ယၤကိာ် 5:3 - Sgaw Karen Common Bible

³ သုထူဒီးစ့တဖၣ်ထီၣ်အ့ၣ်လံ, ဒီးတၢ်ထီၣ်အ့ၣ်အံၤကမ့ၢ်တၢ်အုၣ်သးထီဒါသုဒီးကအီၣ်ဂီၤကွံာ် သုညၣ်ဒ်မ့ၣ်အူအသိးလီၤ. သုပာ်ဖှိၣ်သုတၢ်ထူးတၢ်တီၤတဖၣ်လၢမုၢ်နံၤလၢခံကတၢၢ်တဖၣ် အံၤအဂီၢ်န့ၣ်လံ.

ယၤကိာ် 5:3 Iomraidhean Croise

လံာ်တၢ်ကဲထီၣ်အခီၣ်ထံး 31:48

စီၤလၤဘၣ်စံးဘၣ်စီၤယၤကိာ်, “လၢၢ်ပာ်ဖှိၣ်အထူၣ်အံၤမ့ၢ်တၢ် အုၣ်သးလၢယၤဒီးနၤအဘၢၣ်စၢၤန့ၣ်လီၤ. လၢတၢ်န့ၣ်အဃိတၢ်လီၢ်ဝဲန့ၣ်ဘၣ်တၢ်ကိးအီၤလၢကံးလဧးလီၤ.”

လံာ်တၢ်ကဲထီၣ်အခီၣ်ထံး 31:52

လၢၢ်ပာ်ဖှိၣ်ထီၣ်အသးအံၤဒီးတၢ်သ့ၣ်နီၣ်အလၢၢ်ထူၣ်အံၤမ့ၢ်တၢ် မၤသ့ၣ်နီၣ်ထီၣ်ပှၤလီၤ. ယတလဲၤပူၤထီၣ်လၢၢ်ထူၣ်အံၤလၢယကထီဒါနၤအဂီၢ်နီတစုဘၣ်. ဒီးနဲစ့ၢ်ကီးနတဘၣ်လဲၤပူၤထီၣ်လၢၢ်ထူၣ်အံၤဒီးထီဒါယၤဘၣ်.

လံာ်တၢ်ကဲထီၣ်အခီၣ်ထံး 49:1

စီၤယၤကိာ်ကိးဃီၤအဖိခွါတဖၣ်ဒီးစံးဝဲ, “ပာ်ဖှိၣ်သုသးဝးတ ရံးယၤ, ဒီးယကတဲသုတၢ်ကမၤအသးဒီးသုဆူညါန့ၣ်လီၤ.

လံာ်စီၤယိၤဘး 16:8

သုဖီၣ်စှီၤဃာ်လံယၤဒီးသုမ့ၢ်ပှၤထီဒါယၤလီၤ. ယအိၣ်ဒၣ်ထဲယဃံဒီးယဖံးဒီးပှၤဂီၢ်မုၢ်ပာ်တၢ်အံၤဒ် အမ့ၢ်တၢ်အုၣ်သးလၢယတၢ်ကမၣ်အိၣ်ဝဲအသိးန့ၣ်လီၤ.

လံာ်ယၡါယၤ 2:2

လၢမုၢ်နံၤလၢအကဟဲတဖၣ်အပူၤန့ၣ်, ကစၢၢ်လၢယွၤအတၢ်လုၢ်ဟံၣ်အိၣ်ဆၢထၢၣ်န့ၣ် ကမ့ၢ်ကစၢၢ်အထီကတၢၢ်လၢအကစီၤ ထီၣ်ဒိၣ်ဘၢကစၢၢ်ခဲလၢာ်န့ၣ်လီၤ. ပှၤကလုာ်တဖၣ်ကဟဲယွၤနုာ်လီၤဝဲဆူအအိၣ်,

လံာ်ယံးရမံယၤ 19:9

ဒုၣ်ဒါတဖၣ်ကကဝီၤဃာ်ဝ့ၢ်အံၤဒီးကကျဲးစၢးမၤသံအပှၤဂီၢ်မုၢ် န့ၣ်လီၤ. တၢ်ကဝီၤဃာ်အံၤကလီၤပျံၤလီၤဖုးဝဲဒိၣ်မးတုၤဒၣ်လဲာ် ပှၤဂီၢ်မုၢ်လၢဝ့ၢ်ပူၤကအီၣ်လိာ်အညၣ်တဂၤဒီးတဂၤတုၤဒၣ်လၢ အဖိဒၣ်ဝဲတဖၣ်အညၣ်ဒၣ်လဲာ်န့ၣ်လီၤ.”

လံာ်မံကၤ 3:3

သုအီၣ်ကွံာ်ယပှၤဂီၢ်မုၢ်, အုၣ်ကွံာ်အဖံး, မၤကၢ်ကွံာ်အဃံတဖၣ်, ဒီးကျီပြံအီၤဒ်တၢ်ညၣ်လၢသပၢၤအဂီၢ်အသိးန့ၣ်လီၤ.

