ယၤကိာ် 5:7 - Sgaw Karen Common Bible

⁷ လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, အိၣ်ဒီးတၢ်သးစူၤတုၤကစၢ်ဟဲတစုန့ၣ်တက့ၢ်. ကွၢ်ပှၤထူစံာ်ဖိတဂၤအိၣ်ခိးစူၤသးဝဲအဟီၣ်ခိၣ်ကဟ့ၣ်ထီၣ် တၤသၣ်လုၢ်ဒိၣ်ပှ့ၤဒိၣ်တဖၣ်လၢကျဲဒ်လဲၣ်န့ၣ်တက့ၢ်. အဝဲအိၣ်ခိးဝဲလၢတၢ်ဝံသးစူၤဖးဒိၣ်အပူၤ, ဖဲတၢ်စူၤလီၤသီဒီးတၢ်စူၤလၢခံအကတီၢ်တဖၣ်န့ၣ်လီၤ.

ယၤကိာ် 5:7 Iomraidhean Croise

လံာ်ယံးရမံယၤ 5:24

ယဆှၢလီၤန့ၢ်သုတၢ်စူၤထံလၢတၢ်သူၣ် လီၤတၢ်ဒီးတၢ်မဲထီၣ်သၣ်ထီၣ်အကတီၢ်အဂီၢ်, ဒီးဟ့ၣ်သုတၢ်ကူး က့ၤတၢ်အကတီၢ်တနံၣ်ဘၣ်တနံၣ်ဒၣ်လဲာ်န့ၣ်, သုတဆိကမိၣ်လၢသုကယူးယီၣ်ယၤန့ၣ်ဘၣ်.

လံာ်ဟိၤၡ့ 6:3

မ်ပကဂုာ်ကျဲးစၢးသ့ၣ်ညါသကိးယွၤန့ၣ်တက့ၢ်. အဝဲကဟဲဆူပအိၣ်သပှၢ်ကတၢၢ်ဒ်မုၢ်ဟဲထီၣ်သီတဖၣ်အသိး, သပှၢ်ကတၢၢ်ဒ်တၢ်ယီၤထီၣ်သီအမူခိၣ်ထံမၤဘၣ်စီၣ်ဟီၣ်ခိၣ် အသိးန့ၣ်လီၤ.

လံာ်ယိၤအ့လး 2:23

စံယိၣ်အပှၤဂီၢ်မုၢ်ဧၢ, သူၣ်ခုသးခုတက့ၢ်. သူၣ်ဖှံသးညီလၢယွၤ, သုကစၢ်ယွၤမၤတ့ၢ်တၢ်လၢသုဂီၢ်အဃိန့ၣ်တက့ၢ်. အဂ့ၢ်ဒ်အံၤ, အဝဲဒၣ်ဟ့ၣ်လီၤသုလၢတၢ်စူၤအထံလၢအကြၢးဝဲဘၣ်ဝဲ ဒီးဒုးစူၤလီၤန့ၢ်သုတၢ်စူၤထံအါအါကလဲာ်, တၢ်စူၤထံလၢအဆိဒီးလၢခံ, ဒ်လၢညါအသိးန့ၣ်လီၤ.

လံာ်စကၤရယၤ 10:1

ဃ့တၢ်စူၤထံလၢယွၤ, တၢ်စူၤထံလၢနံၣ်တနံၣ်န့ၣ်အတၢ်မဲထီၣ်အကတီၢ်အဂီၢ်တက့ၢ်. အဂ့ၢ်ဒ်အံၤ, ယွၤမ့ၢ်ပှၤလၢအဟ့ၣ်လီၤတၢ်စူၤအတၢ်အၢၣ်တဖၣ်ဒီးတၢ် စူၤအထံတဖၣ်လၢကဒုးလါဟ့ထီၣ်စံာ်ပျီတဖၣ်လၢပှၤကိးဂၤဒဲး အဂီၢ်န့ၣ်လီၤ.

လံာ်မးသဲ 16:27

အဂ့ၢ်ဒ်အံၤ, ပှၤကညီဖိခွါအံၤကဟဲဝဲဒီးပၢ်အလၤကပီၤ, အိၣ်ဃုာ်ဒီးအကလူးတဖၣ်လီၤ. တုၤနုၤတစု, ကဟ့ၣ်ဘူးဟ့ၣ်လဲ ပှၤကညီကိးဂၤဒဲးဒ်အကြၢးဒီးတၢ်လၢအဝဲသ့ၣ်မၤတ့ၢ်ဝဲအသိးန့ၣ်လီၤ.

လံာ်မးသဲ 16:28

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအဆၢထၢၣ်ဖဲအံၤတနီၤန့ၣ်, တချုးလၢအထံၣ်ဘၣ်ပှၤကညီဖိခွါဟဲလၢ အဘီအမုၢ်အပူၤဒံးဘၣ်န့ၣ်, တသံဘၣ်ဝဲဘၣ်.”

