လံာ်ပှၤစံၣ်ညီၣ်ကွီၢ် 1:10 - Sgaw Karen Common Bible

¹⁰ ဒီးအဝဲသ့ၣ်လဲၤထီၣ်ထီဒါပှၤကနၤဧၣ်ဖိအိၣ်လၢဝ့ၢ်ဃ့ဘြိၣ်လၢ တၢ်ညီနုၢ်ကိးအီၤလၢဝ့ၢ်ကံးရယးအၢ်ဘၤန့ၣ်လီၤ. ဖဲန့ၣ်, အဝဲသ့ၣ်မၤနၢၤကွံာ်စီၤၡ့ၤၡဲအဒူၣ်, စီၤအဃံမ့ၣ်အဒူၣ်ဒီး စီၤတၤလမဲအဒူၣ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:10 Iomraidhean Croise

လံာ်တၢ်ကဲထီၣ်အခီၣ်ထံး 37:14

အပၢ်စံးဘၣ်အီၤ, “လဲၤဒီးကွၢ်မ့ၢ်နဒီပုၢ်ဝဲၢ်ခွါသ့ၣ်တဖၣ် ဒီးသိတဖၣ်အိၣ်ဘၣ်မုာ်မုာ်ခုၣ်ခုၣ်ဂ့ၤဂ့ၤဘၣ်ဘၣ်ကစီဒီဧါ. ဒီးဟဲက့ၤတဲစံးယၤတက့ၢ်.” ဒီးအပၢ်ပျဲလီၤအီၤလၢအတၢ် လဲၤအကျဲလၢဝ့ၢ်ဃ့ဘြိၣ်အတြီၤပူၤန့ၣ်လီၤ. စီၤယိၤသးလဲၤတုၤဝဲဆူၡက့ၣ်,

လံာ်ပှၤစံၣ်တဲၤတဲလီၤတၢ် 9:11

ယသ့ၣ်ညါလီၤတံၢ်တၢ်အဂၤတမံၤလၢ, ဟီၣ်ခိၣ်အံၤပှၤဃ့ၢ် သတြီၤတၢ်ချ့တဖၣ်တမၤနၢၤတၢ်ပြၢထီဘိဘၣ်ဒီးပှၤအဒူတဖၣ် တမၤနၢၤတၢ်ဒုးထီဘိဘၣ်. ပှၤကူၣ်တၢ်သ့တဖၣ်မၤအီၣ်မၤအီ တကဲထီၣ်လိၣ်ထီၣ်ဘၣ်ထီဘိဘၣ်. ပှၤလၢအအိၣ်ဒီးတၢ်ကူၣ်တၢ်ဆးတဖၣ် တထူးထီၣ်တီၤထီၣ်တဘိယူၢ်ဃီဘၣ်. ဒီးပှၤလၢအမၤတၢ်သ့တဖၣ်တမၤန့ၢ်လီၢ်ဒိၣ်လၤထီထီဘိဘၣ်. ဘူၣ်တီၢ်အၢသီမၤအသးလၢပှၤကိးဂၤဒဲးလီၤ.

လံာ်ယံးရမံယၤ 9:23

ယွၤစံးဝဲဒၣ်, “ပှၤကူၣ်တၢ်သ့တဖၣ်တကြၢးပာ်ကဖၢလၢအသးလၢ အတၢ်ကူၣ်သ့ အဃိမ့ၢ်ဂ့ၤ, ပှၤဂံၢ်ဆူၣ်ဘါဆူၣ်တဖၣ်လၢအတၢ်ဂံၢ်တၢ်ဘါအဃိမ့ၢ်ဂ့ၤ, ဒီးပှၤထူးပှၤတီၤတဖၣ်လၢ အတၢ်ထူးတၢ်တီၤအဃိမ့ၢ်ဂ့ၤန့ၣ်ဘၣ်.

