဝဲသ့ၣ်တဖၣ်န့ၣ်တက့ၢ်.” မၤသးဒ်န့ၣ်ဒီး, ပှၤက့ၣ်ဖိတဖၣ်ဟးထီၣ်ကွံာ်ဝဲဒၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 27:10

စီၤအၤကံၣ်သံကွၢ်အီၤ, “ခဲအံၤတဘျီနလဲၤဒုးတၢ်ဂုာ်တၢ်ဖဲလဲၣ်.” စီၤဒၤဝံးစံးဆၢဝဲလၢ, အဝဲလဲၤလီၤဆူကီၢ်ယူဒၤအကလံၤထံး, မ့တမ့ၢ်ဆူပှၤယရၤဃမအ့လးဖိအဒူၣ်ထၢအလီၢ်ကဝီၤ, မ့တမ့ၢ်ပှၤက့ၣ်ဖိအိၣ်ဆိးအလီၢ်ကဝီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:29

ဒီးဝ့ၢ်ရၤဃ့လးအအိၣ်, ဒီးဆူစီၤယရၤဃမအ့လးအဒူၣ်, ဒီးဆူပှၤဂီၢ်မုၢ်လၢဝ့ၢ်က့ၣ်,