ယၤကိာ် 5:4 - Sgaw Karen Common Bible

⁴ ပှၤလၢအမၤတၢ်လၢသုစံာ်ပျီပူၤတဖၣ်န့ၣ်, သုတဟ့ၣ်အီၤအဘူး အလဲဘၣ်. ဒိကနၣ်အဝဲသ့ၣ်အတၢ်ကဒူးကဒ့ၣ်တဖၣ်တက့ၢ်. ပှၤလၢအထၢဖှိၣ်ပာ်ဖှိၣ်သုဘုတဖၣ်အတၢ်ကိးပသူထီၣ်န့ၣ်, တုၤဃီၤလၢခဲအံၤဒိကနၣ်ယၤတက့ၢ်. ယွၤ, တၢ်သုးမုၢ်ဂီၢ်မုၢ်အကစၢ်အနၢ်ပူၤန့ၣ်လံ.

ယၤကိာ် 5:4 Iomraidhean Croise

လံာ်တၢ်ကဲထီၣ်အခီၣ်ထံး 4:10

ဒီးယွၤစံးဘၣ်အီၤ, “ဘၣ်မနုၤလၢနမၤတၢ်လီၤပျံၤတမံၤအံၤ လဲၣ်. နပုၢ်အသွံၣ်ကိးထီၣ်ယၤလၢဟီၣ်ခိၣ်လာ်, လီၤဂာ်ဒ်တၢ်အကလုၢ်ကိးထီၣ်လၢတၢ်ဟ့ၣ်ကၣ်တၢ်အဂီၢ်အသိးန့ၣ်လီၤ.

လံာ်စီၤယိၤဘး 34:28

အဝဲသ့ၣ်မၤဆူၣ်ပှၤဖှီၣ်ဖိယာ်ဖိသ့ၣ်တဖၣ်တုၤအကိးထီၣ်ကစၢ်ယွၤ ဒီးအဝဲနၢ်ဟူပှၤဖှီၣ်ဖိယာ်ဖိတဖၣ်အတၢ်ကိးထီၣ်လၢတၢ်မၤစၢၤ အဂီၢ်န့ၣ်လီၤ.

လံာ်စီၤယိၤဘး 7:2

ဒ်ကုၢ်တဂၤလၢအဆၢန့ၢ်တၢ်ကဒုအသိး, ဒီးဒ်ပှၤမၤတၢ်ဖိတဂၤလၢ အခိးကွၢ်လၢ်အဘူးအလဲအသိးန့ၣ်လီၤ.

စံးထီၣ်ပတြၢၤ 9:12

ကစၢ်ယွၤသ့ၣ်နီၣ်ပှၤလၢအဘၣ်တၢ်နးတၢ်ဖှီၣ်, တသးပ့ၤနီၣ်အဝဲသ့ၣ်အတၢ်ကိးထီၣ်အီၤဘၣ်, ဒီးစံၣ်ညီၣ်ပှၤလၢအမၤကမၣ်အဝဲသ့ၣ်လီၤ.

လံာ်တၢ်ဟးထီၣ်ကွံာ် 22:27

အဂ့ၢ်ဒ်အံၤ, တၢ်န့ၣ်မ့ၢ်တၢ်လုးဘၢထဲတမံၤဧိၤလၢကမၤလၢၤအီၤ အဂီၢ်န့ၣ်လီၤ. တၢ်အဂၤမနုၤကအိၣ်လၢအဝဲကမံလုးဝဲအဂီၢ်လဲၣ်. ဖဲအဝဲကိးထီၣ်ယၤလၢတၢ်မၤစၢၤအဂီၢ်ဒီး, ယကစံးဆၢအီၤလီၤ. အဂ့ၢ်ဒ်အံၤ, ယသူၣ်ကညီၤသးကညီၤတၢ်လီၤ.