လံာ်မးသဲ 24:27

အဂ့ၢ်ဒ်အံၤ, ပှၤကညီဖိခွါကဟဲဝဲဒ်လီဝၢ်အဒံး, ဒီးဆဲးကပြုၢ်ထီၣ်ဘၣ်မူခိၣ်ဒီဘ့ၣ်ညါ, စးထီၣ်လၢမုၢ်ထီၣ်တုၤလီၤလၢမုၢ်နုာ်အသိးန့ၣ်လီၤ.

လံာ်မးသဲ 24:44

လၢတၢ်န့ၣ်အဃိ, သုဝဲစ့ၢ်ကီးသုကဘၣ်အိၣ်ကတဲာ်ကတီၤ သုသးထီဘိလီၤ. အဂ့ၢ်မ့ၢ်လၢ, ပှၤကညီဖိခွါကဟဲဝဲလၢအကတီၢ်နၣ်ရံၣ်ဖဲသုတဆိကမိၣ် ဒီးမုၢ်လၢ်ဘၣ်ဝဲအခါန့ၣ်လီၤ.

လံာ်လူၤကၣ် 18:8

ယစံးဘၣ်တဲဘၣ်သု, အဝဲဒၣ်ကစံၣ်ညီၣ်တီန့ၢ်တၢ်လၢအဝဲသ့ၣ်အဂီၢ်, ဒီးကမၤဝဲချ့ချ့ကလဲာ်လီၤ. ဘၣ်ဆၣ်ဒီးဖဲပှၤကညီဖိခွါဟဲဝဲန့ၣ်, မ့ၢ်အဝဲကထံၣ်ပှၤအိၣ်ဒီးတၢ်စူၢ်တၢ်နာ်လၢဟီၣ်ခိၣ်ချၢန့ၣ်ဧါ.”

လံာ်လူၤကၣ် 21:27

တုၤနုၤတစု, ပှၤကညီဖိခွါကဟဲအိၣ်ဖျါထီၣ်လၢတၢ်အၢၣ်အပူၤ, အိၣ်ဒီးတၢ်စိတၢ်ကမီၤဒီးတၢ်လၤတၢ်ကပီၤအဒိၣ်အမုၢ်လီၤ.

လံာ်လူၤကၣ် 8:15

တၢ်ချံလၢအလီၤဘၣ်လၢဟီၣ်ခိၣ်ညၣ်ထ့ၣ်အဂ့ၤပာ်ဖျါထီၣ်ပှၤ တဖၣ်လၢအနၢ်ဟူဘၣ်တၢ်အကလုၢ်ကထါဒီးဟံးဃာ်ဂၢၢ်ကျၢၤ ဝဲလၢသးလၢအဂ့ၤဒီးစူၢ်ယွၤအကလုၢ်အပူၤဒီးမၤဝဲဒ်န့ၣ်သပှၢ် ပှၢ်တုၤအဝဲသ့ၣ်သၣ်ထီၣ်တၤသၣ်တစုလီၤ.

လံာ်ယိၤဟၣ် 21:22

ယ့ၣ်ၡူးစံးဆၢအီၤ, “ယသးမ့ၢ်အိၣ်လၢအဝဲကအိၣ်မူတုၤ လီၤလၢယဟဲက့ၤအဆၢကတီၢ်န့ၣ်ဒီး, တၢ်အံၤဘၣ်ဃးဒီးနၤ မနုၤလဲၣ်. ဟဲဒီးကဲဘၣ်ယပျဲၢ်ယဘီၣ်တက့ၢ်.”

လံာ်ယိၤဟၣ် 21:23

အန့ၣ်သတးဒီး, တၢ်ကစီၣ်ဟူထီၣ်သါလီၤလၢယ့ၣ်ၡူးအပျဲၢ် တဖၣ်အကျါလၢအပျဲၢ်အဘီၣ်တဂၤအံၤတဘၣ်သံဝဲဘၣ်လီၤ. ဘၣ်ဆၣ်, ယ့ၣ်ၡူးတစံးလၢအဝဲတဘၣ်သံဝဲန့ၣ်ဘၣ်. မ့မ့ၢ် ယ့ၣ်ၡူးစံးဝဲ, “ယမ့ၢ်သးအိၣ်လၢအဝဲကအိၣ်မူတုၤလီၤ လၢယဟဲက့ၤအဆၢကတီၢ်န့ၣ်ဒီး, တၢ်အံၤဘၣ်ဃးဒီးနၤမနုၤလဲၣ်.” တခီန့ၣ်လီၤ.