လံာ်မံကၤ 4:1

လၢမုၢ်နံၤလၢအကဟဲတဖၣ်အပူၤန့ၣ်, ကစၢၢ်ဖဲတၢ်လုၢ်ဟံၣ်အိၣ်သူၣ်လီၤအသးန့ၣ်ကမ့ၢ်ကစၢၢ်အထီကတၢၢ် လၢကစၢၢ်ခဲလၢာ်အကျါဒီးအိၣ်ထီၣ်ထီလၢတၢ်လူၢ်ခဲလၢာ်အဖီခိၣ် လီၤ. ပှၤအါကလုာ်ကဟဲဖှိၣ်ဆူအအိၣ်လီၤ.

မၤတၢ် 2:17

‘ကစၢ်ယွၤစံးဝဲဒၣ်, အအံၤမ့ၢ်တၢ်လၢယကမၤအီၤလၢ မုၢ်နံၤမုၢ်သီ လၢခံကတၢၢ်တဖၣ်, ယကလူလီၤဂၢ်လီၤယသးလၢ ပှၤဟီၣ်ခိၣ်ဖိခဲလၢာ်အလိၤ, သုဖိမုၣ်ဖိခွါတဖၣ်ကတဲဖျါထီၣ်ယတၢ်ကစီၣ်, သုပှၤသးစၢ်တဖၣ်ကထံၣ်တၢ်ထံၣ်လၢညါခီတဖၣ်, ဒီးသုပှၤသးပှၢ်တဖၣ်ကမံမီၢ်တၢ်မံမီၢ်တဖၣ်လီၤ.

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

၂ တံၤမသ့း 2:17

တၢ်သိၣ်လိဒ်န့ၣ်အသိးတဖၣ်လီၤဂာ်ဒီးတၢ်ပူၤလီၢ်ပူၤဃဲးလၢ အအီၣ်လီၤကလိၤကွံာ်တၢ်န့ၣ်လီၤ. ပှၤခံဂၤလၢအသိၣ်လိ တၢ်ဒ်သိးအံၤတဖၣ်မ့ၢ်ဝဲစီၤဟူၤမ့းနဲဒီးစီၤဖံလ့ၤတူးန့ၣ်လီၤ.

လံာ်စီၤယိၤၡူ 24:27

အဝဲစံးဘၣ်ပှၤဂီၢ်မုၢ်ခဲလၢာ်, “လၢၢ်တဖျၢၣ်အံၤကမ့ၢ်ပတၢ်အုၣ်သးန့ၣ်လီၤ. အဂ့ၢ်ဒ်အံၤ, နၢ်ဟူဝဲတၢ်ကတိၤခဲလၢာ်လၢယွၤစံးဘၣ်တဲဘၣ်ပှၤ န့ၣ်လီၤ. လၢၢ်အံၤကမ့ၢ်တၢ်အုၣ်သးထီဒါသုဒ်သိးသုတပူထီၣ်သုကစၢ်ယွၤတဂ့ၤအဂီၢ်န့ၣ်လီၤ.”

၂ ပ့းတရူး 3:3

အဆိကတၢၢ်န့ၣ်, သုကဘၣ်နၢ်ပၢၢ်လၢမုၢ်နံၤလၢခံကတၢၢ် တဖၣ်အပူၤပှၤကဟဲပၢၢ်ထီၣ်ဝဲတနီၤလၢအတၢ်အိၣ်မူတဖၣ်ဘၣ် တၢ်ပၢအီၤလၢအတၢ်သူၣ်လီသးကွံဒၣ်ဝဲန့ၣ်လီၤ. အဝဲသ့ၣ် ကကတိၤဒုၣ်ဒွဲၣ်သု,

လံာ်လီၣ်ဖျါ 17:16

နၢၤအဘိတဆံလၢနထံၣ်တ့ၢ်နဲဒီးတၢ်ဒူတၢ်ဃိၤတဒုန့ၣ်, ကသးဟ့ဃဲသဲမုၣ်တဂၤန့ၣ်လီၤ. အဝဲသ့ၣ်ကဟံးထီၣ်ကွံာ်တၢ်ခဲလၢာ်ခဲဆ့လၢအအိၣ်ဒီးပိာ်မုၣ် အဝဲန့ၣ်, ဒီးပာ်တ့ၢ်အိၣ်ဘ့ၣ်ဆ့အီၤလီၤ. အဝဲသ့ၣ်ကအီၣ်ကွံာ်ဃဲသဲမုၣ်အဝဲန့ၣ်အညၣ်ဒီးဒွဲၣ်ကွံာ်အီၤ လၢမ့ၣ်အူန့ၣ်လီၤ.

လံာ်လီၣ်ဖျါ 20:15

ပှၤတဂၤလၢ်လၢ်လၢအမံၤတအိၣ်ကွဲးအသးလၢလံာ်မူ အပူၤန့ၣ်, ဘၣ်တၢ်တ့ၢ်လီၤကွံာ်အီၤဆူနိၣ်မ့ၣ်အူအပူၤလီၤ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”