လံာ်တၢ်ဟးထီၣ်ကွံာ် 3:9

ဒီးခဲကနံၣ်အံၤယနၢ်ဟူတ့ၢ်ယပှၤဂီၢ်မုၢ်အတၢ်ကိးထီၣ်ဒီးယထံၣ် ပှၤအဲၤကူပတူးဖိတဖၣ်အတၢ်မၤနးမၤဖှီၣ်အဝဲသ့ၣ်န့ၣ်လီၤ.

လံာ်ယၡါယၤ 1:9

ယွၤသ့တၢ်လၢာ်တဂၤမ့ၢ်တပျဲပှၤမူတ့ၢ်တနီၤဘၣ်ဒီး, ဝ့ၢ်ယရူၤၡလ့ၣ်ကဘၣ်တၢ်မၤဟးဂီၤတ့ၢ်အီၤလၢာ်လၢာ်ဆ့ ဆ့ဒ်ပှၤအိၣ်လၢဝ့ၢ်စဒိၣ်ဒီးဂမိရၤတဖၣ်အသိးန့ၣ်လီၤ.

လံာ်ယၡါယၤ 5:7

ကီၢ်အံၣ်စရ့လးမ့ၢ်ယွၤသ့တၢ်လၢာ်အစပံးလီၢ် ဒီးကီၢ်ယူဒၤအပှၤဂီၢ်မုၢ်မ့ၢ်စပံးမုၢ်လၢ အဝဲသူၣ်လီၤဖျးလီၤဝဲလီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်လၢအဂ့ၤ, ဘၣ်ဆၣ်အခိၣ်တလိာ်န့ၣ်, အဝဲသ့ၣ်မၤသံမၤဝီတၢ်လီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်အဘၣ်, ဘၣ်ဆၣ်ဒီးပှၤလၢအဝဲသ့ၣ်မၤအၢမၤသီတ့ၢ်တဖၣ်ကိးထီၣ်လၢတၢ် စံၣ်ညီၣ်တီအဂီၢ်လီၤ.

လံာ်ယၡါယၤ 5:9

ယနၢ်ဟူတ့ၢ်ယွၤသ့တၢ်လၢာ်ကစၢ်စံးဝဲဒၣ်, “ဟံၣ်လၢအဒိၣ်ဒီးဂ့ၤဝဲခဲလၢာ်အံၤကလီၤ ဟိဒီးဟးဂီၤကွံာ်ခဲလၢာ်လီၤ.

လံာ်ယံးရမံယၤ 22:13

ပှၤတဂၤလၢအသူၣ်ထီၣ်အဟံၣ်လၢတၢ်စံၣ်ညီၣ်တတီဘၣ်အပူၤ, ဒီးမၤလဲၢ်ထီၣ်အီၤလၢတၢ်တတီတလိၤအပူၤ, ပှၤတဂၤလၢအမၢအထံဖိကီၢ်ဖိမၤတၢ် ဒီးတဟ့ၣ်ဘူးဟ့ၣ်လဲဝဲဘၣ်န့ၣ်, ကဘၣ်တၢ်စံၣ်ညီၣ်ဃါမနၤလီၤ.

လံာ်တၢ်ဘူၣ်ထီၣ်ဘါထီၣ် 19:13

သုတအီၣ်ကဘျံးကဘျၣ်ပှၤလၢသုဃၢၤအတၢ်တဂ့ၤ, ဂုာ်န့ၢ်အတၢ်တဂ့ၤ. ပှၤလၢအဒိးလဲအသးတဂၤအဘူးအလဲ န့ၣ်ဒုးအိၣ်ဒီးနၤသီတနၤကျၢၤတုၤမုၢ်ဆ့ၣ်ထီၣ်တဂ့ၤ.