လံာ်တၢ်ဂံၢ် 13:22

အဆိကတၢၢ်အဝဲသ့ၣ်လဲၤဆူကီၢ်န့ၣ်အကလံၤထံးတကပၤ တုၤဆူဝ့ၢ်ဃ့ဘြိၣ်, တၢ်လီၢ်ဖဲစီၤအဃံမ့ၣ်, စီၤၡ့ၤၡဲ, ဒီးစီၤတးလမဲအဒူၣ်ထၢတဖၣ်ပှၤဟဲလီၤစၢၤလၢပှၤတကလုာ်လၢအနီၢ် ဒိၣ်နီၢ်သွါတဖၣ်လၢပှၤကိးအီၤလၢပှၤဧနးဖိအိၣ်ဝဲဆိးဝဲအလီၢ်န့ၣ်လီၤ. (ဝ့ၢ်ဃ့ဘြိၣ်န့ၣ်ဘၣ်တၢ်သူၣ်ထီၣ်အီၤဆိန့ၣ်ဝ့ၢ်စိၤဧၢ်လၢကီၢ် အဲၤကူပတူးအပူၤနွံနံၣ်န့ၣ်လီၤ.)

လံာ်တၢ်ဂံၢ် 13:33

ဒီးပထံၣ်ဒၣ်လဲာ်ပှၤနီၢ်ဒိၣ်နီၢ်သွါတဖၣ်ဖဲန့ၣ်, စီၤဧနးအစၢၤအသွဲၣ်တဖၣ်န့ၣ်လီၤ. ပကွၢ်လီၤပသးလီၤဂာ်မးဒ်ဒွဲၣ်ဖိတြၤဖိတဖၣ်ဒီးပကဖျါလီၤဂာ် စ့ၢ်ကီးဒ်န့ၣ်, လၢအဝဲသ့ၣ်အမဲာ်ညါန့ၣ်လီၤ.”

လံာ်စီၤယိၤၡူ 10:36

တၢ်အံၤဝံၤဒီး, စီၤယိၤၡူဒီးအသုးမုၢ်ဟးထီၣ်လၢဝ့ၢ်ဧ့းက လိၣ်ဆူဝ့ၢ်ဃ့ဘြိၣ်ဒီးဒုးအီၤန့ၣ်လီၤ.

လံာ်စီၤယိၤၡူ 14:15

တချုးတၢ်အံၤန့ၣ်, ဝ့ၢ်ဃ့ဘြိၣ်ဘၣ်တၢ်ကိးအီၤလၢဝ့ၢ်အၢ်ဘၤလီၤ. (အၢ်ဘၤမ့ၢ်တ့ၢ်ပှၤအဒိၣ်ကတၢၢ်လၢပှၤဧနးက့ၣ်ဖိအကျါန့ၣ်လီၤ.) ဒီးထံကီၢ်ဆိကတီၢ်ဝဲလၢတၢ်ဒုးတၢ်ယၤလီၤ.

လံာ်ပှၤစံၣ်ညီၣ်ကွီၢ် 1:20

ဒ်စီၤမိၤၡ့မၤလိာ်တ့ၢ်ဝဲအသိးတၢ်ဟ့ၣ်လီၤဝ့ၢ်ဃ့ဘြိၣ်ဆူ စီၤကၤလ့းန့ၣ်လီၤ. ဒီးအဝဲနီၣ်ထီၣ်ကွံာ်စီၤဧနးအဒူၣ်အထၢသၢဒူၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:9

အန့ၣ်ဝံၤဒီးအဝဲသ့ၣ်လဲၤဒုးပှၤကနၤဧၣ်ဖိတဖၣ်လၢအအိၣ်လၢ ကစၢၢ်ကလိလၢကစၢၢ်ခီၣ်ထံး, ဒီးဝ့ၢ်လၢအအိၣ်လၢကလံၤထံးတခီန့ၣ်လီၤ.