ရိမ့ၤ 15:4

တၢ်ကိးမံၤဒဲးလၢတၢ်ကွဲးအသးစီဆှံအပူၤန့ၣ်ဘၣ်တၢ် ကွဲးအီၤလၢတၢ်ကသိၣ်လိပှၤအဂီၢ်, ဒ်သိးပကအိၣ်ဒီးတၢ်မုၢ်လၢ်ခီဖျိတၢ်ကွဲးအသးစီဆှံ အတၢ်ဟ့ၣ်ပှၤတၢ်သူၣ်စူၤသးစူၤဒီးတၢ်ဟ့ၣ်ဂံၢ်ဟ့ၣ်ဘါအဃိ န့ၣ်လီၤ.

ရိမ့ၤ 2:7

ပှၤတနီၤမၤတၢ်ဂ့ၤတၢ်ဝါတထံၣ်ဃီ, ဒီးဃုတၢ်လၤတၢ်ကပီၤ, တၢ်ယူးယီၣ်, ဒီးသးလၢအသံတသ့ဘၣ်လီၤ. ကစၢ်ယွၤကဟ့ၣ်တၢ်မူအထူအယိာ်လၢပှၤဒ်န့ၣ်သိးတဖၣ်လီၤ.

1 ကရံၣ်သူး 1:7

ဖဲသုအိၣ်ခိးတၢ်ကလီၣ်ဖျါထီၣ်ပကစၢ်ယ့ၣ်ၡူးခရံာ်အဖၢမုၢ် န့ၣ်တၢ်ဆိၣ်ဂ့ၤဆိၣ်ဝါထဲတမံၤဒၣ်လဲာ်, သုတလီၤတိၢ်လၢသုကဒိး န့ၢ်အီၤန့ၣ်ဘၣ်.

ကလၤတံ 5:5

မ့မ့ၢ်ပဝဲသ့ၣ်တဖၣ်အံၤ, ပတၢ်မုၢ်လၢ်မ့ၢ်ဝဲကစၢ်ယွၤကမၤလိၤ မၤဘၣ်ပှၤဒီးအီၤ, ဒီးတၢ်တမံၤအံၤမ့ၢ်ဝဲတၢ်လၢပခိးပဝဲလၢယွၤ အသးစီဆှံအစိကမီၤမၤတၢ်ခီဖျိပတၢ်စူၢ်တၢ်နာ်န့ၣ်လီၤ.

ကလၤတံ 6:9

လၢတၢ်န့ၣ်အဃိ, မ်ပသုတလီၤဘှံးလီၤတီၤလၢပမၤဂ့ၤတၢ် အဃိတဂ့ၤ, အဂ့ၢ်ဒ်အံၤပမ့ၢ်တသးဟးဂီၤဘၣ်ဒီးတၢ်ဆၢကတီၢ် ကတုၤဝဲဖဲပကကူးဘၣ်က့ၤတၢ်လၢအဂ့ၤန့ၣ်လီၤ.

လံာ်သိၣ်လီၤသီလီၤတၢ် 11:14

သုမ့ၢ်မၤဒီး, အဝဲကဆှၢလီၤတၢ်စူၤထံလၢကီၢ်အဖီခိၣ်ဖဲအလိၣ် ဘၣ်ဝဲအခါ, လၢတၢ်ယီၤထီၣ်သီအကတီၢ်ဒီးလၢတၢ်မဲထီၣ်သီ အကတီၢ်, ဒ်သိးဘုဧိၤဟုဧိၤ, စပံးထံဒီးသ့ၣ်စၤယံးအသိ ကအိၣ်ဝဲလၢသုဂီၢ်,

ကလီးစဲ 1:11

မ်သုဘၣ်တၢ်ဟ့ၣ်ဂံၢ်ဟ့ၣ်ဘါသုလၢတၢ်စိတၢ်ကမီၤခဲလၢာ်လၢ အဟဲလၢယွၤ, လၢအအိၣ်ပှဲၤမးဒီးအလၤကပီၤ, ဒ်သိးသုတူၢ်တၢ်ကိးမံၤဒဲးလၢတၢ်သူၣ်စူၤသးစူၤအပူၤကန့ၢ် အဂီၢ်,

၁ သ့းစၤလနံ 1:3

တဘျီလၢ်လၢ်ဖဲပဃ့ဘါထုကဖၣ်တၢ်ဆူပကစၢ်ယွၤဒီးပပၢ် အအိၣ်န့ၣ်, ပသ့ၣ်နီၣ်ထီၣ်သုအိၣ်မူမၤထွဲသုတၢ်စူၢ်တၢ်နာ် အခံဒ်လဲၣ်, သုဖံးသုမၤတၢ်ဆူၣ်ဆူၣ်လၢတၢ်အဲၣ်အဃိဒ်လဲၣ်, ဒီးသုတၢ်မုၢ်လၢ်လၢပကစၢ်ယ့ၣ်ၡူးခရံာ်အပူၤဂၢၢ်ကျၢၤဒ်လဲၣ် အဂ့ၢ်န့ၣ်လီၤ.