လံာ်ဃဘးကူာ် 2:11

တၢ်ဒူၣ်အလၢၢ်တဖၣ်ဒၣ်လဲာ်ကိးပသူထီၣ်ထီဒါသု ဒီးတၢ်ဒုးခိၣ်အကျိၤတဖၣ်ကကိးထီၣ်ကဒါထွဲတၢ်ကိးပသူထီၣ် န့ၣ်လီၤ.

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

လံာ်မးသဲ 9:37

လၢတၢ်န့ၣ်အဃိအဝဲစံးဘၣ်အပျဲၢ်အဘီၣ်တဖၣ်, “ကူးဘုအလီၢ်အိၣ်အါမးလီၤ. ဘၣ်ဆၣ်ပှၤမၤတၢ်ဖိလၢအကထၢဖှိၣ်က့ၤတၢ်အိၣ်စှၤဂၤလီၤ.

လံာ်လူၤကၣ် 18:7

ခဲကနံၣ်အံၤမ့ၢ်ယွၤတစံၣ်ညီၣ်တီန့ၢ်တၢ်လၢအပှၤဂီၢ်မုၢ်ဒၣ်ဝဲလၢ အကိးဃ့တၢ်မၤစၢၤလၢအအိၣ်မုၢ်ဆါဒီးမုၢ်နၤန့ၣ်, အဂီၢ်ဘၣ်ဧါ. မ့ၢ်အဝဲဒၣ်ကဝံခိၣ်ဒိၣ်ခံဃၢလၢအကမၤစၢၤအဝဲသ့ၣ်အဂီၢ်န့ၣ်ဧါ.

ရိမ့ၤ 9:29

အဝဲအံၤမ့ၢ်ဒ်ဝံယၡါယၤစံးပာ်ဝဲလၢညါအသိး, “ကစၢ်လၢအဒိၣ်စိဒိၣ်ကမီၤတဂၤမ့ၢ်တပာ်တီၢ်န့ၢ်ပှၤပစၢၤ ပသွဲၣ်တနီၤနီၤဘၣ်ဒီး, ပကကဲထီၣ်ဒ်ဝ့ၢ်စဒိၣ်, ဒီးပကလီၤဂာ်ဒ်ဝ့ၢ်ဂမိရၤအသိးန့ၣ်လီၤ” (ၡါ ၁:၉).

လံာ်သိၣ်လီၤသီလီၤတၢ် 15:9

မ့ၢ်လၢနံၣ်လၢဒ့ၣ်ကမၢ်တဖၣ်ကဘၣ်တၢ်တြူာ်ကွံာ်အီၤန့ၣ်ဘူးထီၣ် လံအဃိ, ဂ့ၢ်လိာ်လၢသုကဒုးလိၢ်အီၤလၢတၢ်တမံၤမံၤန့ၣ်တဂ့ၤ. ပျဲတၢ်ဆိကမိၣ်အအၢအသီဒ်န့ၣ်အသိးတမံၤအိၣ်လၢသုသးပူၤတဂ့ၤ. သုမ့ၢ်ဂ့ၢ်လိာ်လၢသုကဟ့ၣ်ဒုးလိၢ်တၢ်န့ၣ်, အဝဲကကိးထီၣ်တၢ်ဆူယွၤအအိၣ်ထီဒါသုဒီးသုကဘၣ်တၢ်ပာ်တၢ်ကမၣ် လၢသုလိၤန့ၣ်လီၤ.

ကလီးစဲ 4:1

ကစၢ်သ့ၣ်ဧၢ, လၢသုတၢ်ဘၣ်ထွဲဒီးသုကုၢ်သုပှၤအပူၤန့ၣ်မၤ သုဝဲတီတီတအိၣ်ဘၣ်ဒီးတၢ်ကွၢ်မဲာ်တၢ်ဘၣ်န့ၣ်တက့ၢ်. သ့ၣ်ညါလၢသုဝဲစ့ၢ်ကီးသုအိၣ်ဒီးသုကစၢ်တဂၤလၢမူခိၣ်န့ၣ် တက့ၢ်.