ယၤကိာ် 5:8 - Sgaw Karen Common Bible

⁸ သုဝဲစ့ၢ်ကီးသုကဘၣ်အိၣ်ဒီးတၢ်ဝံသးစူၤလီၤ. ပာ်သုသးဂၢၢ်ဂၢၢ်ကျၢၤကျၢၤတက့ၢ်. အဂ့ၢ်ဒ်အံၤ, ကစၢ်ကဟဲအမုၢ်တနံၤဘူးထီၣ်လံ.

ယၤကိာ် 5:8 Iomraidhean Croise

လံာ်တၢ်ကဲထီၣ်အခီၣ်ထံး 49:18

ယွၤဧၢ, ယအိၣ်ခိးကွၢ်လၢ်နတၢ်မၤပူၤမၤဖျဲးယၤလီၤ.

စံးထီၣ်ပတြၢၤ 130:5

ယခိးကွၢ်လၢ်ယွၤအတၢ်မၤစၢၤလၢ တၢ်သူၣ်ဆူၣ်သးဂဲၤ ဒီးယနာ်တၢ်လၢအကလုၢ်ကထါအပူၤန့ၣ်လီၤ.

စံးထီၣ်ပတြၢၤ 27:14

မုၢ်လၢ်တၢ်လၢယွၤတက့ၢ်. ပာ်ဆူၣ်နသးတက့ၢ်. အိၣ်ဒီးတၢ်သူၣ်ဒူသးဒူတက့ၢ်. မုၢ်လၢ်တၢ်လၢယွၤတက့ၢ်.

စံးထီၣ်ပတြၢၤ 37:7

အိၣ်ဃိကလာ်လၢယွၤအမဲာ်ညါ, ဒီးခိးအီၤလၢတၢ်ဝံသးစူၤအပူၤန့ၣ်တက့ၢ်. ဘၣ်ကိၢ်ဘၣ်ဂီၤလၢ ပှၤလၢအဘီၣ်ထီၣ်ညီထီၣ်လၢအကျဲဒၣ်ဝဲ, မ့တမ့ၢ်ပှၤလၢအမၤန့ၢ်တၢ်လၢ အတၢ်ကူၣ်အၢအဃိန့ၣ်တဂ့ၤ.

လံာ်ယဃ့းစက့လး 7:12

တၢ်ဆၢကတီၢ်ဟဲတုၤဝဲလံ. မုၢ်နံၤတနံၤဖဲတၢ်ဆါတၢ်ဒီးတၢ် ပှ့ၤတၢ်အခီပညီတအိၣ်လၢၤဘၣ်န့ၣ်, ဘူးထီၣ်လံ. အဂ့ၢ်ဒ်အံၤ, ကစၢ်ယွၤအတၢ်စံၣ်ညီၣ်ကလီၤဘၣ်လၢပှၤကိးဂၤဒဲး အလိၤဒ်သိးသိးန့ၣ်လီၤ.

လံာ်မံကၤ 7:7

မ့မ့ၢ်ယဲဒၣ်အံၤယကအိၣ်ခိးကွၢ်လၢ်ယွၤ, ယကအိၣ်ခိးကစၢ်ယွၤလၢ အကအုၣ်က့ၤခီၣ်က့ၤယၤလၢတၢ်သူၣ်ဂၢၢ်သးကျၢၤအပူၤလီၤ. ယကစၢ်ယွၤကနၢ်ဟူယကလုၢ်လီၤ.

လံာ်ဃဘးကူာ် 2:3

ကွဲးလီၤတၢ်အံၤတက့ၢ်. အဂ့ၢ်ဒ်အံၤ, အဆၢကတီၢ်တဘၣ်ဒံးလၢကလၢ ထီၣ်ပှဲၤထီၣ်အဂီၢ်ဘၣ်. ဘၣ်ဆၣ်ဒီးတၢ်ဆၢကတီၢ်ဟဲဝဲချ့သဒံးဒီးတၢ်လၢယဒုးနဲၣ်နၤ ကလၢထီၣ်ပှဲၤထီၣ်လီၤ. အတၢ်ဟဲကအိၣ်ဖျါဃၢဝဲဘၣ်ဆၣ် အိၣ်ခိးအီၤတက့ၢ်. တၢ်အံၤကမၤအသးသပှၢ်ကတၢၢ်ဒီး တသုးနံၤသုးသီဘၣ်.”

လံာ်လူၤကၣ် 21:19

အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. အဂ့ၢ်ဒ်အံၤ, လၢကျဲဒ်အံၤအပူၤ, သုကအုၣ်က့ၤခီၣ်က့ၤသုနီၢ်ကစၢ်ဒၣ်သုဝဲလီၤ.

လံာ်ယိၤဟၣ် 21:22

ယ့ၣ်ၡူးစံးဆၢအီၤ, “ယသးမ့ၢ်အိၣ်လၢအဝဲကအိၣ်မူတုၤ လီၤလၢယဟဲက့ၤအဆၢကတီၢ်န့ၣ်ဒီး, တၢ်အံၤဘၣ်ဃးဒီးနၤ မနုၤလဲၣ်. ဟဲဒီးကဲဘၣ်ယပျဲၢ်ယဘီၣ်တက့ၢ်.”

ရိမ့ၤ 8:25

ဘၣ်ဆၣ်ဒီးတၢ်လၢပတထံၣ်ဘၣ်အီၤန့ၣ်ပမ့ၢ်မုၢ်လၢ်အီၤဒီး, ပအိၣ်ခိးကွၢ်လၢ်အီၤလၢတၢ်ဝံသးစူၤအပူၤန့ၣ်လီၤ.