၁ သ့းစၤလနံ 2:19

သုဆိကမိၣ်လၢပတၢ်ပာ်ကဖၢလၢပသးအလီၢ်ဒီးပတၢ်သးခု ကမ့ၢ်တၢ်မနုၤလဲၣ်. မ့ၢ်ဒၣ်သုလီၤ. ဒီးသုကမ့ၢ်ပတၢ်မၤနၢၤအပနီၣ်လၢပကပာ်ကဖၢလၢပသးအဒိၣ် ကတၢၢ်လၢပကစၢ်ယ့ၣ်ၡူးအမဲာ်ညါဖဲအဟဲဝဲန့ၣ်လီၤ.

၁ သ့းစၤလနံ 3:13

လၢကျဲဒ်အံၤအပူၤန့ၣ်, အဝဲဒၣ်ကဒုးဆူၣ်ထီၣ်သုဂံၢ်သုဘါ, ဒီးသုကလၢပှဲၤဒီးစီဆှံဝဲလၢပကစၢ်ယွၤဒီးပပၢ်အမဲာ်ညါ ဖဲပကစၢ်ယ့ၣ်ၡူးဟဲဝဲအိၣ်ဒီးပှၤလၢအဘၣ်ဃးဒီး အီၤခဲလၢာ်အကတီၢ်န့ၣ်လီၤ.

ဧ့ၤဘြံၤ 6:15

စီၤအၤဘြၤဟၣ်အသူၣ်စူၤသးစူၤသတးဒီးဒိးန့ၢ်တၢ်စံးပာ် န့ၣ်လီၤ.

ယၤကိာ် 4:11

ယဒီပုၢ်ဝဲၢ်သ့ၣ်ဧၢ, တဘၣ်ကတိၤအၢကတိၤသီလိာ်သုသး တဂၤဒီးတဂၤတဂ့ၤ. ပှၤတဂၤဂ့ၤတဂၤဂ့ၤလၢအကတိၤအၢ ကတိၤသီ, မ့တမ့ၢ်စံၣ်ညီၣ်အဒီပုၢ်ဝဲၢ်ပှၤခရံာ်ဖိန့ၣ်, မ့ၢ်အကတိၤအၢ ကတိၤသီဒီးစံၣ်ညီၣ်တၢ်သိၣ်တၢ်သီန့ၣ်လီၤ. သုမ့ၢ်စံၣ်ညီၣ် တၢ်သိၣ်တၢ်သီဒီး, သုတမ့ၢ်လၢၤပှၤလၢ အစူၢ်တၢ်သိၣ်တၢ်သီဘၣ်, မ့မ့ၢ်သုမ့ၢ်ပှၤလၢအစံၣ်ညီၣ် အီၤန့ၣ်လီၤ.

ယၤကိာ် 5:10

ယဒီပုၢ်ဝဲၢ်သ့ၣ်ဧၢ, သ့ၣ်နီၣ်ထီၣ်ဝံတဖၣ်လၢအကတိၤတၢ်လၢကစၢ်အမံၤအပူၤန့ၣ်တက့ၢ်. ပာ်အဝဲသ့ၣ်ဒ်တၢ်အဒိအတဲာ်ဘၣ်ဃးဒီးတၢ်တူၢ်တၢ်နးတၢ်ဖှီၣ်လၢ တၢ်ဝံသးစူၤအပူၤန့ၣ်တက့ၢ်.

ယၤကိာ် 5:3

သုထူဒီးစ့တဖၣ်ထီၣ်အ့ၣ်လံ, ဒီးတၢ်ထီၣ်အ့ၣ်အံၤကမ့ၢ်တၢ်အုၣ်သးထီဒါသုဒီးကအီၣ်ဂီၤကွံာ် သုညၣ်ဒ်မ့ၣ်အူအသိးလီၤ. သုပာ်ဖှိၣ်သုတၢ်ထူးတၢ်တီၤတဖၣ်လၢမုၢ်နံၤလၢခံကတၢၢ်တဖၣ် အံၤအဂီၢ်န့ၣ်လံ.

၂ ပ့းတရူး 3:4

ဒီးကသံကွၢ်သု, “အဝဲအၢၣ်လီၤလၢကဟဲဝဲတမ့ၢ်ဘၣ်ဧါ. အဝဲအိၣ်ဖဲလဲၣ်. ပပၢ်တဖၣ်သံတ့ၢ်လံ, ဘၣ်ဆၣ်တၢ်ခဲလၢာ်မ့ၢ်ဒံးဒၣ်ဒ်တၢ်တ့လီၤဟီၣ်ခိၣ်လၢ အခီၣ်ထံးလံၤလံၤအသိးန့ၣ်လီၤ.”