လံာ်ပှၤစံၣ်ညီၣ်ကွီၢ် 1:12 - Sgaw Karen Common Bible

¹² ဒီးလၢအဝဲသ့ၣ်အကျါပှၤတဂၤလၢအဘၣ်တၢ်ကိးအီၤလၢစီၤကၤလ့း န့ၣ်စံးဝဲ, “ပှၤလၢအမၤနၢၤဝ့ၢ်ကံးရယးစ့ဖ့ၢ်တဂၤန့ၣ် ယကဖျီအီၤဒီးယဖိမုၣ်နီၢ်ဧၤကစ့ၤန့ၣ်လီၤ.”

လံာ်ပှၤစံၣ်ညီၣ်ကွီၢ် 1:12 Iomraidhean Croise

စံးထီၣ်ပတြၢၤ 60:9

ကစၢ်ယွၤဧၢ, မ့ၢ်မတၤတဂၤကဒုးလဲၤနုာ်ယၤဆူ ဝ့ၢ်အိၣ်ဒီးအခိၣ်ဒူန့ၣ်လဲၣ်. မ့ၢ်မတၤကဆှၢယၤဆူအဒိၣ်တဂၤန့ၣ်လဲၣ်.

လံာ်ယံးရမံယၤ 29:6

ဆီဟံၣ်ဆီဃီဒီး မၤန့ၢ်ဖိတဖၣ်တက့ၢ်. အန့ၣ်ဝံၤဒီး ပျဲသုဖိသုလံၤ ဆီဟံၣ်ဆီဃီဒ်သိး အဝဲသ့ၣ်စ့ၢ်ကီး အဖိအလံၤ ကအိၣ်ဝဲန့ၣ်တက့ၢ်. သုကဘၣ်အါထီၣ်လၢ နီၣ်ဂံၢ်ဒီး တဘၣ်စှၤလီၤဘၣ်.

လံာ်စီၤယိၤၡူ 15:15

ဒီးလဲၤထီၣ်ဝဲဖဲန့ၣ်ထီဒါပှၤဝ့ၢ်ဒဘံၢ်ဖိတဖၣ်လီၤ. (ဝ့ၢ်ဒဘံၢ်အမံၤလၢအပူၤကွံာ်မ့ၢ်ဝဲကံးရယးစ့ဖ့ၢ်လီၤ.)

လံာ်ပှၤစံၣ်ညီၣ်ကွီၢ် 1:11

စးထီၣ်ဖဲန့ၣ်ဒီးယူဒၤအပှၤပိာ်ခွါတဖၣ်လဲၤထီၣ်ထီဒါဝ့ၢ်ဒဘံၢ်, လၢတၢ်ကိးအီၤလၢဝ့ၢ်ကံးရယးစ့ဖ့ၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:13

စီၤကၤလ့းအပုၢ်စီၤကနးစးအဖိခွါစီၤဧီၤသန့လးမၤနၢၤဝ့ၢ်န့ၣ်သတးဒီး, စီၤကၤလ့းဖျီအီၤဒီးအဖိမုၣ်နီၢ်ဧၤကစ့ၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:25

အဝဲသ့ၣ်စံးလိာ်အသးတဂၤဒီးတဂၤ, “ကွၢ်အီၤတက့ၢ်. ကနၣ်အဝဲတၤတၢ်အတၢ်ကတိၤတက့ၢ်. စီၤပၤစီၤစီလူးအၢၣ်လီၤတၢ်လၢကဟ့ၣ်ခိၣ်ဖးဒိၣ်ဒိၣ်ကလဲာ်ဆူ ပှၤတဂၤလၢအမၤသံအီၤလီၤ. စီၤပၤကဟ့ၣ်အီၤစ့ၢ်ကီးလၢအဖိမုၣ်ဒ်သိးကဖျီအသးဒီးအပၢ် အဒူၣ်ဖိထၢဖိကဘၣ်ဟ့ၣ်တၢ်အခိအသွဲအလီၢ်တအိၣ်ဘၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 18:23

မၤသးဒ်န့ၣ်ဒီး, အဝဲသ့ၣ်တဲဘၣ်စီၤဒၤဝံးလၢတၢ်ဂ့ၢ်အံၤဒီးအဝဲ စံးဆၢဝဲဒၣ်, “တၢ်ကဲထီၣ်ဘၣ်စီၤပၤအမာ်န့ၣ်မ့ၢ်တၢ်လၤကပီၤ ဖးဒိၣ်တမံၤ, မ့ၢ်တၢ်ဒိၣ်ကဲာ်ဆိးလၢပှၤဒ်သိးယၤတဂၤလၢအဖှီၣ်ဒီးတလီၤပာ် ဒိၣ်ပာ်ကဲဘၣ်အဂီၢ်န့ၣ်လီၤ.”