ကလၤတံ 5:22

မ့မ့ၢ်ယွၤအသးန့ၣ်, ဒုးအိၣ်ထီၣ်တၢ်အဲၣ်တၢ်ကွံ, တၢ်သူၣ်ခုသးခု, တၢ်ဃူတၢ်ဖိး, တၢ်ဝံသးစူၤ, တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်သးတီ,

ဖံလံးပံၤ 4:5

ပာ်ဖျါတၢ်ပာ်သူၣ်ပာ်သးခုၣ်ခုၣ်မုာ်မုာ်လၢပှၤကိးဂၤဒဲး အဖီခိၣ်တက့ၢ်. ကစၢ်ကဟဲဘူးထီၣ်လံ.

၁ သ့းစၤလနံ 1:10

ဒီးအိၣ်ခိးအဖိခွါအတၢ်ဟဲလီၤလၢမူခိၣ်, အဖိခွါယ့ၣ်ၡူးလၢအဝဲဒၣ်ဒုးဂဲၤဆၢထၢၣ်က့ၤအီၤလၢတၢ်သံတ ဂၤလၢအဒုးပူၤဖျဲးထီၣ်ပှၤလၢကစၢ်ယွၤအတၢ်သးဒိၣ်လၢ အကဟဲန့ၣ်လီၤ.

၁ သ့းစၤလနံ 2:19

သုဆိကမိၣ်လၢပတၢ်ပာ်ကဖၢလၢပသးအလီၢ်ဒီးပတၢ်သးခု ကမ့ၢ်တၢ်မနုၤလဲၣ်. မ့ၢ်ဒၣ်သုလီၤ. ဒီးသုကမ့ၢ်ပတၢ်မၤနၢၤအပနီၣ်လၢပကပာ်ကဖၢလၢပသးအဒိၣ် ကတၢၢ်လၢပကစၢ်ယ့ၣ်ၡူးအမဲာ်ညါဖဲအဟဲဝဲန့ၣ်လီၤ.

၁ သ့းစၤလနံ 3:13

လၢကျဲဒ်အံၤအပူၤန့ၣ်, အဝဲဒၣ်ကဒုးဆူၣ်ထီၣ်သုဂံၢ်သုဘါ, ဒီးသုကလၢပှဲၤဒီးစီဆှံဝဲလၢပကစၢ်ယွၤဒီးပပၢ်အမဲာ်ညါ ဖဲပကစၢ်ယ့ၣ်ၡူးဟဲဝဲအိၣ်ဒီးပှၤလၢအဘၣ်ဃးဒီး အီၤခဲလၢာ်အကတီၢ်န့ၣ်လီၤ.

၂ သ့းစၤလနံ 3:5

မ်ကစၢ်ဆှၢသုဆူတၢ်သ့ၣ်ညါနၢ်ပၢၢ်အါထီၣ်ကစၢ်ယွၤ အတၢ်အဲၣ်တၢ်ကွံဒီးတၢ်သ့တူၢ်တၢ်လၢအဟဲလၢခရံာ် အအိၣ်န့ၣ်တက့ၢ်.

ယၤကိာ် 5:3

သုထူဒီးစ့တဖၣ်ထီၣ်အ့ၣ်လံ, ဒီးတၢ်ထီၣ်အ့ၣ်အံၤကမ့ၢ်တၢ်အုၣ်သးထီဒါသုဒီးကအီၣ်ဂီၤကွံာ် သုညၣ်ဒ်မ့ၣ်အူအသိးလီၤ. သုပာ်ဖှိၣ်သုတၢ်ထူးတၢ်တီၤတဖၣ်လၢမုၢ်နံၤလၢခံကတၢၢ်တဖၣ် အံၤအဂီၢ်န့ၣ်လံ.

ယၤကိာ် 5:9

ယဒီပုၢ်ဝဲၢ်သ့ၣ်ဧၢ, ဒ်သိးခဲအံၤဒိကနၣ်ယၤတက့ၢ်. ယွၤသုတစံၣ်ညီၣ်သုတဂ့ၤဒီးတဘၣ်ကဒူးကဒ့ၣ်လိာ် သုသးတဂၤဒီးတဂၤတဂ့ၤ. ပှၤစံၣ်ညီၣ်ကွီၢ်အိၣ်ဘူးတ့ၢ်မး, လၢအကအိၣ်ဖျါထီၣ်ဝဲဒၣ်လံ.

၁ ပ့းတရူး 4:7

တၢ်ခဲလၢာ်အကတၢၢ်ဘူးထီၣ်လံ. သုကဘၣ်ပၢၤသုသးဒီးဆိးသီဒ်သိးသုဃ့ဘါထုကဖၣ်တၢ်ကသ့ အဂီၢ်န့ၣ်လီၤ.

လံာ်လီၣ်ဖျါ 22:20

ပှၤလၢအဟ့ၣ်အတၢ်အုၣ်အသးဘၣ်ဃးဒီးတၢ်တဖၣ်အံၤ အဂ့ၢ်ခဲလၢာ်န့ၣ်စံးဝဲ, “မ့ၢ်ဝဲသပှၢ်ကတၢၢ်လီၤ. တယံာ်ဘၣ်ဒီး, ယကဟဲယဲလီၤ.” အၤမ့ၣ်. ဟဲတက့ၢ်. ကစၢ်ယ့ၣ်ၡူးဧၢ.